Inpumkhatna lam hawi kan sawi a pianga thil pawimawh tak kan sawi tel fo thin chu Tawng (common language) chungchang hi a ni a. Amaherawh chu ngaihdan hrang leh hmuh dan hrang nei kan nih thin a vangin thu tlukna mumal awm lo vin kan tawp san leh mai thin a. Mahni hmasialna neih hi mihring nunah thil mak vak pawh a ni lo va, hemi a vang pawh hian a ni mahna kan hnam pum pui tan kan zinga mi eng tawng ber hi nge common language atan hmang (promote) ila tha ang tiin kan ngaihtuah tha duh vak thin lo pawh a ni mahna.
Zo hnahthlak Paite, Lai, Hmar, Lusei, Mara..etc zawng zawng khai khawm nan Mizo kan inti a.
Lai tawng, Hmar tawng, Lusei (or duhlian) tawng, Ralte tawng.. etc nei hrang thliah mah ila kan vaia kan hman tlan atan tawng hman bik neih kan mamawh a, heng kan tawng hrang hrang zing ami hi thlang chhuak ila, a hming tur pawh a hranpa ngatin kan phuah ang a.
Tichuan kan tawng hman (Common language) chu a hming a tan Mizotawng ti mai ila (Eg. a nih loh pawhin "Phungpui" tiin a hming pawh phuah ila a theih vek), tunah hian official taka kan hnam pumina kan nem ngheh tlan fak chu awm hrih lo mah se, Kan zinga mi eng tawng ber emaw pawh hi lo thlang chhuak ila, a hming atan chuan (Phungpui tih ai chuan) Mizotawng tih mai hi a tha ka ti.
Kan history kan en letin leh tuna Mizoram state-in a hman mek atang te, kan hnam pum pui huapa kan thlir pawhin tuna kan hman mek mi tam takin duhlian tawng an tih fo hi, Common language-ah kan pawm tlang a nih chuan duhlian tawng or Lusei tawng ti ti tawh lo vin, Mizote common language a nihna anga ngaiin Mizotawng tiin a hming thar hi i pawm tlang mai ang u.
He Mizotawng hi a hranpa ngat a ni a, mahse a lo zik chhuahna chu Duhlian tawng ni tho mah se Duhlian tawng ngial ngat pawh a ni lo va, hnam bil tawng a ni lo ve tiin hrilhfiah ta zel bawk ila. Mizo tawng tiin kan lo sawi ri fo tawh a, chuvangin a thar a ni lo i ti a ni mai thei e. Mahse President thar an thlang a, an thlan thar chu nikuma mi tho kha ni mah sela, thlan thar a nih miau avangin a thar ang chiaha lawm luh leh lak a nih ang hi, a ni vel e.
Tichuan a ziak danah pawh hming (noun) a lo nih takah chuan ziak zawm ta ila - "Mizotawng" tiin.
Vawiin ni hian lei leh van a mi zawng zawngte hriatah "Mizotawng" hi Zo hnahthlak zawng zawngte Vantlang(Common language) tawng (National language) hming atan ka puang e. A duh zawng chuan min tawmpuiin min hmanpui nghal turin zo hnahthlak u leh nau zawngte ka sawm e. Lalber zungbun nen han nemngheh nghal ka va chak tak em!! Mahse a pawi love, thinlunga nemngheh hi sulrul leh tuiekin a ei chhe thei lo ang bawkin politics leh sum leh paiin a ei chhe thei bik hlei lawng nge.
NB. Mizo tawng tih leh Mizotawng tih hi a ziah dan a in ang lo ang bawkin hriat pawlh lo ila. Phungpui tih khi chu ka sawi tum kan hriatfiah theih nan mai a ni e.
6 comments:
Mizo Language tih leh Mizo dialect tih hi thliar hrang thiam bawk ila. Tuna English kan tih Sap tawng pawh hi hmanlai chuan England leh a chhehvela an dialect pakhat ve mai a ni a. Englo an ti thin a, a hnu deuhah old english an tih leh a, tunah chuan English tih a lo ni ta a. A hmaa hmang lawk bik lo te pawhin tunah chuan pianpui tawnga hmangin an uar telh telh a. England mai ni lo, khawvel pumpui a lo dengchhuak ta a ni.
Mizo tawng (Language) kan tih bik hi Lusei dialect a lo ni tawh thin a. Lusei ni ve lo ten Lusei ho chu Duhlian an ti thin ni awm tak a ni Pu R.Vanlawma leh Dr.Vumson (Zo history) ah khan an ziak a. He dialect hi Zohnahthlak dialect zawng zawngah a naupang ber a, a la rei lo ber bawk a ni. A chhan chu tawng upa kan tih reng reng hi Paite, Hmar leh Lai tawng tualleng pangngai te a la ni hlawm a. Chuvangin a piang hnuhnung ber a nih loh vek pawhin a tih hausak nan heng Zohnahthlak dialect dang hi an fawm lut teuh a ni phawt mai.
Chuvangin a hmangtute pawh Lusei chauh ni lovin, Zohnahthlak tam zawkin kan thiamin kan hmang ta ber a. Lehkhabu tha tha ziak nan kan hmang a, a hriat pawh kan hre thiam tlang ta ber a. Chuvangin Lusei dialect bul thut thin kha tunah chuan Mizo Language tih theih hialin Zohnahthlak zawng zawngte tan pawha kan hriat thiam theih turin a chhungah dialect tinte khung khawm a lo ni ta a. Chuvangin Mizo Tawng or Mizo Language tih chu a dik thlapin ka hria.
Mahse, hetih rual hian tuna kan sawi dialect dang Lai, Paite, Hmar, Mara etc.. tawng (dialect) hman mek te pawh hi Mizo dialect chikhat vek an ni a. Tute mah hian kan hmang zak tur a ni lo va, kan vawng nung tlat tur pawh a ni. Theihnise, naupangte tan pawh zir theihin Sikulah optional ang te pawhin dah ni thei se, a tha khawp ang. Tin, tuna Mizo tawng kan tih pawh hi English leh Hindi emaw hnam dang tawng emaw atanga tihausa lovin keimahni Zohnahthlak dialect dang dang atanga tih hmasawn leh thawmphui zel hi tum zawk ila, kan zavai tan a tha zawk pawhin ka ring.
Chutihrual chuan kan Khawchhak, Chhim leh Manipur lam unau he Mizo tawng thiam lo, mahse Mizo thisen kai ve si te pawhin, tlawm lakaa la lovin, thiam tum ila, kan thiam chhun chhun te pawh hmang zak lovin, a thiamte atangin zir tum ila, a do zawng leh a er zawnga rilru kan put tlat erawh chuan kan inkarah khi lian tak a awm phah thei bawk a ni. Chuvangin Identity kan tih hi Tawng ah thutak a inthlung tel a ni.
@zorunpuia,
i rawn comment-na a tha e, tawng tih hausak chung changah hian tan kan lak chu a ngai khawp mai. IT lam hawi tawng te pawh hi kan tih hausak ve zel a tul tak meuh a ni.
Amaherawh chu tawngkal phung pangai kan neihsa fel tak hi vawn nun erawh a ngai hle. Mizoramah sap tihdan kan uar a, inkhawm banah thingpuina kan nei ang te an ti a, sap tawng milin tawngkau -chheh an hmang uar a, chutiang bawkin Kawl ramah kawl tawng milin mahse mizo tawngah kan translate chuan mizo tawng kalphung mila tawngkam hman a ngai thin a. Rangon-ah chuan tun hma deuh phei chuan an thiam lo ve hle a.
Hetianga mizo tawng kalphung thiam vaklo ho leh ngaipawimawh lo ho tih dan hi tawng tihhmasawn nan seng luh loh a tha ber fo ang.
Hotupa, ka chak ber chu i rawn sawi chhuak a lawm. Lai, mara, paihte, hmar tih ho dialect hi zir chak lutuk ka ni e. Handbook te reuhte han zir theihna tur te hi han awm se, a lawmawm viau ang... best friends angreng deuh mara pa leh hmar pa thianah ka nei ve tawh a, mahse an ni chu lak tangkai theih lo, duhlian vek in kan in bia a, an mara leh hmar tawng an hre chianglo zawk!!! :-) Ni lo se chuan an mahni atang khan ka zir ve nual tawh ang mawle. Hindi, tamil, mallyalam leh tawng dang ka hre nual a, mahse mahni dialect ho chu hre tlem tak ka ni.
Ka thiante chuan "Lai, Mara tih vel i zir hma hian Mizo tawng ah hian bel phawt rawh" te tih in min fiam thin, achhanchu Mizoram pawna tet te atanga awm tawh kan nih bakah college graduate thleng kha chuan Mizo kawm tur kan nei ve lova... :-(
@illus..,
I rawn sawi hi ka hre thiam khawp mai. Burma ram atang mizoramah school ka kala, tawng dan hmang in ang lo zeuh zeuh chu sawi loh a lum nise, a chhiar a thluk dik tur ringawt pawh khan ka tan chuan zir fe tham a ni. Tul lo vah ka zak chem chem fo ni berin ka hria.
Burma mizo kawl ho zinga seilian ho pawh hi hriatthiam an ngai khawp mai.
Mahse mizo tawng tihhausak duh luat tuk vanga kan tawng kal hmang fel tak bawhbo zawnga inpawm remsak zel hi chu a fuh berin ka ring. Kawl ramah phei hi chuan chu tiang chu a tam em em a, inpawm zam sak ai chuan in correct sak hi a fuh zawkin ka ring.
Mizo will be THE language of the Zo people. This is where all Zo dialects are heading. A few things to keep in mind:
The Mizo-speaking community will have to accept the other dialects of Zo people as much as these other dialects accept Mizo as The common language.
There will be give and take in the dialects that we speak. That is words from other dialects will eventually make it into the Mizo language also.
The Mizo language in its purest form cannot be guaranteed when it becomes The language of the Zo people and that has to be accepted and encouraged by the Mizo-speaking community.
ZoAw,
Thanks for your comment.
Accepting other zo dialects and including their words as much as posible into Mizotawng are so important for our unity as well.
Post a Comment