Burma ram Kristiante hian Pastor tih aiin Reverend tih hi kan dah chungnung deuh zawk niin a lang. Tlema pastor tang rei deuh leh degree nei sang deuh hi chuan Rev. tia koh hi nuam an ti zawk niin ka hmu. Pastor junior deuh te, tual to pastor (degree nei lem lo) te, hi Reverend tiin kan ko lo khawp mai nia.
Mizoramah ve thung kha chuan bial nei a pastor thawk mekte hi Pastor tiin kan ko a. Mahse bial nei lova Synod Office-a thawk mek te leh Pension tawhte hi Reverend tiin kan ko deuh niin ka lo hria a, ka hriat dan hi a dik chiah emaw?
Lal Isuan kei hi Beram pu tha ka ni a ti a. Kristian rawngbawlna lam atanga thlir hian kan puthiamte Pastor tia kan koh hi a inhmehin a duhawm zawk mah lo maw aw tiin ka ngaihtuah a. mahse helamah hi chuan kan puthiam te hian Reverend han tih deuh kher te hi inhmeh an intiin nuam an ti deuh zawk chu a nih hi.
Tirhkoh Paula chuan “Krista chhiahhlawh” a inti deuh kher thin a. Rawngbawltu rilru atang chuan Berampu officer tih ai chuan chhiahhlawh tih pawh hi a inhmeh hle a ni lawm ni ka ti thin.
A chang leh Reverend, a chang leh Pastor tia koh pawlh zel mai hi a that lohna a awm lem em ni?
9 comments:
Sam 111:9-ah chiah hian REVEREND tih thumal, Pa Pathian title atan chauhva tarlan a awm. Nazareth Isua Krista meuh pawh khan REVEREND a invuah lo va; Apostol-te leh Tirhkoh Paula te pawh khan REVEREND an invuah chhin eih ngai lo!
Tunlai thangthar sual takte hi kan lo mak ta riau a nih hi! Bible-ah hian REVEREND tih thumal hi vawi khat chiah Sam 111:9-ah chuah a lang bawk!
Pa Pathian YAHWEH tlukpui nih kan lo tum hle mai!
Nih leh... Pastor leh Reverend te leh, "Minister" hi enge a dangna? :)
Test
UPC ah hi chuan pastor in bul an tan phawt a,kum engemawzat an pastor hnuah nemngheh an ni a,nemngheh annih chiah hian Reverend tih a koh theih anni thin.
Pastor tih hi a tha ber in ka hria, Chawnghilh a rawn sawi and deuh khan Reverend tih hi chu Pathian tih nan Bible hi chuan a refer deuh in ka hria.
Ka hriat ve danah chu hetiang hi a ni a. Hei hi Mizoram Presbyterian Kohhran chuan kan hmandan a ni tlangpui —
1) Pastor chuan Bial an vawng.
2) Reverend chuan Bial an vawng lova. Office leh Theological College, etc., ah an thawk. Pensioner pawh Rev. tia koh an ni. Reverend hi Rev. tiin a lamtawi hi ziah a ni ber. Revd. tia ziak tlat an awm (Revd. Chuauthuama).
3) Minister chu Bial vawng lo zinga nihna pawimawh deuh bik chelh ho sawinan hman a ni ber (Eg: Moderator, Sr. Executive Secretary, Executive Secretary, etc.).
Pastor leh Reverend hi kan hmandan a inkhairual viau laiin Minister erawh kan hmandan a rualkhai lo lek lek a. Pastor leh Reverend zawng zawng sawi nan Minister hi hman a ni fo bawk.
In comment-na chu a bengvar thlak hle mai, ka lawm e.
Mizoramah chuan Pastor chuan bial an vawng a, pension tawh,Synod office hrang hrang athawk leh thawk lo pawh Minister kan ti ber. Ram dangah chuan Mizorama Pastor kan tih te pawh Minister an ti tho..Tin, kohhran hrang hrang hman dan a inang lo tih hriat a tha bawk.. Rev.tih a 'd' telh hi adik zawk ti ila,hman duh dan azir a ni mai..Pu Chuaua chuan amah zirtirtu ten an dah vang leh a duhdan anih vang a ni mai,demna tur a awm lo ve.
Pu Chuaua'n "d" a telh kher hian pu Reverend-a tih a hlawhphah niin ka lo hriaa hming chher nan a hmang a ni ngawt a lawm (a tan chuan hming chher ngai tawh hran lo mah se.)
Post a Comment