Thlalak hi ka zir hran lo va, photography lam pawh tihtham ka chhiar lo, mahse nuam ka ti a, ka fapa thla hi ka la ka la thin.
Hemi tum hian ka fapa thla laturin a mah chu ka focus-a, ka hmeh (shoot) dawn ruaiah a rawn tlan hnai ta si a. Amah a lan loh hlauvin ka Camera chu hmehpah chuan ka lamah ka pawt phei a heti hian a rawn chhuak ta a ni.
Ka fapa hian plastic-a siam motor lem a hnuk mek a ni. tube light (2') pawh kawi zetin a lo eng ve bawk a nih khi.Photographer thiam deuh ten engtin nge an ngaih ve ang aw?
Kei atan chuan ka thlalak tawhah chuan ala mawi ber a ni.
6 comments:
A nih tak khi a..! I la fuh hle mai! :D Duhtawka chei pawh a ang lek lek hial a alawm. Thlalak hlu tak tur a ni.
Ka'n analyse ange....I fapa tih loh khi chu thil dinglai(non-moving object) vek a ni a. I camera khi ti che miahlo la chu thil che lai(moving body) i fapa khi a phe(blur) ang. I fapa chet dan opposite chiah khian i camera khi che sela an phe vek ang. I fapa tlan rual(~speed) a i camera i chet tir avangin i fapa chu chelo(non-moving object) angin a lang ta a ni.
Theory of relativity atanga sawi chuan Reference Frame pahtum a awm a ni. Non-moving object pakhat leh moving object pahnih(camera & i fapa). Ti chuan khi photo lo chhuah dan khi he frame 3 hian a hrilhfiah vek thei a ni... :)
A nalh a a mawi bawk. Tisual fuh tak i ni :)
Dangdai khawp mai! Pu HV-a'n 'Tisual fuh' a tih che hi a dik ber mai :)
Fuh riai riau hle mai a.. a sual dan a va tha e. :)
@Asteric, i rawn sawifiahna hi a tha ka tikhawp mai, ka lawm e.
A motor lem hnuh mi khi moving object lo ni ta se, opposite direction-in a move tihna a ni thei ang em, a phe ve deuh ruai si a?
Pu HV-a hi khabe sep thiam tak a nih dawn hi, misual commer ho pawh khan a khabe liam kan chang thup thin ni maiin ka hria.
Post a Comment