Tute nge chungpik thin a, tute nge lungngai thin a, tute nge inhau thin?
Tute nge thubuai nei thin a, tute nge a vang awm lova hliam tuar thin a,
Tute nge mit sen rem rum thin le?
Zu hmuna awm reng thinte, Zu chawhpawlh in thinte an ni.
Uain a sen kak laiin en suh, Nova a zia a lan lai te,
A luan thlak zaih zaih lai tein;
A tawpah chuan rul angin a chu a,
Rul tur tha mi angin mi a chu thin.
I mitin thil mak takte a hmu ang a,
I thinlungin thu chaltlai takte a chhak chhuak ang a.
A ni, mi tuifinriat lai taka mu ang emaw,
Lawng puanzarna chhipa mu ang emaw i ni ang.
Min vua a, a na si lo, min vel a, ka hre lo,
Engtikah nge ka lo harh ang aw?
Kan in leh bawk thin ang,” i ti ang.
Thuf. 23: 29-35.
2 comments:
A tha e. Bible chhiar peih lo tak tak kan tam si a, remchang i hre hle mai, hotupa.
Zaia,
ka lawm e.
Thil pakhat ka ngaihtuah ve mai mai chu kan naupan lai khan kut ni vangthla (X'Mas, Chapchar kut) a lo thlenin keimahni tawkah kan hlim ve em em a.
Kan rawn puitlinga zu leh sa tel lo chuan hlimpui thei vak lo turah kan inngai ta tlat mai thin kha chu insiam that kan ngai khawp a lo ni.
Hetiang hi ka lo nih tawh dan a ni a, keimah angin mi dang tam tak pawh an awm ve ka ring.
Zu leh sa tel hauh lo hian a lo hlim theih khawp mai. Chu chu a mawiin a thianghlim a, midang tan pawh kan hnawksak lo zawk mai ni lovin thlamuantu leh hlimpuitu kan lo ni zawk reng hi a lo ni.
Post a Comment