2011 Myanmar Motion Picture Academy Winner

Dec. 31.2012 khan Myanmar motion picture academy award kum 2011 tan semna an nei a. Best actress-ah Melody hi thlan a ni. A thu sawinaah Pathian malsawmna a vang liau liauin he lawmman hi ka dawng thei a ni tiin a sawi. Amah hi Kristian a ni a, Yangon-a awm Kristiante chuan he a thusawi hi tha an ti a, awmhmun atang an lo lawm ve em em a ni. Buddhist ramah awm kan nih avang hian heng thusawi te te pawh hi ringtute tan chuan a ngaihhlutawm ve em em a ni.

Manna

 

God first gave the Israelites Manna six weeks after they left Egypt. It was in form of a small white wafers and tasted like honey (Exo. 16:31). The Hebrew word for 'what' is 'ma'. By means of the manna, God taught his people obedience (Exo. 16:28-30) and dependence on himself and His word (Deut. 8:3). Those who have Christ as the bread of life live forever (Jn. 6: 31-35, 49-58).

2012 YZTP Sweet December Kaihhnawih

YZTP Hminga Inkawmhona

Sweet December tuk Ni 2.12.2012 (2:00-4:00 pm) khan English Methodist biak inah YZTP hminga kan khual liante kawmna hun hman a ni a. Kan khual liante thusawina hun an neih zawhah mipui lam atanga zawhna leh sawi duh neite tan hun rei lo te hawn a ni a.

Fakselna Hun:

Tahan Time Chanchinbu

'Tahan Time' chanchinbu mite aiawhin Pu Biakmawia'n (Tahan) thusawina hun a hmang a: Mipui huaihawt hi thil harsa tak a ni a. Mipui huaihawt tura Program inbuatsaih dan hi keini chuan kan hmuh thiam pui em em che u. Kan tlang mi unaute in program-a in telh zel thin hi entawn tlak tak in ni. Thalaite thawhhona hian inpumkhatna a siam a ni.

Yangon mai ni lo, hmun hrang hranga Zofate inpumkhatna tura hma in la thei hi a ropui a ni.

Culture lam te, Literature lamah te pawh Tahan lamah hma lak mek zel a ni a. Nangnin Rangon lam atangin chak taka hma lain  hetia khual lian in han sawm thei te hi lawmawm ka ti tak zet a ni.

Zawhna 

YZTP 2012 Sweet December hman chungchangah a duh apiang tan zalen taka zawhna leh fakselna hun hawn a ni a.

Kan editor zing ami Tv. Hunlawmawma Zawhna: Mimi, nimina kan sweet December program hman dan chungchangah khan; khatilai kha chu ti deuh/ kha ti deuh chu ni se tia han siam rem duh i nei ngeiin ka ring a, a lehpek zel atan kan lo inbihchianna atan pawh a tha dawn a, inthlahrung lovin han sawi teh?

Chhanna: Program tha ka ti. Amaherawh chu, nangmah anga nal taka Mizo tawng hmang thei M.C (Master of Ceremony) tur tha tak kan mamawh niin ka hria. Tawng lamah tan ila ang u tiin ka fuih ve che u a ni.

Rev. Dr. Morris: Tunah chuan Tiau-in min dal tawh lo, kan insuihkhawm hle a ni. Kan hrang hluite chawimawina in nei thiam. Fashion show kha International level niin ka hria. Kan banner leh mizo tawng chungchangah erawh in zir kan ngai. Thutna rem chungchang kan upa te, pastor te a lailumah dah thiam ila thain ka ring.

Pu Thangluaia(Zodi): Kan program kha duh angin a mumal lo deuh niin ka hria. Hla sak tur bithliah chungchang a fel hlel deuh niin a lang.

Bishop Mawia: Mizo kan ni hi Pathian hnenah lawmthu ka sawi. Khawiah pawh mite tanpui kawngah fak kan hlawh a, Pathian hi kan hnam chungah a tha a ni.

YZTP-ten Mizoram lam kan sawm thei hi a tha, chutiang zelin USA lamte pawh sawmkhawmin zau takin rilru i pu zel ang u.

Kawlramah pawh Pathianin Mizote hi min hmang a. Kan thiltihnaah kawlte, hnam dangte sawm ve thin ila, kan zaithiamna te hi hmuin leh hriain Pathian an fak ve thei ang.

President Lawmthu Sawi: Vawiin ni a, thurawn tha tak tak leh fuihna thu tha tak tak sawitute, leh mipui rawn kal khawmte chungah leh YZTP-a ka thawhpuite chungah lawmthu ka sawi duh a.

Kan Musiciante leh zaithiamte, fashion show min neih saktu kan nulate leh designers chungah pawh lawmthu ka sawi. Kan khual liante min thlen saktu; Pu Kapa, Pu Rema, Leh Pu Dinga te chungah YZTP aiawhin lawmthu ka sawi e. Hemi atana thilpek petu (sponsors) zawng zawngte leh Tahan Time aiawha palai rawn kalte chungah lawm thu a sawi bawk.

Kan Program atan hian committee vawi 7 kan thu a, heti chung pawha kan program fel hlel deuh zawng zawngah keima tling lohna avang a ni, in mi hriatthiamna ka dil e.

2012 YZTP Sweet December min hlutsaktu zawng zawngte chungah lawmthu ka sawi tak meuh a ni.

Kan hlawhtlinna hi YZTP in lo hmangaih em vang a ni. Ka lawm e.

Pu Lalzidinga (Chairman): Kan Sweet December Program min hmanpui turin Zoram lama kan mipawimawh tak tak; YMA hruaitute, MZP hruaitute leh mi dang dang kan sawm a, rem chan lohna avangin a thenin min rawn hmanpui thei ta lo va a pawi kan ti tak zet a ni. Tahan leh a chhehvel leh Mizoram lamah YZTP Sweet December tan Sponsors zawngin ka kal a. Chutahchuan, kan Mizoten YZTP an lo intitatu zia ka hmuhin ka lawm a, ka thla a muang tak zet a ni.

Bethlehem Arsi

(Hmu turin Bible-ah i kir thin ang u) 

By - Puibawiha

Bethlehem arsi hian Isua pian thu mifingte hnenah a puang. A hnuah Bethlehem thlengin a hruai.

Mika 5:2; Matt. 2: 1-2, 7-12.

Chhinchhiahna (Sign)

•      Pathianin History leh thilsiamte hmangin chhinchhiahna a lantir fo thin.

•      Bible hian vansang lama awm Ni leh Thla leh Arsi-a chhinchhiahna chungchangte ngaihven turin min fuih.

Amanda Chanchi: Hmanah Pathianin lei leh van a siam lai khan…

•      Ni 3 niah Pathianin Ni leh Thla leh Arsi a siam a. Arsite chu a kawmhlim thin a.

•      Tum khat chu Pathianin Arsi zawng zawng a ko khawm a. Tihtur pawimawh tak a pe dawn a.

•      Tiriga chuan "Pathianin a thlan che chu i ring lo ang chu ti rawh, Amanda?" a ti a.

•      Amanda chuan, "Pathian thu awihin hetah hian ka lo inlan ve mai a ni" tiin a chhang a.

•      Pathianin, “Khawvelah ka fapa ka tir dawn a. A pian tur thu puang turin arsi pakhat ka thlang dawn a ni. In zinga ropui berin min hlen chhuahsak ang,” a ti a.

•      Arsi ho chuan Pathian thlan beiseiin phur takin an ropui zia an sawi a.

•      Amanda chuan inngaitlawm takin, “Planet leh thla min hualtu ka nei lo, lawng mite tumah hruai ka nei lo. Ka unau arsi dangte’n ka ȇnna an hliah vek si a. Mahse, ka theihna zawng zawngin i duh zawngin ka awm thin a, ka nihna tura i ruat angin ka awm bawk thin. I thu ang zelin ka chungah thleng rawh se,”

•      “An vai khan an chakna, theihna rinchhanin an lo kal a. Nang chauh hi ka chakna hmachhuantu i ni. Arsi ropui ber chu i lo ni e.” “Ka lawm e, Lalpa.” (source: misual.com)

Bethlehem

•      A hming awmzia Chhang In (Nunna chhang lo pianna hmun tur reng a ni)

•      Jerusalem chhim lam (West Bank) mel 10 vela awm a ni. Mipui 25,000 chenna a ni.

•      Mas laiin mikhual an tam thei hle. Hotel 30 chuang ngawt a awm.

•      Davida khawpui tih a ni a. Lal lukhum a khumna hmun a ni.

•      Rakili thlan pawh Bethlehem hmar lam gate bulah a awm. Jewish leh Kristiante tan hmun pawimawh tak a ni.

 Bethlehem Arsi Hi

•      Easter Orthodox kohhra chuan Bethlehem arsi hi vana arsi tak tak ang khi ni lovin, thil tihmak lo thleng, Pathianin mifingte nausen Isua hnen hruai thlengtu atan angel anga a hman mai niin an ngai.

•      Jehova Witnesses ho chuan he arsi hi Pathian chhinchhiahna ni lovin Setana siam angin an ngai. Mifingte pawh Lal Heroda hnenah hruai thlengin nausen Isua that tuma phiarrukna a thlen.

•      Seventh day Adventist ho chuan arsi tak tak ni lovin, hla taka Angelho eng zam chhuak angin an ngai.

Bethlehem Arsi Lan Hun

•      Lal Herodan naupang kum 2 chin a thah avang hian, mifingte rawn thlen hma kum 5 vel chu a ni thei lo ang. Kum 2 vel a ni ang.

•      Historian Josephus sawi danin Heroda hi March 13, 4 BC (Lunar eclipse) hnuah a boral. Chuti a nih chua Isua hi BC. 6 velah a piang a ni mai thei.

Mifingte Chu Arsi Chanchin Hretute An Ni

•      He arsi hian mifingte chu Judate Lal pian thu a hraittir a.

•      Mifingten nausen an zawng a, Judate Lal chu Jerusalem-ah piang turah an ngai a ni ang.

Chutah chuan Lal Heroda an va hmu a.

•      Lal Herodan Puithiamte leh lehkhaziaktute a rawn a, Bible an en a, tichuan Bethlehemah kal turin an ti a.

•      Bible kawhhmuhna angin Lal Heroda in ata Bethlehem lam pana an kal veleh A arsi chu an hmu leh a, an hlim em em a.

•      Bible-ah hian kan kalna tur kawng kawhhmuhna chu a lo awm reng thin, chuvangin:

Bible-ah I Kir Thin Ang U,

v  I thu hi ka ke atante hian khawnvar a ni a, ka kawng atan eng a ni.

v  Thutlukna (decision) siam kawngah te hian mihring duhamna leh remhriatna, hmanhmawhnaah te hian innghat mai lovin, Bible rawnin Bible hi i keu ve thin ang u.

v   Kan thiltih mek hi engvanga ti nge kan nih? Bible nen i buk tawn ve thin ang u.

v  Pathian hnen kan thlen theihna, van kawng min kawhhmuhtu chu Bible a nih a vangin Bible-ah hian i kir thin ang u.

v  Bible-ah i kir ve ang u. Chuta tang chauh chuan chibai bukna dik kan hlan ve thei ang.

Christmas Innghahna

•      Christmas innghahna chu Gen. 3:15 hi a ni.. Rul thlah leh hmeichhe thlah a tih hi. Nula thianghlim hrin anih tur tarlanna a ni nghal.

•      Lal Isua lo kal a tulna chhan hi mipui (ringlo) te kan zirtir tur ber chu a ni. Chuti a nih loh chuan Chanchin tha hi an hrethiam thei lo. kan chanchin hmasa (bad news) kha sawifiah chauhin Krista kan mamawhna  a lang.

A Pian Chhan

•      Adama sual avanga thihna man petlak turin a lo piang (Rom. 6:23).

Adam leh Eve an tluk khan an saruakna khuh nan beram talh a nih kha, an sual man khuh nan thisen a luang nghal a ni. Ran thisen aia hlu Lal Isua thisen kan tan a luang.

•      Min hmangaih vang a ni: Miin a nun a paih a liam aia nasa hmangaihna a awm lo. Jn. 15: 13.

•      Diabola hna thawh tiboral turin a lo piang: I nunah Krista lo pian chhan hian awmzia nei sela, Diabola hnathawh chu hneh zel ang che.

•      Mi thenkhatin Kristmas hi Rome mite (ringlotu) tihchhuah a ni an ti. Engtik niah pawh engtik hunah pawh Krista kan chawimawi chu thil sual a ni dawn em ni?

Baba Kenâ A Dam

Ø  Bam vengtu mipa naupang Aron-a beram (Baba) ke a na a. Khawchhak mifing 1 hnenah tihdamna a dil a. Nausen Isua chibai buk ve turin a lo tir a.

Ø  Arona chuan, "keipawh mipa naupang rethei mai ka ni a, i tan thil pek hlan tur ka nei ve si lo va, Ka neih chhun ka khuang (Drum) hi ka han vuak sak mai ang che, " a ti a.

Ø  Thinlung thianghlim tak nena nausen tana a thil hlan chu malsawmin a awm a.  Baba chu a rawn dam chhuak leh ta!

Aron ang hian harsatna, rilru hahna, mal riauva inhriatnate kan nei em? Thinlung thianghlim nen, a neih ang anga Lal chibai a buk ang hian Lalte Lal chu chibai i buk ve ang u. Tichuan kan harsatnate lakkianin a awm ve mahna! (source: czz group mail).

Mas Thilpek

•      Pathianin Mas thilpek min pe, chu chu i tan pawh a la awm reng. In dawn-kep chi ani lo. Mahni ngeia dawn tur a in; Isua Kirsta chu.

•      Min hmangaih em avangin sual man (thihna) chu min pek sak.

•      He Mas thilpek hi i chhandamna tur ngei a lo ni a sin, ringhlel suh aw.

Conclusion

•      Bethlehem Arsiin Krista pian thu a puang chhuak a, Mifingte pawh Krista hnen a hruai thleng.

•      Isua Krista chu mitin tatur chanchin tha chu a ni. Bethlehem arsi angin chu chanchin tha chu puangin Krista hnenah mite i hruai thleng ve dawn lawm ni?

•      Nitin kan thiltih hian khawi hmun nge min hruai thlen dawn? Bible keuvin enfiah ve ila, Krista hnen kan thleng ve thei ang.

•      Amanda anga inngaitlawma Pathian thu ang zela kan nun chuan Lalpa chanchin tha hriltu kan ni ve thei a ni.

•      Kan sual man bat rulhna, thiam kan chan lehna Kristmas gift "Lal Isua" hi i nei ve tawh em?

•      Aron angin kan theih ang tawk te a chibai buk i hreh lovang u; Min hmangaih vanga nun hlanin  khawvelah a rawn kal a ni si.

•      Ani chu kan kawng hruaitu Bethlehem arsi a ni kumkhua tawh ang.

Dated Yangon                                                                                                       Place: Nazarene Church

The 24. 12. 2012 (7:00 pm)                                                                                             Insein, Yangon