Zo hnahthlak, eng chi pawh ni ila zai ngaina tak vek kan ni a. Kan khua a harin kan zai a. Ngaihzawngte ngaih vangin kan zai a, kan lawmnaah pawh kan zai ho zel a. Khawhar chhungte pawh zaiin kan awi tlei thin. Ral lu aiin kan zaiin kan lam a. Lal leh a khua leh tui fak nante, inelrelnaah pawh hla thu hmangin sak theih turin kan inphuah khuma (Awithangpa leh Diriallova), tlawmngaihna leh huaisen na lam Ram chhan turin hla thu hmang bawkin kan inawi tlei thina, kan infuih thin a ni. Lunglenna chhan sawi bertur hre lova kan zai pawhin khawtlang lunglen kan la ti fan a. Mizo te kan awm chhung hi chuan zai hi a awm renga, rimawi hi a awm reng dawn tihna mai ni lo vin, ZAI hi a chawl dawn lo ka han ti teh zawk ang. Van ram kan thlen hunah pawh Thisen thisen tia bang lova la zai zel turte chu mizote hi kan ni.
Kan hla thu te hi a ril a, ngeng a chhunin rilru a fan r il em em mai a. Miin a thinlunga awm a vei em em mai hla hmanga a han phuah chhuah meuh chuan, a phuahtu tawn ang chiah tawng ve lem lo tan pawh chu hla thu ril tak chuan lairil a fan pha thin. Kan pi pu te pawh khan zai chi hrang an lo nei ve thliah mai a, a tlangpui thuin kan hlate kha sak hah dam tak lung ti leng thei tak leh thluk nem takte an ni hlawm a. An hun lai mil chuan a remna pawh an nei famkim ve khawp mai. Khang kan Musical instrument te kha Western lamin min luahlan sak mek tawh a, mahse chung zingah chuan Khuang erawh hi zawng mizo te kan zai chhung chuan a bo awm lo ve.
Kan mizo zai then khatte kha han tarlang ila (Pu Rongenga ziak atangin): Chai, Kawrnu, Mangkhaia, Saikuti, thailungi, Tluangthli, Zopui, Chhim leh Hmar, Darlung, Hualngo, Tlawh, Lenlai, Nilen, Chawnchen, Lumtui, Muallam, Zainem, Thlang zai, Nauawih, Pi Hmuaki, Pautu, Hlado, Chawino, Aikhiang, Hmarlutvunga (Awithangpa), Thlek, Puma, Tlanglam zaite an ni.
Musical instrument te kan nei ve thliah a; Khuang, Dar bu chi hrang hrang, Sumsel, Tumphit, Seki, Phenglawng, Tingtang, tlangval lungleng then khat phei chuan hnah ham riin hla an sa veng veng thin bawk.
Hla hian kan mizo culture-ah a lailum a chang pha hial a, kan hnam nun phung leh zia a keng tel tlat a ni. chuvangin Mizo kan nihna tar lang bertu pawh ani a tih theih hial awm e.
Mizo ram UT a nih laia Cheif Commissioner hmasa ber Pu S.J. Das-an Mizoram chanchin a ziaknaah, "Lushai Hills is a land of songs, smiles and surprises," a lo ti hial reng a ni. Lawmrual nui ri te khan khawtlang a fan hneh hle thin a. Pu Dasa'n a lo sawi ang mai hian nui hmelte, hlim ri leh kan zai rimawi hi khawvel mak tih tham khawpin thangmawi zel se (to be continue).
6 comments:
Ekhai, hei zet chu a ngaihnawm piah lamah beng leh mit a tivar chiang hle mai. I hla dah hi Lalrinmawii khan USA atangin nalh zet maiin music video nen Sap palian pui pui mai a rem tir lai leh an perh vel lai te nen a rawn tichhuak a, chu chu kum 1996 vel kha ni tain ka hria a. Nalh ka ti thin ngei mai.
Tin, kan Mizo zai i han tarlan ho hi a ropui hlawm hle mai a. MI tam tak chuan kan hre mumal tawh kherin a rinawm loh. Puma zai kan sawi fo te pawh hi a nihna tak hre lem lo kan tam ka ring. Amaherawhchu identity hi heng atang te hian sawifiah a ngai thin si a, hriat ngei chu thil pawimawh tak a ni chiang mai. Han tizel teh khai.
A ngaihnawmin a bengvar thlak hle mai. Kan pi leh pute khan chawpchilh deuh deuhin, an hun tawn mil khan hla kha an phuah chhuak zel mai thei nite khan a lang.
Tin, hmanlai kha chuan an phuah chhan emaw a phuatu hming chawite khan a hming an vuah mai zel anih hmel ie:Zopui zai, Dawrpawngi zai etc.
Ni e, kan rimawi hmanrua neihve te hi chawi nung thiam hi awm zel se ka ti ve ngawt thin mai!
[hetiang lam hawi hi ka blog-ah post ka lo rilruk ve lai mek ani ve chiah bawk :)]
Nice blog!
@Pu Zorun, min tiphur lutuk dawnin ka hria, mi encourage i thiam hmel tlat hehe.
Rem chang hmasa berah ka rawn chhun zawm leh ang.
@sekibuhchhuahk, i blog hming hi blog ka siam hma hian hman ka tum rilrua, mahse i lo hmang tawh si a. Rihlipui ka hmang ve ta ngawt mai a ni. Tin Rihlipui chanchin hi tlem a zawng chu rawn tar lan ka tum ang.
Oh!! He thu ziak chu chhiar a nuam hle mai. Tin, Hla sa tu hi a aw a sexy-in ngaithlak a nuam hle mai. A CD dang te rawn tar chhuak zel teh u.
Pu. Moderator, khawngaihin he hla hi download theih turin min rawn thawn teh ngaihthlak ka kham lo tlat mai. (buhtun@yahoo.com)
@tluanga oz and grorge, ni e, he hla a nalhin a hla thu pawh an vuah nalh khawp mai.
He hla hi ka thianpa sawi dan chuan Salai Suncheu-a hla a ni awm e. Salai Suncheu hi kan chin miah chuan hlaphuah thiam leh zai thiam a ni a, Burma zaithiam bera kan neih Sai Hti Sai (late) te nen pawh lo zai ho tawh thin a ni. George hun ka neih rem chan veleh rawn thawn che ka tum dawn a nia.
Post a Comment