Shew Ly hi Burma ram ri a awm a ni a. Tahan leh a chhehvel atanga Aizawl lama sum dawng thinte indawrna hmun ber chu he Shew Ly khua hi a ni. He khuaah hian March 2012 khan ka kal ve a, he tih lai hian boruak a vawt nuam tawk hle.
Heng sumdawngte hian mipa thuamhnaw aiin hmeichhe thuamhnaw (dress) an la nasa fe zawk a. Sumdawng ho ka zawhna tangin Hmeichhe thuamhnaw hi 80% , mipa 20% vel niin min hrilh.
An kawngpui hi a faiin a mam nalh em em a, cement-a zut a ni.
He lei hi tun hma chuan Burma leh China inrina a ni a. Mahse Burma sorkarin heng lai ram thenkhat hi China sorkar hnenah a hralh a, tunah chuan he lui hi China ram chhung a lo ni ta an ti.
Hei ram ri Gate pui a ni. Sum dawng ho chuan Temporary passport kum khat tan Burma pawisa cheng sing 4 vel sengin an siam a. Kei chu ka cham chhungin ni tin cheng sangkhat chawiin ka lut thin.
Sumdawng ho Inkhawm: Chawlhni a piangin inkhawmna hun sumdawng ho hian an thlenna hotel-ah an nei ve thin. Sumdawng ho hi Burma ram chhung Mo Se, Hotel ah an thleng ber a. Hetah hian kan mizo missionary pawh an awm nual.
Electric Bike hi an uar ang reng khawp mai. A ri a beng chheng ve lo va, Petrol hman a tul lova, a battery hi zan lamah kan charge mai thin a ni.
China pawisa
Kan taxi driver a ni a, hmeichhia taxi driver ka vawikhat hmuhna a ni.
An bazar, a fel fai hle. ri luih luih a awm lova, a khawhar thlak lek lek zawk. Dawr chhungah hian computer an dah vek a, interneta leh zai leh video clip vel an en nasa, A chhawng chung lamah hi Godown leh bed room te a ni.
