An nuih ruala nuih kha sum tam takin a lei zo awm lo ve.
March 4 to April 2, 2010 thleng Tahan leh a chhehvelah naupang rawngbawlna hun hlim takin Lalpan min hmantir a. He mi chhung hian hmun ruk laiah Day Camp kan buatsaih a, naupang mi 500 chuangin Krista chanchin tha hriain mittui nen kan han tawngtai ho chu rilru leh thinlung a khawi kher mai. ka pianthar atanga ka chak ber mai Lalpa ke bula thlarau bo tam tak hruai hi a ni a, Lalpaa ka lawmna hi a nasa em a, kan rawngbawlna thlalak tlawm tak hi ka han pho lang ve reng reng teh ang.
Ka rawngbawlpui te hi kan bible college-a ka student te an ni.
Naupang te te ka hnenah han kal tir ula hnar suh u. Isuan min sawm a ni.
Burma ramah effective taka rawngbawl tur hian enge tha ber ang tih hi ka ngaihtuah ve fo thin a, Kawl Buddhist puitling tawhte tih pianthar an har zia hi missionary te hla thunawn a ni a. Chuvangin naupangtea tan hi thil tih awlsam leh rawngbawlna hlawk ber tur niin ka ngai. Tin mithiamte chuan Kristian piangthar 80% te hi naupan laia piangthar vek an ni an tih thute hriat phei chuan Naupang rawngbawlna hi a va han hlu tak em. "Nuapang chu a kalna awm kawngah chuan zirtirla a puitlin hnu pawh a thlah lovang."
8 comments:
i van ti ropui ve! Chhiar pawh a nuam khawp mai. Naupang hlim lai vel te ka hmuh khian a hnuk a ulh deuh. Naupang nuih ruala lo nuih khi sum tam tak in a lei zo lo i tih khi i sawi dik lutuk. Keep up the good work and God bless.
A hmuhnawm/ngaihnawm hle mai. I inpekna a ropui bawk e. Pathianin hmang zel che rawh se.
E khai, a va ropui ve! Naupang zinga rawngbawlna hi i sawi ang hian a va pawimawh teh lul em! Lalpan nasa leh zualin hmang zel che rawh se!
Hotupa, i rawngblawlna a ropui e. Naupangte zinga rawngbawl hi a pawimawhna leh tangkaina a tamin, puitling zinga rawngbawl aiin a hlawk zawk ngeiin ka ring. Kei pawh, mahni Kohhranah, theih ang tawk tawkin, naupang SS lamah ka awm a, thahnem ka ngai ve thei khawp mai. Thlarau Thianghlim leh Nangin rawng in bawl chuan, naupang tam takin thimna atan enna an chhuak ngei ang. Duhsakna ka hlan a che.
Inza a chungah ka lawm e.
Burma naupang Isua chanchin pawh la hre ve lo te hnenah hian chanchin tha ka puan zel theih nan min lo tawngtaipui zel thin dawn ania.
Hi,
Dear U Pui, I rawngbawlna c.c hriatin rilru a va hlim em!M.Div ka zirlai atanga ka rilrua ka vei reng a ni a. Lalpan I rawngbawlna a tharin Malsawm zel che rawh se...
Mizolanu;
I commend chuan min tiphur hle mai , ka lawm e.
"Naupang nuih ruala lo nuih khi sum tam tak in a lei zo lo"
tih lai khan hnuk a ti ulh tep mai..
Post a Comment