The Nazarene Church of Myanmar

29th District Assembly

Date: 11-13 Jan. 2013

Place: Headquarters Yangon, Nazarene Church

Delegates: 32 (From 4 areas: Yanogn, Sagain, Kayin (Karen), and Mon state).

Special guests: General Superintendent J.K Warrick & his wife; Regional Director Mark Louw & his wife and daughter; Field Dir. David  Phillips. 

General Superintendet J.K. Warrick

 Three pastors are ordained by G.S

 Me & our humble leaders: Rev. Dr. Mark Louw, Rev. Dr. J.K Warrick, Puia, Rev. David Phillips.

 By the grace of God I have a chance to translate Rev. Dr. Mark Louw's sermon

For the first time, we (assembly delegates) have a good time to discuss with our respected leaders (from abroad) on Assembly Sunday afternoon. Our earnest delegates, EC members have many questions to ask to our respected leaders concerning the church Missions and the administration of our Church, but they have a chance to ask just some questions. We are so happy that we heard the truth and the phase level of Myanmar Nazarene Church from G.S. We are hopefully to look forward the future for changing some- things within the church and the country for justice and for the glory of God. Our members say that this year is a remarkable year for the history of Myanmar Nazarene church.

Perfect Revenge

Source: https://groups.google.com/forum/?fromgroups=#!topic/chenfun/RcpBDneJFNw

2013 Yangon Mizo Society Hruaitu Tharte

 January 5, 2013, Inrinni chhunah Yangon Mizo Society chuan Methodist Biak In (Maha
Bandola Street)-ah  Annual Meeting a nei a. Kum 2013 hruaitu turte thlanna a nei a. Hengte hi kum 2013-a YMS OB leh EC member  atan a thlantlinte an ni.

 OB
Chairman                  Upa Lt. Col. Zakhuma
Vice Chairman          Rev. Dr. Lal Sawi Thanga
Secretary                  Upa Lallunghnema
Asst. Secretary         Upa Ralkap Thanga
Treasurer I                Rev. Dr. Lalmuana
Treasurer II               Rev. Hrangzuia
Auditor-te                 Upa M. Lianzuala
                                 Rev. Ngurliana
                                 Rev. Alfred Biaka te an ni.

EC member-te
Rev. Dr. Tialhleithanga
Rev. Herbert-a 

Rev. Ngunluaia
Rev. Chuangsangvunga
Rev. Lallianvula
Rev. Jubilee Thanga
Rev. Lalrinawma
Maj. Lalthanga
Rev. Lalchuka
Rev. Mama
Rev. Lalkima
Pastor Tlanglawma
Rev. Lalchawia
Rev. Lalthangliana
Capt. Lalrinthanga
Pastor Lalramhmuaka
Pu C. Lalawmpuia (Puibawiha)
Rev. Lalbuatsaiha
Upa Lalkhuma
Upa Hrangliankhuma
Pu Sangkhuma
Pu Sapthang
Pu Thangchhuana
Pu Zothangliana
Pu Pachhunga
Pu Lallawmpuia
Pu Vanlalkima
Pu Mg Mg Chho-a
Pu Vanlalruata (MCM)
Pu Hmangaiha

Pu Buta Kawmna

YZTP: Hun kan ngah loh avangin Palai lam atang zawh duh tlem kan neihte han inzawt nghal ta mawlh mawlh mai ila a rem ang chu tiraw?

Buta: Rem e.

YZTP: Mizo Music khawvela hming dai tawh ngai lo tur, "Vulmawi" music band in din kum min hrilh thei ang em?

Buta: Kan din kum hi 1976 a ni a. He mi hma hian Siama te, Lalruanga ten hla an lo nei sa teuh a. Tichuan Mandalay lamah kan inhruai thla a. Tichuan Album kan siam kum atang hian kan ding tan chu a ni mai. A bul tantu tak hi chu kei leh Lalruaga kan ni a. Kan band hming atan Zodi nge Vulmawi niang tiin kan ngaihtuah a, Biaklara'n 'Zodi Art' a nei tawh a, Vulmawi kan ti ta                                                                                                                     a ni.

YZTP: Hla engzat nge i phuah tawh?

Buta: Hla 10 tha ka phuah ve.

YZTP: I hla phuah zinga i duh ber leh i duh chhan min hrilh thei em?

Buta: "Ka Nuam Ve E" tih hla hi. Khatih hun lai khan thingtlang ram ngaw nuam tak maia nungcha zalen takte khan rualawhna min pe a. Sum leh pai harsatna avangin Recording buatsaih nan kutdawhin Lalruanga a han haw chho leh a, chutih laia nungchate rualawhna nei miah lova an leng kha ka feel ve a ni ber mai.

 'Ka Nuam Ve E' tih hla, a thu nawnah chuan tihian a inziak a:

An leng e hlim lai chenin an ngai lo tlei dang par,

He lei chinah, ka nuam e an ianga hmatiang dawn ngai lo nun nuam;

Aw… awm ve ngai ang maw hring nun? tiin.

YZTP: Vulmawiin Cassette album engzat nge in tih chhuah?

Buta: Pathum

YZTP: Tun dinhmuna music lama kan din hmun i hmuh dan le?

Buta: Kan thiamna a sang ta hle mai. Music lamah kan san em em laiin Hla lamah erawh kan hnufual, kan hlain kan music a um pha lo niin ka hria. Entirnan, a music kha Alternative Rock music ni siin a hla kha erawh a ni chiah si lo.

YZTP: Kawlram i chhuahsanna kum engzat nge ni tawh?

Buta: Kum 28

YZTP: Kum 28 hnuah kawlramah i rawn letleh vawi 1-na a ni a, thil tharte awmin i hria em?

Buta: Hma a sawn nachungin, Rangon hi a nawm ngaii a la nuam e. In a la thawl tha a boruak pawh a nuam.

YZTP: Zawh duh che chu nei teuh mahila hun kan nei tawh si lova, duh tawk mai ang aw, kan zawhna te tha taka min chhan sak avangin kan lawm tak meuh a ni.

Buta: Keipawh ka lawm e.

Lt. Colonel. C. Lalmuana Chanchin

by Capt. Zaithuama

Lt.Col. Lalmuana (fam) hi Tualcheng khua Pu Vanhnuaithanga leh Pi Kapliani-te fa panga zingah a upaber dawttu a ni. A u chu Pi Biakkungi a ni a, a naute chu Pu C. Vulluaia (Ex. MLA), LL.B. Dr. CVL.Auva (Advocate) leh Dr. C. Biakmawia (Durtlang Damdawi in liana thawk thin) te kha an ni.

Pu Lalmuana hi kum 1950 March thlaah 4^th Bn. The Chin Rifle's sipai-ah a tang a. A sipai tan hma hian Mizo lehkha pawl li a zirzo hman a, pawl nga a zirmek laiin sipaiah atang ta zawk a ni. Sipaia a luhtirh phat atangin Kawl lehkha hi thiam a tum em em a, ama private pawhin a zir ngat ngat thin. Kum 1951 velah sipai sikul atangin a zir ta a. Reiloteah (Ah tunglung) an tih hi a zirzo ta mai a. A thiam theih avangin a zirzawm zel a, 

Burma Army Education chu 1^st class-in a pass ta mai a ni. He class hi pawl sawm anga ngaih a ni. Kum 1953-ah Belkhat (L/Cpl) a kai a. Burma Army Officer tura Qualify test pawh a vawi khat chhannaah a pass nghal bawk a ni. Mahse remchanlohna engemaw avangin (OTT) chu kal ta lovin ziaktu hna a thawk ta zawk a. Kum 1958-ah sipai ziaktu bel thum (Sgt. Clerk) a kaisang a. A thiannu Pi Nuchhungi (Chhungpuii) nen hian Mandalay tlang hnuaia awm, 4^th Bn. The Chin Rifles-ah Kristian dan thianghlimin an innei a. Pu Lalmuana thiannu hi Zawngte khua Pastor Lalzika fanu a ni. A u Raltawna leh Pi Thangseii te ina a awmlaiin a ni.

Kum 1959-ah Officer Training-in Bathoo-ah a kal a. Kum 1959 vek hian Burma Army Commission Officer (2^nd/Lt.) a kai a. 1965-ah Captain, 1973-ah Major a kai a, 1976-ah Commanding Officer (C.O)-in 13^th Burma Regiment-ah a kal a. Lt. Colonel nihna pek a ni chho nghal bawk a ni. Pu Lalmuana hi Officer te a nih atangin a thiante ang  bawkin promotion a kaichho ve zar zar a ni. Burma Army; Mizo zingah Officer lian pahnih kan nei a, Lt.Col. Zakhuma leh Lt.Col. Lalmuanate hi an ni. Lt.Col. Zakhuma chuan vawiin ni thlengin min la dam puia, a damlai nite Lalpa'n min pawhseisak zel rawh se. Lt.Col. Lalmuana erawhchuan, a awmna ram tan leh a biak thin Pathian tan rinawm tak leh a theihtawka a thawhmek laiin, Pathianin a hnenah a chawlh hahdamtir ta a ni.

Lt. Col. Lalmuana Mizia

Pu Lalmuana mizia, duhawm tak tak thenkhat phochhuah ka duh a. A naupan lai atang rengin meizial a zu lova, sipai atan hnuah pawh zuk leh hmuam thilah a fihlim thak a ni. Fiamthu a duhin, thian leh rual kawm a thiam em em a, thiante ngaina thei tak mi a ni bawk. Tin, a thil thiam duhzawngte chu, theihtawp chhuaha thiam tum mi a ni bawk. Vawikhat pawh, Pakkoku-a kan awm laiin Tingtang perh a zir a, thiante mut hnuah a tum tlut tlut mai a, tichuan thiante zinga pakhatin "Lalmuan, i bengchheng i thiam mang si lova, tawk tawh rawh," a ti a. Lalmuana chuan, "Ka thiam loh avangin ka zir reng a lawm, nangni thiante lehzelin chutia in tih chuan engtin nge ka thiam theih ang," a ti then mai a ni.

Fiamthu sawi pawh a thiam em em a, Officer a train lai pawhin, hun reilote an chawlhlawk chhunga "Trainee ho an nuih dar dar tawh chuan, a laia Pu Muana fiamthu vang a lo ni reng thin," an ti.

Sakhuana Lam

Sakhuana lamah pawh Pu Lalmuana hi tet te atanga Kristian chhungkuaa lo seilian a ni a. Mizo tlangval tam tak hi Kristian chhungkua atanga lo chhuak, Sunde Sikul a tanga seilian chu kan ni deuh vek awm e. Nimahsela, nu leh pa inchhung atanga han talhran hnu chuan, mi tam takin Kristian ka ni tih pawh insawi ngam lova pilbo ta, kan awm nual awm e. Pu Lalmuana hi chuan, Krista hnungzuitu, Kristian a nih zia zep miah lovin, Pathian ta Sawma Pakhat (1/10) hi a pe ziah thin a ni. 4^th Bn. The Chin Rifles-ah hian Pastor neiin Sunday ni-ah Pathian biak inkhawm kan nei ziah thin. Chutah pawh chhuan, a thiante'n inkhawm kan ngaihsak loh lai pawhin, a duty loh chuan a inkhawm ziah thin a ni. Pathian a tihin a theih ang anga Pathian biak leh A rawngbawl hi a tum tlat a ni.

Thlarau Hnathawh; Mahni Inhriatchianna

Kan Lalpa Isuan, khawvela rawng a bawl lai khan, Nikodema hnenah, "Tuiah leh Thlarauva I pian thar loh chuan Pathian Ramah i lut thei lovang," a ti a. Kan naupan lai chuan, Pathian thuawih chu Vanram kaina a ni tih chu kan hriaa, "Chhandam nih leh nih loh inhriatna" te chu kan lo uar hranpa lem lova. Kum 1974 velah khan Pu Lalmuana Major a nih laiin, Rangon-ah a rawn zina, Evan. Phunuka a rawn kal lai a ni bawk a. Zan khat chu, kan inah inkhawmna leh Pathian thu sawihona kan nei a, "Chhandam nih inhriat chian" chung chang kan sawi ho va. Pu Lalmuana chuan, "Kristian chhungkua atanga seilian ka ni a, chhandam nih in hriat a tul hran kher em ni? tiin a sawi a. Evan. Phunuka chuan, "Pu Muan!!, I nupui i hria em?" tiin a zawt a. Pu Muana chuan, "Hria e," tiin a chhang a. Kan nupuite kan hriat chuan, chhandam nih leh nihloh pawh mahni kan inhriat chian a pawimawh a ni, tih chungchang leh thu dangte pawh kan sawiho hlawm a. 

Zan a rei deuh tawh avangin mi dangte chu an tin darh ta hlawm a. Thiante an tin hnuah pawh chuan Pu Phunuka zawhna kha, tuna C.O.G-a an hotu; kan fanu Tei (Dorthy) nen an pahnihin an chhunzawm leh a, kei chu ka lo muhil tawh. Zanlai dar sawmpahnih velah chuan, Thlarau Thianghlim zarah, Chhandam nih inhriatchianna Pu Muana chuan a chang ta a ni. Pu Muana chu a hlimin a lawm em em mai a. Aw-rawl chhuah meuhin a tap chhuak zu nia. Ka thian nu, Pi Vanlalruaii'n tap ri a hriat chuan, "Mampuia pa tho rawh! Pu Muana chhandam nih inhriatchianna a nei a, lawm avangin a tap hial a nia!" a ti a. Kei lah pek chuan, "Lalmuana tah avangin engah nge ka thawh kher ang," ka lo ti vel a. Mahse, thian duh tak maiin Lawmna tak mai Isua pek, thinlunga a lo changta chu lawmpui tlak ka ti a, ka zuangtho ta nghal a. Ka thiannu Pi Ruaii, Te-i leh Pu Muana te nen chuan Pathian hnenah lawm thu sawi tawngtai kan neih hnuah hlim takin kan mu ta a ni.

Rawngbawlna Lam

Rawngbawlna hi chi hranghrang a awm angin, rawngbawl dan pawh a inang vek lem lovang. Pu Lalmuana hi Bn. C.O (Commanding Officer)-a hun rei tak chhung hnathawk a nih avangin Burma ram hmun hrang hrang pawh, (Shan State, Kachin State, Karen State, etc.) a thleng fo thin a ni. A chang chuan a kalna khuaa ringtu thalaite nen inhmelhriatna neiin ama sumpai senga "Gospel Team" buatsaihin Pathian rawngbawl hna an thawk thin. A chang chuan a kalnaa Kristiante nen an inhriatchian hnuah, chung ringtute chu a remchan dan a zirin a kalnaah rawngbawlin a hruai bawk thin. 

A kalna apiangah Kristian a zawngchhuaka, rawngbawltu Pastor a hmuh chuan, a theih ang angin a tanpui a, an rawngbawl hna pawh a remchan angin a pui bawk thin. Tingtang a tum thiam a, a zai ring bawk a, a kalna biak inah tawh chuan hla mawi rem te a uar em em bawk a ni. Tin, Pu Muana hi lem ziak thiam tak a ni. Karen, Kachin, Shan ram leh hmun hrang hrangah Pu Muana ziak 'Isua lem' Pastor inah leh kohhran Upate inah chuan hmuh tur a awm thluah zel a ni. Hengte pawh hi a rawngbawlna a ni zel awm e. Khawi khuaah pawh hnathawkin kal sela, chawlh nia Kristiante inkhawmna biak inah tawh chuan inkhawm ngei ngei tum tlat mi a ni. Officer lian a ni bawk a, sipai ven thupin a inkhawm a, a remchan angin Pathian thu sawi (Sermon!)-na pawh a nei bawk thin.

Pu Lalmuana Mize Danglamna

Sipai-ah hian a tlangpuiin 'Rank' hian kan inko deuh ber thin a. L/Cpl. atanga W.O chin hi Saya, Saya Kyi tiin koh an ni a, Officer chin hi, Bo Kyi, Bo hmu, Bo Hmu Kyi tia koh anni thin. Pu Lalmuana hi a hote'n a rank (Bo Hmu Kyi) tiin tumahin an ko lova, Abah (Ka pa) tiin an ko zawk thin. Sipai Nupui-fanaute lamin Aba tiin an ko vek mai a ni. A hnathawk leh sipai chhungkuate a enkawl danah 'Pa' nih a tling hle a ni ang. Tun hnuah hian Sipai ten an aia rank sang zawkte Aba tia koh an ching tate pawh hi Pu Lalmuana sipaite'n Pu Muana an koh dan kha an ching chhunzawm ta a ni awm mange ka ti thin.

Fanaute

Pu Lalmuana leh Pi Nuchhungi te hian fanau fel tak tak leh duhawm tak tak paruk an nei a. A upa ber chu Pi Molly (Lalnunziri), Imigration Officer thawk mek a ni. Pi Siami, Pi Mawitei, Pi Sangi, Pi Cherry-I leh Pu Chit Thwe-a te an ni. A naupangber Pu Chit Thwe-a hi Merchant Navy-a thawk mek a ni. An unau za hian nupui pasal neiin changtlung tak an ni vek bawk. Pu Lalmuana te nupa hi fanau enkawl puitlin thu-ah pawh an duai lo hle a ni.

Lt. Col. Lalmuana nunah hian zir tur tam tak awmin ka hria a. A naupan tet atangin zuk leh hmuamah a fihlima, sakhuanaah ama thawhchhuah atangin sawma pakhat a pe thina, zirna lamah pawh, pawl nga  vel thleng nu leh pa te'n an buaipui hmana, pawl nga a zir laiin sipai atang a, sipai a tan hnuah pawh inzirchawpin Officer lian tak thlengin a zir chho a ni. A hnathawh sipai-ah ram tan, 'thih thlenga rinawmin a thawk a, chutichung chuan, Pathian; a Lalpa rawngbawl hna a thawh dan zawng zawngte hi Lt. Col Lalmuana hnen atanga "Zirtur" tam tak ka hmuhte chu a ni.

Source: YZTP Palai

Ka Fanu leh Fapate

Fanaute hi Lalpa laka kan rochan an ni.
In ro awmna a piangah in rilru pawh a awm ang, tia Bible-in a lo sawi hi a dik khawp mai.
Fate hi min tihlimtu leh kan rilru luahtu berte chu an lo ni e. Nu leh pa-in hahtaka rilru zawng zawng senga kan thawhrimna pawh hi fate tan tiin mahni kan inhrechang lo a ni ber mai e.

Ka fanu Angeline hi ka fa hmuh hmasak ber a ni bawk a, a naupan zual lai chuan ka theih ang tawkin ka duat ve a. Tunah chuan a lo nula ve deuh tawh a, tirhna tur ka hre thei riau mai a ni. A chhang tur chu kum 3 hnuah nise, kum 4naah inhmu se tiin duhthu ka sam thin a. Chutiang chiah chuan a kum 4naah a nau Dorothy-i chu a lo pianga, a hmel that reuh em a vangin thenawmten Ukhumi tiin an ko thin a. Keini nupa a kara pianga mawi lo khawpin a hmel tha ve reuh lah tak a. Kan inhnuai nu hian "nang hi i hmel tha reuh em mai i dam rei dawn lo a niang a" a ti fiamthu thin a. Tichuan kum 1 leh thla 5 a nihin min boralsan a. A boral lai hian Philippines-ah Bible school kalin ka awm a, ka haw thei lo nghe nghe a. Mahni chauhva ka tlaivar laite kha!!! Khatih lai khan kan Seminar-ah mizo emaw burma mi emaw tumah an awm si lo va, ka thleng hlim deuh hlawl a la ni bawk nen. Airport-a min rawn thlah laia ka pawm laite khan ka pawm tawpna tur a ni tih reng ka hre tak si lo kha a nia... Pathian khawngaihna zarah Thlarau Thianghlim pawlna nasa tak ka chang hlauhva. Tunah hian la dam chu ni sela a unaute zingah hian a tel ve tur..

 Ka fapa upa zawk Mama tia kan kohduat hi ka hmuh hmasak zawk a nih vang nge, a chhawnchhaih theih deuh zawk vang nge, ka kawm nasa deuh zawk a. Pathian zarah a dama a harh hle a ni. A nau nen hian kum 2 chiahin an inthlau a. A nau hi a duat a, a chang leh a sawp nawk nawk bawk a. A kalpah vel mai mai thin bawk a. A dim thiam hran lo a ni. An zing tho hi khumah an inlawma nu leh pa tan chuan thlir an nuam a ni.

 Ka fapa te zawk Puitea hi January 18 khan thla 11 a kim ve chian a. He mi niah hian a kal theih chiah bawk a. A ha hnuai lam a to ve chiah bawk a ni. A tuk ni 19 zan khan pen thum vel chu a pen thei ve a. Kan dintir a, a hmaah plastic pall kan dah a, thei leh thei lovin a ke ding lamin a pe ve a, mak kan ti khawp a. Kan dah leh a pe ve leh zel mai a ni. Ball hi a lawm ve hrim hrim a, a pa min chhun a ni ber mai e. Zana a zun a chhuahin sawi thiam lo mahse, a tapa a rak thin a. tichuan pawnah kan zuntir thin. Tun hnai te atang khan, a zun a chhuah chuan varandah-ah a a va  zawng ve thin a, mak kan ti ang reng hle.

 Angeline Lalhmangaihi

 David Lalhlimpuia

 Ka fanu pawhin min chen ve tep ta mai.

Hrilhfiahna

Zonun Newsletter

February 2012, Tum 7, Vawi 2na ( page no. 4)

Hrilhfiahna

HLCA, Yangon Thu Inhriattirna, 1.2.2012 Thupui hmanga YMS chungchang Pu Lallianchhunga thuchhuah kha YMS chuan pawi a ti em em a. HLCA hming hmanga ama duh dan danin a ziak kual mai niin a ring a. HLCA hian YMS sawi chhiat vak vaka ro a rel hi a ring lo a ni. YMS chuan chhan tlakah a ngai lo va, heti hian a hrilhfiah zawk a ni.

Tin, a lehkhaa 12.2.2009 a PCM Biak ina YZTP, YZS, HLCA hruaitute inhmuhovin YMS din tur kan rel tluk niin YZS hming thlak thleng tura rel a ni lo. YZS, YMA, YMS tih rawtna pathum a awm a, ban pharin vote lak a ni a. YMS in a hneh ta a. YMS din tura rel a ni tawp mai. "Hemi nia kan inhmuhhonaah pawh hian YZS hruaituten Meeting hruaihna an chuh a, Rev. Lalmuana'n chair a la a, Pu Ralkapthanga Secretary a ni a. An duh anga ro a tluk loh vang emaw meeting minutes pawh an chhuah lo" tiin a ziak a. Rorel minute hi a chhuak chiang hle a. A dawng turte chuan an dawng a. Dawng tur lote chuan an dawng lo a ni a, minute dawn loh avanga chhuak lo anga ngaih tur a ni lo a, a dawng tur zingah a tel lo tihna a ni. Minute reng reng hi file that vek a ni a, a en theih reng a ni. Rorel Minute reng reng hi mimal duh anga ro a tluk leh tluk lovah a inghat ngai lo a, rorel ang thlapa record a, a copy chu a dawng turte hnena pek thin a ni tih hi hre lo rual chu a ni lo mawl e.

A lehkhaah "EC/ Auditor/ Fee khawntu etc. atana ruat i nih pawhin mawihawih atan chauh I ni, mipui ruat I ni lo, tih inhriat a hun ta e. Phur taka thawk I nih phei chuan mahni hnam leh mipui phatsan tluk nih pawh inhriat thiam tur a ni. Chu chu unaute mi hmuh dan a ni tih pawh hriat a tha." tiin a ziak leh a. Hei hian Mizo zinga inlungrualna tihchhiat a duhzia a tilang a. Mizo chu 'Kalay Kabaw phai ami emaw, Chinhills Hualngo tlangdung ami emaw, Mizorama mi emaw, Manipur ami emaw Mizo tawng hmang atu ate mai pawh hi Mizo kan ni" tih hi YMS ngaih dan a ni a. YZTP chuan 'insuihkhawm zai I rel ang u' tiin mi a huikhawm a, chu chu kan tih tur reng a ni.

Tichuan fimkhur ila, kan zing ata min tihnawk thei tu apiang chu paih ngam ila. Mizo te hian Literature pakhat chauh kan nei a, Culture pawh pakhat chauh kan nei. Hualngo-in emaw Sailo-in emaw Pachuau-in emaw literature leh culture hran an nei lo e, nei anga an sawi chuan, hei hi inbumna mai a ni tih hre bawk ila. Literature leh culture hran a neih chuan Mizo a ni lo tihna a ni. Mizo-ah lungawi ila, Mizo kan ni hi lawm ila, tih kan han infuih nawn leh duh a ni.

·         Pu Lallianchhunga hian "Chin, Duhlian, Lusei, Hualngo, Mizo Chanchin Sawichianna" tih a bu hminga hmangin November 1, 2010 khan lehkhabu a chhuah tawh bawk.

Phek 6naah chuan "Sawisel Suh" tih thupui hmangin article tawi te tar lan zui a ni a.

Sawisel Suh

Kan Pathian hi fak duh, chawimawi duh Pathian a ni. Chutih laiin a zuitu, a ringtute erawh chu mi sawisel ching, mi hau hmang leh mi chhiatna lai sawi nuam ti zawk kan ni fo mai! Bible thianhlim chuan "sawisel suh u, sawisela in awm loh nan. In sawisel ang bawkin an sawisel ang che u" Matt. 7:1-2 ah a ti a ni.

Thiam taka mite kan sawisel piap piap lai hian mahni hi engnge kan nih chiah kan inbih ngam a ngai a ni. Nuho thukhawm pawh hian a tirah Pathian thu pawh sawi sela, a tawp lamah chuan rawngbawlpuite an rel hman deuh zel a ni an ti.

Mite felna leh thatna enkhuma an tihsual leh fellohna lai ringawt inhmuhpui hi chu a hmutu mit hi a fing bik lo. In sawi chhiat leh inrel hian mi a siam tha lo va, thinrimna leh inhauhna mai a thlen zawk thin. Ringtute hian kan hmui kan lei kan ven that a tul. Kan kam chhuak hi mite tan thlum sela. Hmangaihtute zilhna chu na deuh mahse kan haw ngai lo. Hmangaihtu der zilhna erawh chu a na thin. Zilhna ni lo, inrel leh insawichhiatna phei chu a na duh hle thin.