Mimi Renthlei leh YZTP Chanchinbu-mite Inkawmna

Sweet December 2012 kan hman zawh tuk (2.12.12) khan YZTP-in kan khual liante Restaurant-ah zanriah kilpuina kan nei a. Kan eiin turte an buatsaih chhung hun chep tak karah Mimi Renthlei kan interview-na.

 

YZTP: I hun hlu tak senga YZTP Sweet December min rawn hmanpui hi keini Yangon Zofate tan chuan kan rama Obama rawn zin ai khan kan lawmna a nep chuang bik hauh lo a nia.

Mimi: (Hlim taka nui chungin) Ka lawm e.

YZTP: YZTP i lo hmel hriat dan min hrilh thei em?

Mimi: In Sweet December hmanna DVD ka lo en atangin.

YZTP: Hei tunah chuan YZTP Sweet December chu atakin i rawn hmang ta a, i lo beisei ang a ni em? Hlimawm i tie m?

Mimi: Ka lo ngai ropui sa hle a; chu ai chuan a lo ropui zawka hlimawm pawh ka tihle a ni. Tin, in changkangin inhawihhawm, a bik takin aia upa inzahna hi entawn tlak ka ti. Entirnan, min koh dante hi.

YZTP: Yangon Zofa mipui che vel kha engtin nge i hmuh?       

Mimi: Entertainment kan la thiam lo deuhin ka hria, mahse zalen takin kan lam a, a hlimawm.

YZTP: Rangona kan mizote leh India phai lama kan mizote dinhmun i hmuh dan min share thei em?

Mimi: India phairamah pawh mizo kan awm nual a, sunday-ah kan inkhawm ho tlangpui a. Hetah chuan mizote in inkhawm hrang thliah thliah deuh niin ka hria.

YZTP: Myanmar i fan-te tan i facebook account i hrilh thei ang em?

Mimi: Facebook account-ah Friends hi mi 5000 chiah a neih theiha tunah hian a full tawh a, tumah a invite theih tawh lova pawi ka tikhawp mai. Ka Email ID hi ka lo pe zawk ang e: mimi.renthlei.1987@gmail.com

YZTP: YZTP hruaitute i hmuh dan frank takin min hrilh thei ang em? Kan hruaituten an beng lo hup se.

Mimi: An hmel tha, an inpekna a ropui, Zofate tan an fakawm ka ti.

YZTP: An hminga koh fak theih i nei tawh em?

Mimi: Aw, mi pali/nga chu ka nei.

YZTP: Rangon khawpui chu nuam i ti em?

Mimi: Khawpui hlui deuha hmuh ka lo tum a, mahse a lo puiin a lo thar hle. Company-te an rawn luh lai leh in sorkar insingsak lai taka ka rawn kal hi vannei pawh ka inti. Cell phone hi mitinin nei ve thei thuai ula.

YZTP: Hun rem chang dang awm leh ta se, i rawn kal leh duh ang em?

Mimi: Teh reng mai!

YZTP: Inkawmna hun kan neihpui theih che avangin kan lawm e.

Mimi: Keipawh ka lawm lutuk.

Interviewer : Puibawiha & Huna
Editors, YZTP Palai Chanchinbu.