Hmanlai chuan in do reng reng thin an ni a, rawlralin an che bawk thin a, feh kal tla fal deuh te hi rawlrala che (ral)-in an hmuh chuan hmeichhia pawh nise an thah loh vek pawhin sal atan an man thin a. Thlawhhma hla ber neitu tan chuan a ralmuang lo va, chu bakah buh seng hunin a kawng a thui bika, hei ringawt pawh hi khaw lian deuhah chuan huphurhawm tham a ni. Chutiang chiahin vengtawp ber in chu zanah a ral muang lo em em a, Sapui (Sakei etc) a hlauhawm a. Tin engtik lai pawhin ral lo kal thut sela insaseng ve hman lova tawng hmasa ber tur an ni a, a ral muang duh lo khawp ang, tunlai ang hian electric te an lo nei ve si lo. A tlangpui thuin michhe veng a ni bawk a, mi zawng zawngin Lal mual kil phaa awm theih chu an duh em em vek a, Zawlbuk pawh Lal mualah hian an sa thin a, a bul hnai a mi te tan a thlamuan thlak hle bawk a ni.
Heng neuh neuh ka ngaihtuah hian, “Keiin thlawhhma tawp berah sadai ka theu ang a, hmeithaiten dai hnai neiin lal leh upaten a laiah thlawh hma la rawh se. In pawh veng tawp berah ka sa ang a, dai ka do ang e. Lalin a lai takah in a sa ang a, upaten lum rawh se,” ti a Vanapa thu sawi hi a lo ril raih raih hle mai. A rilru hi a va lo ropui tak em tih loh rual a ni lo. Kan mizo pasaltha ho ten an khua leh tui chhan nan an nun an ui loh zia leh huaisen zia ngaihtuah hi chuan tunlai kan politician tam zawkte nen hi chuan an va in ang lo take m!!
He a tawngkam atang hian Pasaltha Vanapa hian hmeithai te pawh a lo ngaihsak hle a ni tih a hriat theih a, Lal leh upate a zahin a duhsak hle tih a lan tira, ram leh mipuite tan a huaisenna leh tlawmngaihna pawh a lang chiang hle niin ka hria.
Lal leh khawnbawl ho nupuiten zu in an chinga chu chu pa ho chuan tha an ti lo va, Lal nu leh Pasaltha Vanapa nupui te chu a phusa ber an ni bawk sia, hauhngam chi mai an ni bik si lo va, a tawpah chuan Vanapa an han rawn ta a, tichuan “Chawngkhum dan tlang huat loh” tih tawngkam mawi tak hi a lo chher chhuak ta a. Lal leh khawnbawl upa inchhungpui nu berin zu an in fo chuan hnam chawm leh hmeichhe dang pawhin an ching ve mai anga Mizo nun kal chho zel tur kha ngaihtuah awm tak a ni dawn a, a tihreh nan Vanapa hian a nupui pawnfen chu lo hlim sak turin upa pakhat chu a tir ta tawp mai a ni. Helaia a chet duh dan hi a mak ang reng hle a, mahse a hlawhtlin zia atang hian a fing hle tih loh chi rual a ni lo. Pasaltha Vanapa nupui meuh pawh a pawnfen an hlim sak chuan tiin hmeichhe dang phei chuan an hlau ta em em a, an zu in thin pawh an sim ta a ni.
Hmanlai kan mizo pasaltha te kha tlawmngai tak tak vek leh huaisen em em mai an ni vek a. Vanapa a chungchuanna erawh chu heng bakah hian ral rel a thiamna leh a finna hi a ni a. Ral rel mai pawh ni lo vin Lal leh khawnbawl ho rorelnaah pawh Vanapa a tawng ve hma chuan Lalin thu tawp a sawi mai mai ngai lo hle a ni an ti, a thu chhuak hi a fing tlat thin a vangin.
A nunah insum theihna leh mahni inthunun theihna a neih hi a ropui thlawt a. Hei ringawt pawh hi hahipa sawi tham a tling reng a ni. Mi thinchhe tawp thanga an sawi kha mi zaidam berah a rawn chhuak thei hi chu thil mak tak a tling a. Hei ringawt pawh hi a chanchin hmalamah a hunlaia mite mak tih a tling. Mi pakhat tak zawng a la ni ang tih kha rin pawh a harsa lo viau ta ve ang.
6 comments:
Vana Pa nge nge a lo ropui a ni, Lal leh upate rengin a thu an zah mai. A tawngkam i rawn tarlan hi a fuh lutuk, ram leh hnam hmangaihtu tak2 tawngkam a ni. Tleirawl pakhat an ramchhuah pui a zilhna 'Nau a, a rawn liak de2 che a ni maw?' tih pawh kha midang hauh ai zawngin na a tih kha le.... A huaisenna piah lamah a finna leh a zaidamna hian a tihmingthang zual niin a lang. Midangte a ngaihsak zia chu thing leh tui dah lova riahbuk kalsan a phalloh dan a tang hian a lang chiang hle awm e
mi zo tlawm ngaih na hi chu a hlu thlawt a ni e.chheng tam tak pawh in he mizo pa tlawm ngaih na hi ka lei thei thawt lo a ni.khawi hmun kan kal na ah pawh ni se mizo pa tlawm ngaih na hi a sawm tel hram ang u aw aw
G..boyz,
I rawn comment ang hian thing leh tui dah lova riahbuk salsan chungchang te hi ngaihtuah chuan Pasalthate ram chhuak nunmawi tak kha a lang thei a, tunlai hunah chuan thlamah pawh engmah dah ngam a ni ta lo, mihringte hi kan va han ko ham tawh tak em
@Lalnunzira,
I hun hlu tak senga i rawn lenglut a ka lawm e. I rawn chawl lut ve fo dawn nia.
Ni e, VanaPa ang kha, kan ramhruaitute zingah hian kan van mamawh em!
Vanapa tawngkam (Thifing te pawh an ti) i sawi tel loh thenkhatte chu:
1. Hmeichhia leh uipui chu lo rum lungawi mai mai rawh se.
2. Kawng chhakah e la, kawng thlangah zung rawh.
3. Misual bera kan ngaihte pawh hian puhmawh tur an nei chawk.
4. Lampui chang khatah mi an be chhe ngai lo.
5. Aia upa hmaah mi samit an kher ngai lo.
6. Chawngkhum dan tlang huat loh.
7. Randanga sairawkherh ang kang ka ni ta, ka puar hle mai.
8. Satui hing hi kei chuan a tharlam aiin ka duh lo zawk chuang lo ve..
Heng te hi an ni a, a sawi tum erawh kan hrethiam hlawm turah ka ngai a.
@Seki..,
A ni khawp mai, mipuite tan inhmang ral thak ngam kan mamawh a ni.
@Zorunpuia,
I rawn comment-na chu a beng var thlak thei hle mai, ka lawm e.
Post a Comment