Oct 29, 2008

Zopui tlang leh Selesih: Aw Bethlehem!!

Nunhlui ngaih a sawt lo hmatiang i thlir ang u tichung zelin khawpui chhung han lut ila, khawilam a mi nge mipui chhiar sen loh an lo pungkhawm, hawina lam apiangah eng chi hrang mawi tak leh thawmhnaw tharin dawr hmunte chu a lo luah khat tlat mai. Nitlak hmaa khawbung ban hman loh hlau ni awm tak, mipui che vel ka tlir reng lai chuan ka hriat fo tawh thin rimawi chuan ka beng a luah khat ta tlat mai le. Ni lo, ka beng mai a ni lo, ka ngaihtuahna zawng pawh a luah khat zo ta vek mai a ni. A hun leh boruak nen lam hian chu hla chu a inchawih em lah tak a. He kumpui sul inher liam mek hian hmanah kan tuanna tlang leh mual zawngte, sikni eng lawma kan hlim laini min hriat chhuhtir lo thei lo a ni. Tichuan rilru ngaihtuahna ding tak nen keima hriat tawk lekin he hla hi ka sa ta ret ret a.

kum sul liam hnu kan nun ngaih lai tho leh thin, Remna Lal pian hun Champha hmatianga kan thlir, SIK NI ENG mawi leh zan boruak thiang leng vel, ngaih lai ti zual tur reng an maw”! tiin

Rinna thla ni lo, ngaihtuahna mit-thla ka han zara, kan vangkuah leh sumtual ka han fang a. A dang lo chhing mitthla’n hmana kan tuanna leh hlim lainite. An nui ri leh fak zai ri thinlaia’n a cham reng si.

Daiah Tlangsamte an par vul leh anga, Sikni eng min lawmpui ve ni awm tak sirvate’n dai rawn chuanin; Lailen leh Chip, Tukhumvilik leh Tlaiberh hram rimawiin Bethlehem dai ni lo vin, kan vangkhaw dai ngei kha an thual leh hian ka ring thin.

Khatia kan zo culture leh mim kutte, kan mizo nula tlangvalte hlimna thin chawngchente‘n kan missionaryte hmaisa tuar lova daiah min relhruk san mek lai leh, a ram pum anga Kristiana chhal kan lo nih tak hnu phei chuan kan kut pui ber Kristmas chuan fanna ngaih loh bethlehem tlangpui leh a parmawi min thlirtir a. Zai ngaina mi mizo thinlungah hla thuin hmun a chan san em thin a vang chuan Tan tlang leh Lurh tlang atang pawh ni lo, Kalvary tlang atangin fanna ngaih loh ram min chuanpui a. Tlangsam leh Chhawkhlei parte thlawhkhumin bethlehem par thliah kan chak ta zawk si a. A tak rama kan hmuh leh kan chante en khum mai lova luhchilh zai rel hi thiam ve tawh teh ila aw. Ruahtham loh fak zai kan vawr pawhin chhingmitthla nen a tang kawp anga, zofate thinlung chu a nghawrnghing nasa zawk ngein ka ring. Hla tak ami, hmuh ngai loh mah kan kurpui theih chuan kan tlangsam par leh chhawkhlei par te leh par dang zawng pawh hi zofa ringtute tan pawh bethlehem par mawi takah an chang ve zawk tur.


Thanlai a chul tawh hnu Zopui tlang leh Selesih,

Bethlehem tlangpui ianga zofate thinlung tihnim vea’n;

Engan vala’n i sakhming reng chawia biahzai a vawr loh,

I sakhming chawi nan lelte a kiu lo em ni le?

Hmana lalawithangpa fam chang hnu kohkir ka nuam e,

Bungpui zara lelte mah a kiu pui si chuan;

Aw.. Selesih sangsarih vawi sang sarih kiupui ka nuam che!

Fanna ngai loh Bethlehem tlangpui;

Ngaia zofate min kurpui si chuan,

Hruaikhawmna hmun sangsarih tlangpui leh mual zawng pawh ;

Min kurpui leh la aw.. hla kungpui.

Zopui tlang leh selesih sangsarih chawia chawmkhuang chum ka nuam mange!


Hmmm...“Kumpui sul a lo vei chang hian lunglen a tho leh thin”

(Edited by blogger)

Pu Zorun (puia) comment ngaihnawm zet leh bengvarthlak tak hi heta pholan hi tul leh tha ka ti tlat mai. Hmanlai kohhran chanchin leh world history ropui tak tak zirin research te kan bei thina. Lunghlu chu vawkpui tan a hlu lo a nih pawhin, heng Zopui, Selesih leh kan chinchhuak hriat hi zofate tan lunghlu; kan ram, kan in kan lo tia chhal tur kan lo neih vena chanchin pawimawh tak a ni si.

"Hraite kal chhet chhet artui hlawh hlawh" tia tluk leh kaih fawma harsa ti taka chemsen lena luchhum ban chhum huama kan piputen an lo sah en dan hriat mai bakah, mi, mahni kea dinga, tlana, kal dem dem thei alo nih thlenga a inhriat chianna chu ama tan a pawimawh tluk zetin, kan piputen keipui sahauha an lo hauh; kan ram, mipui kal mek dan leh tlan zel dan turte leh fimkhur taka a kal dem dem hunturte min thlirtirtu leh chuta tana kan lung tilengtu pawh lo ni rawh se.

Pu Zorun (puia) comment: Zopui khaw chanchin hi Mizo history ah chuan sawi tur nei hmasa ber pawl leh pawimawh ber pawl niin ka hmu a. L.Keivom lehkhabu Bawktlang Thawnthu nen pawh khan a inzawm viau a ni a. Mizo Lal ropui ber zinga sawi Zopui khaw lal Lallula history ah nghet takin Zopui khua hi a bei tel tlat bawk a. Zopui zai an tih te pawh hi hmanlai zawk chuan Lallula zai ti pawh an awm thin reng a ni.

Zopui khua a chhuahsan hnu hian Bawk Tlang lamah awmhmun a khuar a, hei pawh hi hmanlai zawng kha chuan Lallula Bawk Tlang an ti deuh kher thin a. Awmhmun khuar hi inbawk an ti ve bawk thin a ni.

Thlanrawn ho a run hnu rei vak loah hian Zopui khua hi zawi zawiin an rauh san a. Chul ram a han ni mai tur chu an ui em em mai a. A pem tlai deuh phei chu an lung hi a leng lawk em em a, pangpar an hmuh tam ber te chu an zam ta emaw tih mai turin an vuai a, an ro a, chung an hmuh te chuan kan pangpar zam zo e, tiin an koh phah a, chu pangpar chu tuna Zamzo pangpar kan tih tak hming hi a lo chhuah phah ta a ni a. Ka pu khan a dam laiin a sawi nasa thin a. Amah hi Lallula tuchhuan 5-na a ni a. Ziaka kan lo dah thin lo kha chu a pawi ngawt mai.

Oct 27, 2008

Vietnam

Kum tir lamah khan Inter- seminaries Sport fest kan nei a, ball petnaah Vietnam tlangval hi a rawn tel ve a, Mizo hmel ve tak, chhe lo ve deuh mai hi a ni a. Chu mi hnuah chuan vietnam ram chanchin internet-ah ka search kual ta vel mai mai a, vawiin niah ka file chu ka hai chhuak hlauh maia, hei hi a ni e.

Vietnam:

Official name: Socialist Republic of Vietnam

Form of Govt: Socialist republic

Capital: Hanoi

Population: 84,402,966

Official Language: Vietnamese

Money: Dong (cheng nuai nga tlang- pic)

Area: 127,123 Sq. mile

Major Mount range: Annam, Cordillera

Major rivers: Mekong, Red, Ma, Perfume.

Export: Rice (the second largest rice exporter of the world), crude oil, seafood, rubber electronic.

Vietnam first civilization arose in the Red River valley some 5000 years ago. In 111 bc Nam Viet became part of Chinese empire. By the mid 1500s, Dai Viet was divided between rival kingdoms. The Trinh in the north and the Nguyen in the south. In 1802, a Nguyen lord, with the help of the French, defeated the Trinh and renamed the country Vietnam. By 1890, however, France had taken over Vietnam.

After Japan’s defeat in 1945, Ho Chi Minh, the leader of Communist party, declared Vietnam an independent nation. Between 1975 and 1980, Vietnam traded mainly with other communist countries. A President, chosen by Assembly, is the head of the state and commander of the armed forces. As a communist country, Vietnam has no official religion. But people are free to worship if they want to, and many follow what’s called the “Three Teachings” of Confucianism, Taoism, and Buddhism.

Mi pakhat chuan tihian a lo ziak a, "The beauty that was vietnam, the country that America never knew about."

Vietnam war:

In 1961 American military adviserswere arrived in Vietnam. In September of 1963, President John F. Kennedy declared in an interview, "In the final analysis, it is their war. They are the ones who have to win it or lose it. Kennedy was assassinated on November 22, 1963. The only thing certain about Kennedy's role in Vietnam before he died was that he had escalated America's military, political, and maybe psychological commitment to Vietnam.

President Lyndon B. Johnson took the role in Vietnam war. Simultaneously, he escalated the American involvement in the Vietnam War from 16,000 American soldiers in 1963 to 550,000 in early 1968. He said, "If we allow Vietnam to fall, tomorrow we’ll be fighting in Hawaii, and next week in San Francisco," this is why he was so committed to the war.

President Eisenhower administration was concerned that if Vietnam fell under Communist control, other Southeast Asian and Pacific nations, including even the Philippines, would fall one by one. In response to that threat, the Southeast Asia Treaty Organization (SEATO) was formed in 1955 to prevent Communist expansion.

Miss universe : The 57th annual Miss Universe competition takes place in Nha Trang, Vietnam at the Crown Convention Center on July 14. Miss Vietnam- Lam Thuy Nguyen

What is your proudest personal?
I am very proud of my accomplishments in being a professional singer, I have my own CD out in Vietnam, titled, "Thuy Lam.”
Finishing my second year at the Culture and Performing Arts school in Ho Chi Minh. I am the first representative of Vietnam in the Miss Universe pageant.
What is something unique that has happened to you; some interesting thing about you?
I have starred in three Vietnamese films within the last two years.
What do you want the judges to know about you?
I admire my mother very much and because of my admiration for her, I wanted to enter this pageant, not for the competition, but to represent Vietnam and let the world know about our culture, our people and especially the Vietnamese woman. We can carry out our traditional roles as good mothers and wives and can still perform on a professional level.


Oct 25, 2008

Rimawi

Zo hnahthlak, eng chi pawh ni ila zai ngaina tak vek kan ni a. Kan khua a harin kan zai a. Ngaihzawngte ngaih vangin kan zai a, kan lawmnaah pawh kan zai ho zel a. Khawhar chhungte pawh zaiin kan awi tlei thin. Ral lu aiin kan zaiin kan lam a. Lal leh a khua leh tui fak nante, inelrelnaah pawh hla thu hmangin sak theih turin kan inphuah khuma (Awithangpa leh Diriallova), tlawmngaihna leh huaisen na lam Ram chhan turin hla thu hmang bawkin kan inawi tlei thina, kan infuih thin a ni. Lunglenna chhan sawi bertur hre lova kan zai pawhin khawtlang lunglen kan la ti fan a. Mizo te kan awm chhung hi chuan zai hi a awm renga, rimawi hi a awm reng dawn tihna mai ni lo vin, ZAI hi a chawl dawn lo ka han ti teh zawk ang. Van ram kan thlen hunah pawh Thisen thisen tia bang lova la zai zel turte chu mizote hi kan ni.

Kan hla thu te hi a ril a, ngeng a chhunin rilru a fan r il em em mai a. Miin a thinlunga awm a vei em em mai hla hmanga a han phuah chhuah meuh chuan, a phuahtu tawn ang chiah tawng ve lem lo tan pawh chu hla thu ril tak chuan lairil a fan pha thin. Kan pi pu te pawh khan zai chi hrang an lo nei ve thliah mai a, a tlangpui thuin kan hlate kha sak hah dam tak lung ti leng thei tak leh thluk nem takte an ni hlawm a. An hun lai mil chuan a remna pawh an nei famkim ve khawp mai. Khang kan Musical instrument te kha Western lamin min luahlan sak mek tawh a, mahse chung zingah chuan Khuang erawh hi zawng mizo te kan zai chhung chuan a bo awm lo ve.

Kan mizo zai then khatte kha han tarlang ila (Pu Rongenga ziak atangin): Chai, Kawrnu, Mangkhaia, Saikuti, thailungi, Tluangthli, Zopui, Chhim leh Hmar, Darlung, Hualngo, Tlawh, Lenlai, Nilen, Chawnchen, Lumtui, Muallam, Zainem, Thlang zai, Nauawih, Pi Hmuaki, Pautu, Hlado, Chawino, Aikhiang, Hmarlutvunga (Awithangpa), Thlek, Puma, Tlanglam zaite an ni.

Musical instrument te kan nei ve thliah a; Khuang, Dar bu chi hrang hrang, Sumsel, Tumphit, Seki, Phenglawng, Tingtang, tlangval lungleng then khat phei chuan hnah ham riin hla an sa veng veng thin bawk.

Hla hian kan mizo culture-ah a lailum a chang pha hial a, kan hnam nun phung leh zia a keng tel tlat a ni. chuvangin Mizo kan nihna tar lang bertu pawh ani a tih theih hial awm e.

Mizo ram UT a nih laia Cheif Commissioner hmasa ber Pu S.J. Das-an Mizoram chanchin a ziaknaah, "Lushai Hills is a land of songs, smiles and surprises," a lo ti hial reng a ni. Lawmrual nui ri te khan khawtlang a fan hneh hle thin a. Pu Dasa'n a lo sawi ang mai hian nui hmelte, hlim ri leh kan zai rimawi hi khawvel mak tih tham khawpin thangmawi zel se (to be continue).


Oct 24, 2008

Rev. Chanchinmawia thih dan chhui

Rev. Chanchinmawia kha a thih hlim chhawn leh a hnu rei fe chhung kha mite rilru luahtu ber leh zoram khawvel ti ti ber a ni a. Police special investigation lam chuan abul atang reng khan mahni intihlum tiin a chhui lut tlat mai si kha, mipui mak tih a tlinga, mahni intihlum an tihna chhan finfiahna mumal tak mipui hrilh tur an nei lo khan mipui rilruah zawhna tam tak a siam a. Website hrang hrangah comment han chhiar ila, hliam a tuar dan leh an awmpuinu leh a nupui fanau te tawngkamte leh thil awm dan atang mahni ngaihdan leh chhui dawnna atanga ngaihdan tlangpuiah chuan mi kut tuara thi ngei niin an ngai si a.
Kohhran pawhin mahni inthat a nih an rin loh a vangin kohhran danin mawi hnai taka vui a ni a. A chhuitu kan uisa thiam te hi kawng an bo nge, mipui leh kohhran hi Police aiin hnuichhui an lo thiam zawk? Kan bo tlang vek zawk em ni. Police te tan a harsatna an sawi chu an thlen hmaa hnuichhui theihna tur hmanrua leh hnu hma rem hre taka silfai vek mai ani kha a ni a. An tlai deuh a ni. A hlimchhawnah mipui au hla chu CBI koh kha a ni a, hei kum khat hnuah CBI chu koh an ni ta a, anni pawh hi an tlai deuh tho ang em?

Naupang inlarna te pawh a lo chhuak a, mahse mipuiin eng ualah an ngai hran lem lo va. Tunah phei chuan thawm a dai duk a, mipuite hian an theihnghilh zo ta emaw ni tih mai tur a ni. CBI hnuchhui dan pawh ngihven peih kan awm vak tawh chuang lo ni berin a lang. CBI hnuchhuina hi Police special investigation ho kaihhruaina hnuai atanga neih tho em ni? An awmpuinu leh a nupui fanau leh mi dang dang interview an neih te thu sawi hi a hmaa an sawi nen a la in ang reng em? CBI ho hian zalen takin anmahni thuin thil an ti em le? An interview tur te hi Police ho hian an lo va thawt lawk hmasa fo em? Nimin khan CBI ho chu mizoram atang an haw leh ta a. An thil hmuh chhuah an rawn puan hun hi lo thlir thap mai ila. Mikut tuara thi emaw mahni intihlum a ni e tih ang vel chauh ni lovin. Mipui tan pawha hriatfiah theih turin a prove na an nei thei turah beisei ila. He puithiam thih dan hi hriat chhuah a nih hma chuan zoram mipui te rilruah hian a daiin ka ring lo.

Oct 23, 2008

Nitin hun hman dan min zirtir ang che

Kan thenawm pitar chu kum 72 mi a ni a, a tar tawh hle mai a, a mit pawh a fiah vak tawh lo. Amah pawhin dam rei chu a inring tawh lova, ram dang kala han inhlawh fak chu a ngaihtuah ngai lo. Ka thian kawmngeih em em chuan min lo boral san tawh a, thlalak vel han thlir chang hian lung aleng, la dam ve sela chuan Malaysia nge, US ah emaw hman hmanah khan a kal anga, a intlawh rum ve vat vat ngei ang. Kan dam chhung ni leh kum te hi engtia rei nge le, a then hma takah an liama, a then kum upa takah an thi a. Mahse an vaiin he khawvel ata lak bo an ni, an awm tawh lo, hlimthla ang lekin an ral ta si.

Ka naupan lai chuan school bang in ka han thleng hi, ka nu ka kova, ani chuan min lo chhang var a. Ka ril atam ka tih leh ei turte min siam sak thin a, min hmangaih em em a, a fate tan hian a hun zawng zawng, a chakna thahrui zawng zawng leh hmangaihna mittui hial pawh a luan tir thin. Tunah in han haw ila, aw rawl tawp pawhin ko ila min chhang tur a awm tawh si lo, a thi tawha, a reh vawng vawng mai a ni. Kan then takte kha he khawvelah hian vawi khatmah kan hmu leh ngai tawh dawn lo, an rawn kir leh ngai tawh reng reng lo, an reh vang vang a, an reh hlen thin.

Tichuan thangkhat lian a lo ral a, keimahni ngei pawh chuan kan thih hun tur kan lo hnaih ta deuh deuh thin. Tichuan, ral leh mai thin khawvela ka cham chhung rei lo teah hian enge ti ve ila tha ang tih ka ngaihtuah ta a. He khawvela ka hun neih chhun rei lo te hi, ral leh mai mai tur atana hman zawng a pamhmai em mai tiin, ral tawh ngai lo chatuan daih hna thawh chu ka thlang ta zawk a. Kan thawhrim rah zawng zawng pawh vanah kan hmuh hun chuan chung thlarau bo chhandamte nena Lalpa fak ho chu a va nuam dawn em!!

"Teach me Lord, how to count the days of my life, and I will understand how short it is."

Oct 21, 2008

Zawng leh Sakei

Khawhar phena tlir ve mai mai atan.


A tlang thianghlim te pawh min ngaihtuahtir.

Oct 20, 2008

Mizo takin

Zoawi family an hlim tlang ngei mai. An music video an urhsun nasa bawka tunah chuan an peihfel tain hlim takin chawnban an vawr siau siau a nih hi. He hla thu pawh hi a tha khawp mai.

Oct 18, 2008

USA inthlan a hnai ta hle

USA President inthlan chu November hian an nei dawn a. Obama hi a tling nawlh mai thei a ni. Hmana an mihang chhawr thin khan an chungah rorelna an chang ve tawh dawn pawh a ni mahna, hei hi Mingo ho tam tak sawn an ngaingam a ngem? Tunlaiah mi then khatin mihang tih aiah midum tih ching an awm, mizo te hian ar dum pawh ar hang tiin kan sawi thin a, ar var pawh ar ngo tiin kan sawi thin.

USA president lo ni tawhte kohhran hrang hrang atang hetiang hian: Episcopalian –atang mi 11, Presbyterian –mi 10, Methodist -5, Baptist -4, Unitarian -4, Disciples of Christ 3, Dutch Reformed -2, Quaker -2, Congregationalist -2, Catholic 1, Jehovah’s Witness -1,

President zinga Sipai tang tawh zat mi 30, sipai tang lo mi 12. USA president zingah kum 40-50 inkar an tam ber a, McCain (72) hi a tlin chuan a upa ber a ni ang, Vietnam war-ah pawh lo tel ve pha kha a ni a.

Mizoram pawh Novemberah an inthlang dawn a, Pu Thena, Lalthawnhawla, leh Zoramthanga te hi an ni leh mai a, mi hlui hlir anni a, an naupang vak tawh lo hlawm vek, an itawm loh vek mai. An hun laiin engmah tipuitling lo vek an ni. Mahni mil tawk tawk te te hruaituah kan nei zel zawng a nih hi.

Zoawi VCD thar

Rangona awm mizote thu leh hla lama tui thianzaho inhlawm khawm chuan Zoawi family an dina, Hla hlui nalh tak tak VCD an buatsaih a, he album "I Tan" tih hi tunah tlangzarh a ni ta. Zodi leh Vulmawi hla hlui nalh tak tak; Lalnunsanga, Edeni, Pantei, leh Daisy ten an sa. T. Melody guitarist Thanthawnga'n a rem sak a ni. Zodi hla "Di enchim loh" tih hi a nalhin lung a tileng khawp mai

Oct 17, 2008

Tun hnai chanchin lawrkhawm

Miss: October ni 11 zana Miss North 2008 thlanna Shillong-a neihah hmarchhak State Pariat atangin Contestant 16 an inlana, Mizoram hminga chhuak Lalzamliani leh C. Zonunmawii te chuan Top 10-ah lutin Zami hi Top FIve-ah a lang pha nghe nghe. A ni hian Top 5-a a lan bakah Miss Perfect Ten Award a dawng nghe nghe a ni. Tin, Manuni hian Miss Beautiful Skin Award a dawng bawk. Zaithiam K. Remsangpuii leh lam thiamTv. Kristiana te pawh an che tha hle.




Mizoram State AIDS Control Society (MSACS) Project Director Dr K Ropari chuan damdawi ina nau neite chu HIV test neihtir vek tum an ni a, he test hmang hian nausen lo piang turte chu nu, HIV pai laka chhanchhuah an nih theih chauh dawn a ni a ti.


Nikum 2007 Oct.1 a boral Khatla Pastor bial vawngtu, Rev. Chanchinmawia thih dan chhui turin Central Bureau of Investigation (CBI)ten uluk takin an chhui mek, eng tak chhuichhuak ang maw. Mizoram police Special Investigation Team (SIT) report-ah khan midang kut tuar a nih an ring lo va. CBI hian SIT report chhuichiangin mi hrang hrang kawmin hma an la mek.

Ni thum awh seminar: DHE, Mizoram University buatsaih, Euro Burma Office, Bussels bultum, 'International Seminar on Exploring the History, Culture and Identity of the Chins' chu Oct. 13-15 khan Tourist Lodge, Chaltlangah neih a ni. Ram dang leh India ram state hrang hrang atangin mithiam paper ngaih thlak leh sawihona hun hman a ni. He seminary ah hian Zo or Chin or Kuki or Mizo, tia koh kan nihna chhan hi; ram hrang Burma, Indai, leh Bangladesh-ah te then sawma kan awm vang a ni, unau kan ni, culture, hnam nunphung, tawng leh history in ang nei kan ni tih pawm tlan a ni. Dr. F K Lehman, ziak "The structure of Chin State" atang seminar paper buatsaih a ni.

'The Mizo Divorce Ordinance 2008' a taka hman theih tura sorkarin a pass ta. He ordinace hi Mizo Divorce Act 2008 tih niin Lai, Mara leh Chakma Autonomous District Council tih loh ah chuan Mizoram hmun dang zawnga hman tur a ni. Hei hi nupa chungchanga harsatna; sakhuana, natna hlauhawm, mipat hmeichhiatna, rilru lam buaina, leh kut inthlakna avanga nupa inthen theihna dan leh rosum chungchanga Mizo hmeichhiate dinhmun humhalhna a ni ber

Mizo TV channel thar, Mizoram Media Evangelical Ministries channel, Aizawla Cable TV pathumah tihchhuah tharah chuan sermon, zai, interview, testimony sawi leh Kristian rawngbawlna chanchin tihchhuah thin a ni dawn.

World No. 1 Jelena Jankovic chuan a zâwna Tournament 3-a a champion-na turin Pathianni khan Moscow-a khelh Kremlin Cup Womens' Singles Final-ah Russian Vera Zvonareva chu 6-2 6-4-in a hneh.

USA president inthlanna last debate pawh zawh fel a ni ta, a lan danah Obama hian huhang a ngah zawk. November thlaah inthlana an nei dawn ta.

Mizoram chu Nov. 29, 2008-ah inthlanna an tan ang. Burma chu 2010-ah an nei thei ang emaw???

Oct 16, 2008

Ngawihbopui mai atan chuan ka ui em a

Dr. P.C Biaksiama, Liangdingpuii leh Nunui te kum 2005-a Rangon an rawn kal hnu lawk khan Nunui hi email ka thawn a, chuta min chhan letna chu ngawihbopui mai atan ka ui em a, a ngai a ngaiin ka rawn post teh ang a hla nen hian, a biktakin Nunui fan te tan leh amah ka ngaihsanna lantir ve nan ni se la. Nunui hi mizo gospel singer zingah ka duh ber a ni a. A aw hi a damin Pathiang fakna atan hian inhmeh bik riau vin ka hria.

Sunday, January 29, 2006 8:51 PM

Hello Aw P

Pathian zarah i dam zel ka beisei.Keipoh ka dam
e...i mail hi ka lo hmu tlai ltk a,chhan chu ka
checklo char2 a ka ron reply har a.min lo hrethiam don
nia...i mail a i thu ron soi zong2 kha ka phu lo hle
mai,mahse ka lom ltk e...yangon,mandalay,halkha te kan
ron zin khan nuam kan ti ltk a,awm hlen ang tih poh
hlauhom rum2 khopin...mizo unau te zong2 lah kha an lo
fel em2 mai a,kan phu lohin min lo lawm der ve a kan
lom tak tak ani,Pathian that zia kan ron tem a ni
ringot mai...bakah khatilam kan unau te an christian
dan te kha a tak kan ti a,kan tluk lo hle che u tih
kan in hre chhuak nasa a,bakah keini pohin testimony
tam tak kan neih phah ani,in in pekna thuk zia te kha
kan tluk lo ngoih2 che u ani,kan ron kal lo ang tih
kan hlau khop mai.Pathian zarah kan hmuhloh tur ram
nuam leh kan unau duh awm tak2 te kan ron hmuh phah
che u a kan lom tak meuh a ni...

Phillipines chu a nuam m?kal ve te poh a
chakom hle mai...kan dam a Pathianin rem a tih chuan
Kan la ron kal ve mahna...i zirlai te i tluang zel
m/tluang taka i tih theih zel ka beisei,Pathianin
malsom che roh se.
God bless,
Nunui

Oct 14, 2008

T. Melody ho hla atanga ka fan ram

(chhiar pahin han ngaithla vang vang teh le)

Hmanah chuan thenrualte nen hlim tea tual chaiin he khawvel pangpar mawi tak tak te leh thilsiam dangte thlira hlim pui em em thin, engmah enghelh nei lo leh ngaihtuah hah lo va, rilru hlim tak leh zalen taka hun hmangin, he ka taksa peng hrang hrangte leh kimtlangte chu darthlalang hmaah lungawi taka thlira hun rei tak tak khawhralin, mahni tawktea ka nihna ang anga induh tawk ve em em thin kha tunah chuan thil a lo dang lam zo ta!

Hlimnate chuan mual min liam san a, thlarau nun hial pawh a chau zo ta, mangangna ruamah chuan senlai nau anga ka tah tak hi. Sual leh thil bawlhhlawh tak vanga heng thil hi lo thleng chu ni se la sawi thu a cheng lo tur. Mahse ka chunga heng thil zawng zawng lo thlenna chhan hi Hmangaihna vang a ni tlat mai si hi a makin hriat thiam a va har tak em!! Theih ni sela aw chatuan atan thlam thimah ka hnawl liam tur.

*He ka taksa bung hrang hrangte lawmna leh hlimnaa hrui lut thintu ka Thinlung hi tunah zet chuan Juliet-i leh Romeo-a te tur chak tak chuan a fan zo ta! He tur hian thunun zawh rual loh vin mi a fan a, engti kawng mahin ka chelh zo mawlh si lo. Ka rilru mangangin a rum tak zet a, hlim lai ni zawngte pawh zamual an liam zo ta. Nang a hmangaih tlat che a vang hian ka duh tak he ka Thinlung hi tunah chuan ka tan hmelma hlauhawm berah a lo chang zo ta.

Chhungrilah ka tap tak zet a, nausen ang maiin ban zai ka rel thei mawlh lo. Lungchimtea ka thlir thin ka sakruang leh kimtlangte pawh chhawl ang an uai zo va, ka thlarau nun hial pawh chauvin a ngui zo ta. A hmangaih luat a vang che hian, thunun zawh loh he ka Thinlung hi ka tan hmelma nunrawng ber a lo ni ta si.

Tunah zet chuan he ka taksa lairil ber a luah fo pawh hi rem ka ti thlawt tawh lo. Ka tan hmelma hlauhawm ber leh nun rawng ber a lo ni ta si a. Ka rilru leh ngaihtuahna zawng zawng chu sawm khawmin, he ka hmelma chungah hian hnam len (chem hman) ka lo duh ta hial a. Tichuan ka rilru leh ngaihtuahna zawng zawng chuan he ka thinlung hi phawrh chhuakin khandaih hriam hmanga hreawm tinreng tuartirin hmelma hnawk sak ber chu thlan thiam hnuaiah zal turin a nawr liam ta. Aw.. ngaihtuahna ram hi a takah chantir theih ni mai teh se la aw…

Rilru leh suangtuahna ramah chuan ka thinlung chu famkhua ka lawitir ta ngei a. Ka duhthusam ber pawh tho leh tawh lo va chatuana chawlh hlentir vang vang chu a ni. Mahse maw,,, hmangaihna hi a va lo mak ngai em!!! Heti khawpa ka taksa pengtin leh thlarau nun hial pawhin a tuar hnu hian, Kei (thinlung putu) ngei pawh hi min zah zo lovin, a hmangaih em che a vangin i kephah hmaah kun turin a rawn vahchhuah leh tak hi, a va han chimawm tak em! “He ka Thinlung hi.”

THINLUNG THAWNTHU

1. He ka thinlung hmangaihtu che vang hian,

Aw ka rilru mangang a rum thin;

Nang hmangaih che vang hian, hlimlai zawngte’n..aw zamual min liam san ta,

Hmelma hlauhawm ber a lo ni..he ka thinlung hi!!

2. He ka thinlung hmangaihtu che vang hian,

Aw ka thlarau, chauvin a ngui thin.

Nang hmangaih che vang hian, sen lai nau vanga tah lai ban zai rel a har ngei…

Hmelma nun rawng ber a lo ni he ka thinlung hi!!

Bridge

Tanglaia run rem tir ka phal nem maw hmelma tan,

Khandaih hriamin aw ka hmelma chu fam ka chantir a;

Hreawm tin tawrhtirin, thlan thim hnuaiah zal turin ka hnawl liam ta,

Hmelma hnawksak ber a lo ni he ka thinlung hi!!

3. Chu ka thinlung famkhaw lawi hnu ngei chu,

Thawh leh zai rel renga'n a mawi lo;

Nang hmangaih che vang hian thawh zai relin i kephah hmaa'n a kun leh si/maw,

Hmelma chimawm ber a lo ni he ka thinlung hi!!

*Repeat Bridge & 3*

Barrack Obama hi tunge?

A pa hi Kenya (Africa) mi a ni a, a nu hi USA Kansas nula a ni. Kum 1961 khan an innei. A pa hian Harvard University –ah engineering a zir zawhah Kenya ramah a haw leh a, mahse an ramah sorkar polotics avanga buaina leh harsat a awm avangin a thil tihtum puitling lovin zu leh sa lamah a tlan ta hlauh a ni. Tichuan kum 1982 khan Motor accident-in a boral. A pa hian a nupui hmasa Kenya mi lakah fa pawh a nei. A nu hi Anthropologist Ph.D a ni a. High school a zawh hnuah an chhungin Hawaii ah an pem a. Obama pa nen kum thum an innei a, chu mi hnuah Indonesia mi Lolo Soetoro nen an innei leh fa pawh an nei. Mahse kum 1980 khan an inthen leh a, tichuan kum 1995 khan Cancer natnain a boral ta a ni. Obama hian nu hmun lo pa hrang lakah unau 7 a nei a.

Obama chu Kum 6 mi a nihin a pa-hrawn Lolo Soetoro nen Indonesia-ah an khaw sa a. A pa hrawn duhdanin Muslim Schoolah a kal a. Kum 9 mi a nihin a pi leh pu ten Hawaii-ah an hruai hawng a. Tichuan a nu lama a pu leh pite hnenah chuan seilianin zirna a chhun zawm a Christian chhungkua zingah a seilian ta a ni.
A pute chhungkua hi Indiana leh Kansas States a lei let mi an ni a. A nu lama a pu pu leh chhawng pakhat chu President Thomas Jefferson (US Independence Declaration ziaktu) hun laia Supreme Court Justice hming thang tak Mr. Gabriel Duvall kha a ni.

Obama hming lai (Middle name) ‘Hussein’ tih avang hian Muslim a ni tia beihna leh sawiselna a dawng nasa hle a. Amah hi Evangelical Christian (American Baptist Conference enkawhlna hnuaiah) Chicago-a biak in pakhatah rinawm takin a lawi. John (Sidney) McCain hi Epicostal Baptist kohhran a ni ve thung. Tuna tan chuan hei zawng hi ni phawt sela, a tun din hmun zawng a thawh dan a zirin kan la sawi leh ang chu.

Kenya tawng "Barrack" tih hi "fapa malsawm dawng" tihna a ni.

Oct 12, 2008

Phengphe khua

Khua a har deuh em mai vawiin ni chu, "phengphe khua a tlai zo ta" tih hla J. Malsawmtluanga (Tahan) sak hi i ngaihthla mai mai ang u hmiang.
http://www.puibawiha.blogspot.com

Lunglen a hnem ang nge, a tizual zawk ang aw.....

illusionaire: Mizo Bloggers Directory

illusionaire: Mizo Bloggers Directory

Oct 11, 2008

Lem mawi tak atang

Zing thawh veleha nuih hi a tha an tih kha maw, khaw nge han nui dawn teh ang. Eng fiamthuin nge ka nuih tiza thin deuh kha aw....
Hm.. Tlangval pakhat dawizep lutuk pawh hi mi vengah a va lenga, "zawnga" an lo ti a, a zawng kal nghal awt awt mai a ni awm sin maw le.
Tualte vanglai thli tleh na lutuk pawh luikawra pa pakhat daikal lai a mawng a chhem faifuk anti..

Thlalak leh lem ziak mawi tak en hian nun a tihlim ve riau thin a, ka hmuh tawh zinga mawi ka tih ber pakhat chu hei hi a ni-

Sang taka a ban theih nan thutthleng a dawha, chutah pheikhawk sang nen pha leh pha lo vin a kut ding lamin a han bana, chu chu enin a han dak deuh ngei bawk a. A kut veilam dah dan mawlh sawn he lem design-tu idea that zia a lantir. Chhimbal color pawh a bei nalh fu, a hnuaia rawng bur a han dahte sawn he lem hi a tinung riau. Ral hla taka ni eng zung zam lo lang sawn a hun leh boruak an puang chhuak a. He lem ka thlir hian kan Pu Nova hun laia tui let kha min hriat chhuahtir a. Nova'n Pathian a rinna kha a va nghet tak em! Kan hnam nunah hian ze ngelnghet hi kan mamawh hle.

Tui chu a let mai si lo, khawthiang tak leh ni sa hnuaia lawng han tuk tluk tluk mai chu a hun laia mite tan chuan at thlak a tling awm e. An tia lawm, an nula rimna leh hnatawhnaah tlangval thenkhat chuan chhaih nawmnah nan hmangin, "Sema i pain enge a tih?" an han tia, kil khat atangin pakhatin "Lawng a tuk" an lo tifiamthu vel thin.

Tirhkoh Paula'n "Kraws thu chu ka zahpui si lo va" a lo ti a. Lal Isua ngei chuan keimahni avangin nuihzabur leh diriamna chu a lo tuar a. Thianghlim taka nung tura min kohnaah hian, khawvel mite tan chuan at thlak nihna pawh a ni mai thei e. Engpawh nise ngaihtuah chian chuan mitin hian mahni tan leh chhungkaw tan chhandamna lawng chu kan tuka. Thlipui leh ruahpui anga harsatna leh natna hri a lo len hunah mamawh leina tur kan neih theih nan leh nuamsa taka awm theihna turin nitin lawng kan tuk, Nova hunlaia mipuite ang tho khan. Mahse Nova chuan Pathian thu a ngaipawimawh hmasa. Engkim thlentir theitu chu Pathian a ni si.

Tin, hei hi thu dik tak a ni; "Pathian chu a thutiamah a rinawm." Ni an han en a, tui let theiin an ring lo, mahse Pathian thu chuan tui a let dawna lawng tuk rawh tih chu a sawi miau si. Engvang nge Nova khan hah taka lawng a tuk le? Pathian pawh chuan awlsam tein an tan tuilet dawnah lawng chu rawn pe mai se ni awm a nia. Mahse rim taka thawkin lawng chu a khawr puma, ruahpui a sura tuiletin lawng chu a vawrh sang ta zel mai han hriat chuan rinna nena a thawh rim rah chu a seng ta. Lalpa tana rim taka kan thawhna te hian thlipui leh ruahpui anga harsatnain min nuai hunah pawh min humhimtu leh min vawrh sangtu, kan lawmna tizualtu an lo ni ve ngei ang.

Rei deuh mahse nghak rawh phunnawi lovin, Lalpa thutiam chu a thlawn lovang.

AW RIHLIPUI

Hmm.. Atlast!!

Tunah chuan ka blog pawh ka duh ang zana nalhin ka ching fel tain ka hria.












Tu khaw kha hriatpui ve si lo hian lung chimte'n ka thlir ning lo aw...Rihlipui,
Sial ang ka lawm lai biang no te kha i lo hmu em aw Rihlipui;
Famkhaw lam tluangah Pawla'n zah lo ngai sela, in vangkhawpui tuallaiah lo lawm rawh aw Rihlipui.

A hlau dah ange chengrang zawng kau mai lo u', nemten lo chawi mu la aw Rihlipui,
Hnun tui ngaia a chhingmit tui far changin, lunglohtui damte'n lo tulh rawh aw Rihlipui;
Fehrehsan a liam hunin hlimten a tual chai ve nan hawi lo par lo hlan ve la aw Rihlipui.

Mitthi pal dai ang hung la, himtaka a tual len ve nan aw Rihlipui,
Chhun rawl atan mitthi sawm leh mitthi sangha zawng hlan lul suh aw Rihlipui;
Pangti dam tea a awm ve nan Rih ar leh rih artui lo hlui zawk rawh aw Rihlipui.

Thawnthu iangin lo hlan ve la, kan hmangaihna zawng leh hring kan chan, chutin nem ten zan mu a chhin ve nan aw Rihlipui,
Thlir nin awm loh, ka duh lai biang no tual lenna aw Rihlipui;
Ka duh tak tana ka thu chah, rinawm ten vawng nang che aw Rihlipui.

I chanchin sawi ka bang dawn lo, ka rawn chhun zawm leh dawn a nia.

Oct 9, 2008

Lalpa dan ngaihsan

Nizan chu mu miah lovin, he ka blog hi ka buaipuia, a template hi ka thlaka, computer zir ve lo nafam chu ka khal rei hle a, ka mitte hi a kham urh mai, a vai deuh reuh lehnghal. Tun hi khua a lo var taa, chawngzawng an rawn hram leh ta nak nak mai. Zing ni chhuak eng mawi leh boruak thiang tak min petu ka Pathian hming chu fakin awm rawh se.

Ka ril pawh a rawn tam ta hle mai a, mahse ka Bible chu ka keu va, Sam 119: 57-64 ka chhiar a, chang 59na "ka awm dante ka ngaihtuah a, i thuhriattir lamah chuan ka ke ka pen ta a," he lai chang hi a tha hle mai. Tin hei hi ka din hmun chiah a ni ve bawk a ni. Naktuk lo awm zelah hian he thu hi ka nihna a nih reng theih nan thlarau thianghlimin min kaihruai sela, a mi hruainaah chuan keiin zui ila.

Israel hnam hruaitute zinga Pathian tihtute khan Lalpa an tih a ni tih kan hmuh theihna awlsam chu 'a dan thu an ngaisang' tihah hian a ni. He kan Bible chang tarlan hi, Lal Davida'n Pathian dan a ngaihsan thu sawina a ni ber a. Sam kan chhiar hian Lal Davida nun chiang takin a hriat theiha, mi suaksual leh a hmelma te chunga Lalpa hnena a tawngtaina a tam hle a. Chang 61-naah, "Mi suaksualho hruihrualte chuan mi zem hlawm reng a; Nimahsela i dan chu ka theihnghilh lo," a ti. Hei tak hi keini pawh thlemna leh harsatna laka hnehna kan chan theihna tur chu a ni tia ka rilru ka hmin zan hnuah ti hian ka rawn type chhuak ta a. Ka post zawh veleh hian breakfast ka ei ve chauh dawn a ni.

" Ni khat atan ni khat hreawm a tawk"

Oct 8, 2008

Kan la ngai ve mahna

Sept. 18, 2008 zing dar 10: 30 a ni a, hmanhmawh takin inkhawmna chapel-ah chuan ka luta, thiante ho chu an lo kim thap tawh a. Thianpa Dinga pawh dawhsanah dingin kan culture day welcome speech neiin hun a lo hmang chiah a. Nizan lamah ka sermon tur ziah sa chu computerah chhu lutin, rilru helhhawlh nen mutmu pawh tuah tha hman lo ka nih a vangin mit siai deuh sun sun chung chuan biak inah ka computer ak hnawk deuh rap chung chuan ka lut a, tichuan ka awmna tur lam (stage)-ah chuan thut hmun ka rem fel ta nghal a.

He mi nia ka sermon hi ka tui bawk a, ka sawi rei ta deuh va, ka inthlahrung ang reng viau a. Mahse thahnem kha ka ngai ve tum hrang si a. Mi tam tak chuan i sawi tha khawp mai, fiam thute i thawha kan nui dar dara min ti a. Tirhkoh Paula'n, "keiin ka phuna, Appolova'n tuiin a chawma, a thantirtu chu Pathian ani," a tih hi a dik a ni. Tinungtu chu thlarau a nih avangin kan thu sawite pawh chu Thlarauvin a thawh dan ang zelin unaute tan malsawmna a ni thei chauh a ni.

He ni hi ka tan chuan theih nghilh a har viau tawh ang. Chutiang bawkin ka thiante tan pawh hian theih nghilh mai chi zawng a ni bik hauh lovang. A chhan chu he mi ni hian zaipawl mawi fahran mai kan rem tlat a ni. Chuta kan hlasak chu tuna ka rawn post mi "The heart of worship" tih hi a ni a. I ngaihthlak a tan ka han theh chhuak a ni e.


Oct 7, 2008

Piancham hun lawmawm


HAPPY
BIRTHDAY to Dearest Love



Vawiin i piancham a lo thleng hian ka thinlung zawng zawngin ka lawmpui a che. I hun kal tawha Lalpa awmpuina leh malsawmna i dawn zawng zawngte chu chhiar nawn lehin i lawmna tizualtu ni se la. I hun lo kal leh zel turah pawh Lalpaah lawmna nasa lehzual i neih theih nan duhsakna ka hlan che a, Birthday dang vawi tam tak i hman leh zel theih nan i tan tawngtaina ka lo hlan e.

Hmangaihna nen,

Puibawiha.

Lawmna

Lalpa chunga lawmna chu in chakna a ni si a (Neh. 8: 10).

Engvangin nge rim taka hna kan thawha, ni leng lenga hah taka hun kan hman thin le? He khawvelah hian mamawh leh duh apui kan va ngah tak em! Mihringin a dam chhung hun te hi engtia hman nge a thlakhlelh ber ni? Mihring thinlung pawh hian enge a zawn ber chu ni ta ang?
In leh lo, silhfen tha neih hi a ni mai lo em ni?

Kawtthlerah te kalin han zawt vel ta la eng tin lo chhang hlawm ang che maw. A nih loh pawhin natna khuma mu te leh tan ina tang te chuan engtin nge an chhan che. Damna leh zalenna pawh chu lo nei ta teh reng sela a tawk tawh e an tih mai i ring em?

Duh tin reng thing thei mi nei nung te hi an va nihlawh tak em! Chutiang ang hlawhtlinna chu neih ve tumin kan hmanhlel ve bawk a ni lawm ni. Nang leh kei hian chutiang ang hlawhtlinna chu tunah hian nei ve ta ila, ka duh tin reng ka nei taa thih ka hman ta e, kan ti duh maiin i ring em? Mahni hlawhtlinna leh thawhrimna pawh chenhman lova thih mai chu a va pamhmai dawn em ti raw.

Kan hlawhtlinna te chuan hming thangna min pe sela, a ber nihna te nen. Chung hlawhtlinna te chuan nawmsakna min pe bawk sela. Chung nawm sakna chungah chuan a aia nawm leh zualna pawh kan zawng leh zela. Aw... mihring thilung hi hriat thiam a va har thin em!

Mahse hei hi erawh ka hria, tawpin-tai nei lo mihring thinlung hian he khawvelah lawmna a zawnga, khawvel thil hian lawmna famkim a lehpek awm tawh chuang lo, a thinlung duh tawk tling zo a pe thei lo. He khawlvel thila lawmna hmua inngaite chuan an khawvel thilte a boral rualin an lawmna pawh a boral ve nghal anga, chu mai pawh a la ni lo, chutia an lawmna ber a bo tawh chuan lawm lohna chu an chanpual lo niin chu chuan thinrimna leh tahnaah hruai lutin mihring thilungin a mamawh ber a zawn a zawn chu hmuh phak a ni tawh lo vang.

Lalpa chunga lawmna hi mihring thinlung mamawh chhanna awm chhun chu a ni.