Kan naupan ve deuh lai khan kum hlui thlahna leh kum thar hmuah nan Dec. 31 zanah hian Zodi or Vulmawi hian open air concert an nei thin a. He hla ka ngaihthlak hian khang hunlai kha mitthlaah a cham rem rem mai. Khang hunlai Late 1970's vel kha chuan zurui fe fe leh kil khata lo insual tawk hmuh tur lah bo lo. Tahan-ah chuan kan veng hi a lun lai ber a ni bawk a, naupan lai kha chuan tlangval zurui insual pawh ka hmu zing khawp mai (mahni chu indah tha phawt ila). Late 1990's -ah chuan zurui chhu chhu leh kalkawnga insual buai hmuh tur an awm ta lo.
Kawlphai zofate tan hian music tuipui tak tak hi thil awl ai lo tak niin ka hria. Ei hmuhna atan han inhmanna tur tak tak a vang em em a. Concert tih vel pawh sorkar hi a strict em avang hian neih mai mai pawh thil awl a ni lo va. Music lam ei hmuhnaa hmang tur chuan khawpuiah kawl ho zingah inhman hi hope awm chhun chu a ni deuh ber thin a. Tun hnuah hian tlema hming nei tham deuha rawn invawrh chho leh thei chu T.Melody hi an ni a. Anni ho pawh hi ei zawnna avangin a then Rangon-ah a then Tahan-ah an awm a. Kan market te hi a la zim ang reng si nen, hetia album an siam atang hian a hlawkna lam pang aimahin zofate rimawi khawvel atan thahnemngai takin an talent neihte an hmang ve mai a ni.
E khai! hla chauh post tum ka nia, ka ziak ta duah mai le!!!
5 comments:
Hotupa, i hmang nuam maw. Kumthar chu malsawm kum a nih i beisei ang aw..
Tun lai chu Kolasib-a Cable TV ten Maphasy hla hi demand channel-ah an dah a, a lar khawp mai. Tahan band, T Melody ho sak kha a nia
Chawlhni tlaia tlangval zurui insual tih khi han ziak zawm deuh zel la tha tur, lung a ti leng ve alawm le ! :-)
An zaithiam khawp mai !
@Pu Zaia,
kum thar chibai le. Ka hmang nuam chu a ni ve mai e, mahse a thunawnah, "mi ramah zawng lunglen a na e," kan ti lo thei si lo a nih hi.
Uluk taka ngaihthlak chuan he hla hian mittui a ko tlat!
@Pu Seki..,
Thil hi a hun lai mil tawk te te hian a lo awm ve zel a, chumi hre pha chin leh tem pha chin tan chuan lung tilengtu an chang mai zel zawng anih hi le.
Tun hma Tahan insual hrat khawkhenga an sawi ho pawh hming hmera sawi tur chu ka hre ve nual tak asin. Ar sual huai ang mai hian inhmuhna apiangah insual an peih renga, an khingpuite hian tharumin hneh zawk mah sela, a tlawm zawk leh ngaihdam diltu an ni tho thin, a hnu leh a awm zel thin a vangin.
Ve tops.... Mithar ka nia. He hla hi keipaw'n nalh ka ti khawp mai
Ve tops..Mi thart ka nia. Nia, he hla hi nalh ve reuh mai2 tak chu a ni
Post a Comment