Jan.7, 2010 khan Yangon Mizo Society (YMS) chu din fel a ni ta.
Rangon mizo zingah pawl pahnih Zochi tih leh HLCA (Hualngo)te chu inchhungfinin Yangon Mizo Society tiin inpumkhatna kawng zawh turin kalrem an siam ta.
Rangon zofa tlemte tan hian pawl inthen neuh neuh ai chuan inhlawm khawm hian chhiat ni that niah kan dam tlan leh thatpui zawk a rinawm reng a.
Tun hma deuh kha chuan Zochi member te kha HLCA member tho an ni a, YZTP member an ni tho bawk a. Tunah chuan YMS tiin kan inhlawm lian a, YZTP pawh hi an la pumhmawm mai lo ang tih a sawi theih loh?
Inthlan tharna chu Jan. 7 khan neih fel a ni ta a, he mi tum hian mi 51 an kal a. Kan hruaitu thlan tharte han en vang vang hian then khat lungkim zan lo chu an awm ngeiin a rinawm. Rangonah hian sakhaw lama kan hnarkaitute hi kan khawtlang hruaitu berah an tang thin hi nihna duh vang nge, thil remchan zawkna vang emni tih hi zawhna zawh awm tak niin ka hria.
Tute pawh thlang tling ila, mipui thatna tur ngaihtuahtuturte anni a, kan thlan tlinte lo support chu mipuite tih tur awm tak pawh a ni e.
Kum 2010 atana hruaitu OB an thlan tharte:
Chairman - Rev. Dr. Lalsawithanga
Vice Chairman - Rev. Hrangzuia
Secretary - Upa Ralkapthanga
Asst. Secretary - Rev. Chuangsangvunga
Treasurers - Upa Zakhuma & Rev. Lalmuana
Auditors - Pu Lalropianga & Rev. H. Vanlalchawia
Kum 2010 atana kohhran leh vang hrang hrang atanga palai or EC member (35) an thlang.
4 comments:
In rama mizo thalai pawl changtlung tak a lo ding ta chu ka lawmpui a che u. Nia, i sawi ang deuh khian, a fawng vuantu te khi kohhrana nihna neih hlir an nih tak khi maw le, engpawh nise, a bul tanna a ni bawk a, tha turah ngai phawt mai ang aw, kohhrana nihna nei lem lo, mi tha tak tak eng emaw zat in awm ang tih chu ka ring khawp mai. In kal zelna turah duhsakna ka hlan a che u. Mizo hnam dam reng rawh se.
In kalzelna turah duhsakn ka hlan a che u :-)
In mi duhsakna avangin ka lawm e.
Ekhai, ding tawh daiha ka lo ngai ve ringot. A tir a, kohran lama nihna nei ten hma an hruai chu athra. A hnu zela hruaitu te tan Pathian trih dek a, mizo in a kan zawh tur kawng an sial ka beisei.
Vawiin chu office hna a tlem deuh a, khawnge Burma lama kan unau te kan zawng chhuak te ang ka ti a, ka tlawh den den a, hei ka rawn lut chot mai anih hi. Kar hla in mahni hungchhunga awm thrin mahila, net leh rilru ah tal hian inhnai ila ti rawh.
lmpudaite, New Delhi
Post a Comment