Sung Tin Par- Yu yu mite mite a chit

Burma ram pum huapa kan tlang mite zinga zaithiam hlawhtling, Sung Tin Par hla hi ka blog update nan ka han post ve mai mai ang e. Sung Tin Par a rawn lar chhoh tantirh khan kei music lama beng hawng lo ve tak hian, a zai thiamna han duh chhanna tur pawh ka hmu ve thiam lo pek a. Hla pakhat a ram puma a lar vut vut hnu kum khat velah "he hla chu a lo nalh ve em tak a nih hi" ka ti chawhnu ve leh hu hu thin a.

He hla pawh hi Sung Tini a lar chhoh hnu deuh a mi a ni a, he hla ka ngaithlak atang chiah hian Sung Tini zai hi ka ngaina ve tan chiah a ni. Sung Tin Par hi a mimal nun emaw chhungkua emaw engmah hriat chianna ka nei lo, mahse kan tlangmi a ni a, Burma ram pumpuiah keini tlangmite zai lama min chawilartu a ni tih erawh hai rual a ni lo. A ram pumpui mihring Million 57 vel awmnaah chuan an hla pakhat chauh pawhin hit a kai chuan zaimi te tan sum hmuhna tham a tling tawh thin a ni. Hetiang vel ka ngaihtuah hi chuan insuihkhawmin common language fel tak nei ila, Synod leh MHIP lam pawhin hma an lak angin inthlahpung ve vat vat ila kan markette pawh a lo hlawk tham ang a, hmasawnna leh in elna pawh tun ai hian a thang nasa ang.

Tunah chuan kan population a la tlem em em a, India ram khawpui pakhata mihring pawh kan la zat lo va. Tun hma deuh phei kha chuan lehkhabu te pawh hi a hralhna lam a harsat avang hian a ziak thei tam tak tan pawhin a hautak ve em si avangin an siam mai ngam lo va. Mipui lam lahin lo lei sak ai chuan thenawmte ta hawh sak kha nuam kan ti zawk bawk si a. A leitu tur mipui hi tun ai tam se lehkhabu siam tutur pawh tun ai hian an tam anga, lehkhabu chi hrang hrang pawh kan ngahphah lo thei lo ang. Hmannia Pu Tlangrokhuma'n a lem ziah lei tumtu Vai pa pawhin kan population zat min zawta, kan tlem avangin ka lemziah pawh a lei leh duh ta lo a tih pawh thil ni thei tak tur a ni.

Keini zo hnathlakte hi India, Burma, Bangladesh-ah te kan awm darh a, geographical boundary a vang hian inpawh tawn taka awm pawh duh mah ila, ram dang mi kan ni tawn ta tlat si a, chuta chhapah ram rethei tak thar chhuah nei ve mumal lo kan la ni zui leh nghal sa-bai a. Ram leh ram inkar dan leh dun, politics avang tein kan unaute inni intih vek sen a nih theih lohna a awm ve, kan awmna ram Central sorkar rorelna hnuai theuha kan awm vek bawk nen. Burma Chin unau te pawhin Mizoram unaute Buannel hmunah te leh Khampatah te in duh duhin rawn zin rawh u duhsak takin ti ve ngawt mah ila Kawl ram sorkar berin rem ti lo ta se, sawi theih kan nei lo. Zoramah pawh kawl ram mite hi kan unaute in ni tingawt mahse ram dang mi chu kan ni tlat lawi si a. Central atanga an ration dawnga vai buh ring annih vangin an quota lo ei hek sak kan nih theihna chin engemaw tak chu a awm ve a. Bangladesh lam unau te pawh chu ti tho chu a ni.

Chutah ram khata cheng theuh theuh pawh kan la lungrual thei chuang lo leh nghal a. Burma rama awm Chin ho pawh kan la lungrual tlang thei lo va, Mizorama awm ho pawh an la lungrual thei chuang lo va. District leh State hran hran pawh a la pung zel mai thei a ni. Manipur lam unau te pawh chu ti tho. International boundary-in min then tawh mah tihnak laiin Hmmm.
Mahse keini zofate hi ram dang leh hnam dang karah chuan kan inngai em em a, kan inngaina nghal mai thin a. kan rilru kan thil tihdan hmang, kan zia tam tak eawh a inang tlang a. Moral lam supportte hi han inpe tawn ila, Kan unau ni miah lo hnam dang ho pawh kawmngaih kan tum a, kan harh chhuah thuai thuai a nghahhlelawm tawh mange.

HSLC top ten list atang Mizoram hmel a lang!

Kumin Mizoram pawl 10 result Top Ten List ka en vang vanga, an hming chu ka'n chhiar thla dan dan a Mizo 6, hnam dang (vai) 9 an ni a, an vaiin mi 15. Ka'n chhiar nawn leh a, a awlsam zawngin an hming hmaa serial number an dah loh zawng kha (eg. G. Gurukrupa...) mi 4 chiah an lo ni a, tichuan 10 nen chuan ka han belh a, mi 14-ah ka chhuah ta mai si a, ka chhiar nawn ka chhiar nawn a, ka hmuh chhuah meuh chuan ka nui ringawt, bumin ka awm chiang kher mai.

Mipui ngaihdan chu hre lem lo mah ila, hetia hnam dang hming a intlar ta thut mai chu hmeh bel tur leh sawi belh tur eng eng emaw chu kan nei hlawm ngeiin ka han ring thla ve ngawt a. Then khat chuan pawl sawm top ten result hi Mizoram leh a mipuite dinhmun teh nan kan vai hmer leh tawp tawp duh maiin a rinawm. Entirnan, silchar-ah vai then khat leh mizo then khat buaina a chhuak a, zoramah vai zawng zawng kan han vai hmer tawp thin ang deuh leh Burma mi chungchangah te hian. Tun tumah pawh hian zirna lamah vai ho kan tluk lo, zoramah vai tam tawh zia hi tiin then khat chuan hahipin kan vai(all) hmer leh vek duh mai awm e. A constructive zawng leh optimistic zawng taka thil thlir dan kan intihhmuha kan infin chhuah a ngaiin ka hria.

he top ten result hian kan dinhmun eng emaw chen chu a sawi fiah ve tlatin ka hria.

Hetia vai (hnam dang) hming a lan tam zawk a vang hian Mizoramah vai an tam zawk tihna chu a ni hauh si lo. Top ten-a inhlangkai thei an tam zawk tih chu a chiang a. He mi avang hian vai ho hi chu kan tluk lo deuh a ni tih ngawt theih a ni bik lo, a chhan chu top ten-a a sang ber mi 3 te khi mizo tlangval an ni tlat si a ni. He result atang hian Mizoram la thleng ngai lo tan pawh vai (hnam dang) an tam a ni maw tih chu a rin mai theih a. Kan mizo thalai ten zirna kawnga rual elpui tur hautak tak mai an nei a, tan lak sauh sauh a ngai a ni tih hmuh chhuah phah se.

Thil mak ve tak chu Top ten list-ah hian hmeichhe hming 7 lai mai a lan laiin kan mizo nula te hming a lang ve tlat lo mai hi a ni. Kan MHIP lam mawhpuh ngawt theih chu a ni bik hauh lo vang. Kan nula te hi hnam dang runah an lawi zo taa an hming lang tur a awm ve ta lo va hnam dang nula ten an ai an awh zo ta a ni tihna chu a ni awm si lo va. Kumin Mizoram pawl sawm top ten list-ah hnam dang an tam zawka, kan nula te hming a lang lo va, heng hi tun tum result atanga chiang taka kan tan lakna tur lo lang chu an ni. Mi fanu te lehkha zirlai tibuai lo zawnga inrim dan pawh kan thiam a ngai ta.

School lam ve thung hi: Tun tum top ten-a langte hi school 5 atang an ni a, heng zingah hian St. Paul H/S hi hman hman atang tawhin school titha ber a ni fo a ni. Tun tumah pawh hian top ten list-a mi 9 ngawt mai hi St. Paul H/S an ni. He Roman Catholic school atang top ten an tam ber fo avangin Aizawlah Catholic kohhran an lian ber tihna a ni leh hauh si lo. Presbyterian school (Synod H/S) hi titha ber chu ni sela, an ni chu an lian em a lawm kan ti leh duh ngei awm si a. Kum tin St. Paul H/S hi ti tha ber an ni fo tih kan hre renga, mahse school dangte hian an kal phung leh zirtir dan te hi entawn tumin kan zir chiang ngai em le? School naupang tha tak tak nei turin kawng kan dap ngai em?

Tun tuma hian Home missions school hian a ti tha hle a, he school hi a thar deuh nge ni H/S ka kal ve lai khan ka lo hre ngai lo va, khang lai khan a awm tawh a nih chuan a lar vak lo tihna a ni ang. Mahse he schoolin tan lakna atana a mamawh nia lang chu IT subject hi a ni. He school atang mi 3 top ten-ah an inhlangkaia tuman IT-ah letter an hmu lo va, hei hi St.Paul top ten student te an tluk lohna point a ni. Mount Carmel school pawh hi a duai lo khawp mai, a dintirh atangin. He school hi late 1980s lama din a niin ka hria (dik tak maw). Anni pawh IT lamah tan lak an ngai niin a lang. St. Paul H/S top ten te hian IT-ah letter an hmuh vek laiin, Home Missions school, Mount Carmel, Donbosco te hian IT-ah letter an hmu ve lo va, hei hi an hotuten ngaipawimawh sela, tan lak lehzualna tur rahbi-ah ngai thei se a lawmawm ngawt ang. St. Paul H/S-in IT-ah an chungnunna an lantir thei a, an lawmpui awm hle.

Kum tin pawl 10 top ten list kan en chuan, thing tlang lam high school hi an lang mawh khawp mai nia. Thingtlang mite hi khawpui mite aiin lehkha an thiam thei lo tih ngawt chu a dik hlel deuh mai thei a, mahse Thingtlang ai chuan khawpuiah zirna a tha zawk tih chu kan result a tang hian a hriat theih. Chuti a nih chuan enge a chhan ni ta ang. Thingtlang lam chuan zirtirtu an nei tha lo em ni? Ai kal an indah thin vang hi a ni thei ang. Thingtlang khuain zirtirtu tha an neih ve theih nan engtia tih chi nge ni ang. Zirtirtute tha hnem ngaihna leh thahnem ngaih lohna hian awm zia thui tak a nei thei a. Mahni khua leh tuite tana min thahnem ngai zirtirtute hian anmahni khua ngeiah zirtir sela ai kal inlak ngai dawn bawk si lova harsatna then khat chu sut kianin a awm theih a rinawm. Ruahmanna thar hi khawi area-ah pawh nise kum tina kan mamawh a ni a, he sorkar thar hian thingtlang lam zirna hmasawnna turin ruahmanna thar khauh deuh tak duang chhuakin rawn apply ngei sela a duhawm mange, kan thalai ten finna leh thiamna mai bakah nun dan dik an zirchhuah theih nan, zirtirtu lak kawngah pawh fimkhur leh zual ni se.

Tute nge? (Proverb 23)

Tute nge chungpik thin a, tute nge lungngai thin a, tute nge inhau thin?

Tute nge thubuai nei thin a, tute nge a vang awm lova hliam tuar thin a,

Tute nge mit sen rem rum thin le?

Zu hmuna awm reng thinte, Zu chawhpawlh in thinte an ni.

Uain a sen kak laiin en suh, Nova a zia a lan lai te,

A luan thlak zaih zaih lai tein;

A tawpah chuan rul angin a chu a,

Rul tur tha mi angin mi a chu thin.

I mitin thil mak takte a hmu ang a,

I thinlungin thu chaltlai takte a chhak chhuak ang a.

A ni, mi tuifinriat lai taka mu ang emaw,

Lawng puanzarna chhipa mu ang emaw i ni ang.

Min vua a, a na si lo, min vel a, ka hre lo,

Engtikah nge ka lo harh ang aw?

Kan in leh bawk thin ang,” i ti ang.

Thuf. 23: 29-35.

Tahan-ah Chapchar Kut Dawn

Ka ngaihtuahnain Han khawpui leh a chhehvel a hrut kual a. Tun ang hunah hian engtin nge khitilaia kan mipuite khian hun an hman ve ang aw? Hei hi zawhna atthlak tak a ni mai thei e, a chhan chu Chapchar Kut an hmang dawn a, mi zawng zawngin an nghakhlel em em vek si a. Chungmu iangin len thiam ve ila chuan kan chenna mual za pui kar dan atang hian thlawkin ka fang ve anga, kan sumtual leh kan vangkhua liailuaiah chuan ka tum ri ve chhak chhak tur a nia. Tichuan Tahan bazar thil man (rate) te pawh ka zawt chhuak vek anga, tun lai Economic crisis hian tuibur zuar tute thlengin a lo tibuai teh reng emaw chu.

March thla a lo her chhuah meuh hi chuan Han khawpui leh a chheh vel boruak pawh engemaw ti tak chuan a nawm lai tak a nih thin kha maw. He tih hunah hi chuan zan lam boruak a la nuam em em a, tlangval awl thawng deuhte tan pawh zan lama nula rim a nawm hun lai tak a ni a. Chhun lamah erawh thinghlim hnuai a awm a nuam tan a, thal thli pawh a rawn thaw vuk vuk thin a, kang mei lamah pawh fimkhur a ngai tan a, mei sipai lam pawhin uniform thar an dawn hun leh an intuai thar leh hun a ni. April thla atang chuan khawlaiah kal chunga meizial zuk an khap leh ngeiin a rinawm. Chhun lamah nula ho vin thiante nen thei thur an bawl a. Thlasik chat a lo reh tawh a, nula ho tan pawh inchei nalh a awlsam hun lai tak a ni awm e.

Zirlai naupang lam zawng zawngin exam an zo tawh a, hun thawl zalen taka an hman hun a ni a, khawtlang pawh kan thawmvang a tha ang reng hle thin a nih kha. Naupang sunday school lamin inkhawmpui atan tan an lak hun a ni a, vengtin biak in tinah naupang chang zir thawm a ri leh sup sup a. Inkhawmpui kawrmawi an neih tharte chuan an chang zir a tiphur leh zual a. Amah erawh chu pawl 10 exam chhang turte tan chuan an beihngawrh hun lai kha a ni thin a. Tution kalin thiante nen exama chhuak tur an inrin siak hun lai a ni a, tun hma deuh kha chuan exam-naah entawn kha a lar em em a, pawl 10 exam turte khan lehkha chhiar lam ai mahin entawn tur buaipui khan zan rei tak tak thleng an meng fo zawk a. Kuminah chuan exam hall an luh hmain zirlaite chu an kekawrte thlenga check vek tur tih a ni a, chuvangin a awlsam zawk nan pawl 10 exam turte chu kekawrte ha lo va exam theuh tur tih a ni.

Tunah tak hi chuan Tahan-ah chuan ti ti dang a leng theiin ka ring lo, engvang maw? Ele, Chapchar Kut maw le. Ni 25-27-a Chapchar Kut hmang turin vengtinin hnam lam an zir mup mup ngei ang a. Inchai chak zawnna tur chuan mipui rilru a ti phawk lek zo vek awm si a. Pu Zarlawma hovin khawlaiah sakawr tawlailirin Chapchar Kut ropui taka hman a nih tur thu leh kawl phai zofate zingah inchai chak zawnna a awm dawn tiin mi zawng zawng sawm kan nih thu an rawn au leh dum dum ang a. Boxing erawh kumin chu an ti tel thei dawn lo niin ka lo hria a, ka thu hriat hi dik tak maw. Chapchar Kuta zai thiam tak tak zai tur te chu tute nge ni dawn? T. Melody hi an rawn haw hman dawn em? Nge hrang hlui ho Zodi leh vulmawi an che dawn em ni zawk? Aw... Tahan-a ka awm lo chu aw inchhir ngawt theih lah a ni bawk si lo. Ka mizo kawr ka ha anga, ngotekherh ka veng anga, Lalawithangpa iang zo lo mah ila chawmkhuang benga lam han thai ve a va han chakawm ve le. A nih loh leh Chhawnghnawh te hi a awm ve dawn em le? Kan thangthar zingah hian Chhawnhnawh tih hming hrim hrim pawh hre lo an awm nualin ka ring tlat pek a nih chu maw le. A chhan chu thangtharte zingah a lar lo em a lawm. Hmm.. a hmuna awm lo na na na chuan zawhna a pui ka va ngah tak em!!

Hetianga Tahan leh a chhehvel khaw mipuite ko khawm tur hian thil awl ai tak chu a ni lo va. Mizoram te angin sorkarin Chapchar Kut buatsaihna tur hian sorkar atang tanpuina emaw, art and culture atang emaw NGO (YMA) atang te sum hmuhna tur a awm ve si lo. Chuti a hnehin sorkar thu neitute tih lawmna tur a ngai zawk thin si a. Pa tlawmngai leh hnam tana mi thahnem ngaite a zarah ropui takin he chapchar kut hi an puitlin ngei theih nan keini pawhin kan awm hmun atangin i tawngtai pui ve ang u hmiang. He chapchar kutah hian Huivalenthiam group pawh theih ang tawkin tel ve kan tum nghe nghea a lawmawm tak zet a ni.

Khi kalay, kabaw phai kuam khi kei ka tan chuan Paris leh Manila khawpui te aia ka suihlung lentu a va ni tak em! Chutiang bawkin ka suihlunglen hnemtu pawh a ni. Heng khawpui ropui tak taka hmel fai tak takte car tlawh rum ri leh restaurant-a chawhmeh tui, man to tak tak te ai chuan Tahan bazara phuihnam tel khat khan ka lung a len tlat zawk pek si a. Anhling tlak hawp tur a awm leh tan tawh ngei awm si a, hm.. hetiang thil sual hi enga ti maw ka ngaihtuah fo chu le, ka tan chuan hetiang ngaihtuah ringawt pawh thilsual nasa tak ti ang mai ka ni. Ka suihlunglen a ti zual a, ka ei chak a, hetah ei tur a awm bawk si lo.

Chapchar Kut ka hmang ve pha lo va, Tahan bazar-a thlai hnah tui tak tak ka ei pha bawk si lo. Kalay, kabaw vel chanchin hrim hrim hriat chaka tui hal te tan thil man (rate) vel mai mai pawh hi hriat tur a awm lawm ni le tiin ka han dap a, he tah hi beiseibo blog-ah Tahan thil man (rate) nikum October thla ami a awm e, tunah chuan enge maw chen chu a danglam leh tawh ngei mai thei.(a indawt dan alphabetically in ka rawn rem tha a).

Alu bukkhat - Ks.600

Arsa leh Sangha bukkhat K.4000

Artui pumkhat K.110

Badam hriak (Pesi) bukkhat K.4200

Banhla thlar (phichian) K.300

Bawnghnute nokhat K.300

Bawngsa bukkhat K.6000

Bike (Jialing) pakhatah K.Nuai 7(Laisen awm)

Buhfai pyi khat (Iyamin) K.900

Chi funkhat (tical 35 vel) K.400

Chini bukkhat K.800
E-lan sahbawnphut(200g) funkhat K.300
Hmarcha phut no khat K.500

India cheng 100 = Ks 2600

Jumbo thosi hlo box khat K.350
Kabawleih tlawnkhat K.500
Kalape bukkhat K.1300

Kurtai bukkhat K.1200.

Kuva khawr 4, K.100

Lisa Hasiai lian burkhat K.400
London sirek burkhat K.1000
Meizialte telkhata 5 awm K.50

Munghingka (chau) a toh puai khat K.300
Pesen (be) pyi khat K.900
Petrol (Diesel) um khat K.1000

Sahbawn rimtui(Family Care) a lian pakhatah K.450

Sanpiauh puai khat K.200

Tahan atanga Kawlpui (mel 3) Taxi fair mipakhatah K.500
Tahan atanga Khampat (mel 45) Bus chuan man mi pakhatah K.1500

Tahan atanga letpanchaung Bus fair K.500, Bike-in 1000

Thidamna (SHE, E-va, comfit) funkhat K.400
Thingpui nokhat K.200

Thirsakhawr (Hero) pakhatah K.100000

Thirsakawr 9Panbein) pakhatah K.250000

Thlalak pakhat tlan man K.500

Vawksa bukkhat K.5000
Vegas Sirek burkhat K.500
Zana mei eng (private current) lak man (feet 2 bulb) thlakhatah K.3000
Zikhlum bukkhat K.300.

French Spiderman: Alain Robert

He pa hi pa maksak tak zawng a ni e. A kut tang leh ban tha a chak hle a, a taksa balance a pe thiam hle. Building sang tak takah kut lawngin a lawn a, hrui emaw invenna emaw pawh awm lovin a hel nuai tawp mai hi ti a tiza lehzual. Hetianga building sang tak mai han lawn chu mawng a za duhin lu a hai duh ngawtin a rinawm, keini ang thisuk nei lem lo tan pawh hnuai lam en chhuk chuan kan mur er er theiin a rinawm. Stool chungah ringawt pawh kan ding sai ngawr ngawr zel mai si a lol!

Amazing Pics

CHHAWNGHNAWH

Ka article hmasaa ka tarlan tawh angin Chhawnghnawh mawlh mai khi ka ngai urhsunin ka hmang chak ve em em a. Kan zonunmawi inzirtirna atan leh hrilhfiahna atan chapchar kut apiangin hman thin ni tawh sela tha hlein ka ring. Chhawnghnawh dawn a piangin Mizote chu hetiang hian induhsaktawn takin, a thlum a al ei zain, sem sem dam dam, ei bil thi thi tiin, a te ber atang a lian ber thlengin lungrual takin kan lo khawsa ho thin a ni, tiin thangthar zel te hrilhfiahna tha tak a ni ang a, sawia ngaihthlak ngawt aiin hetianga a taka han hman ve ngei chu a mi deh dan pawh a ril duhin hriatfiah a awlsam a, theihnghilh a har tawh thin a ni. Naupang tan phei chuan tawng upa nena hrilhfiaha sawi teuh aiin hetianga a taka an tih hian an tan hriatfiah a awlsamin an nunah pawh a bet zawk thin a ni.

Kum za tam a vei hnuah khawvel changkanna leh western nunphungin tun anga min fan hneh zual zel chuan kan zonun hi thingtlang kil khawr te teah chuan hmuh tur a la awm ve zeuh zeuh a ni kan tih hun te pawh lo la thleng thei a. Thangthar zel te hnenah Zonunmawi hrilh fiah nan word (thumal an hriatfiah theih tur) hman tur tak ngial pawh haihchham hun a lo la thleng thei a, mahse chutiang hun a lo thleng a nih pawhin he Chhawnghnawh hi Kut nia hlim taka hman a nih tikah chu chuan nasa takin Zonunmawi chu enge a nih hriatfiah thiamna leh vawn nunna kawngah hna a thawk anga, hnamah inlungrualna min neihtir lehtu a ni thei ang.

Tlawmngaihna kan tih te, Zonunmawia bet kan nun dan chi hrang hrang kan ngaisang tlang a, value kan pek tlan vek a vang hian hnamah lungrualna pawh kan nei a ni. Kan hnam a zatve dawn lai mai hian tlawmngaihna hi a ho tiin engngah mah ngai lo sela, kan lungrualna chu enge maw chen a chhia tihna a ni nghal ang. Kan tlang kan ram, kan mi kan sa te hian kan zonunmawi hi kan kal san thui poh leh kan kehchhiatna vangkhua a zau ting mai dawn a ni.

Hlemhletna leh sualna chi hrang hrang, kohamna te hian kan zonunmawi an hliahkhuh meka, hengte hi zonunmawiin a lehthal tikah kan ram chu a par vul leh ang. Ram ka hmangaih a ni tih sawi kur vak a ngai lo va, ka nunah zonunmawi lantirin a ram mi leh sa te ka en dan leh an chunga ka thil tih dan chuan ring takin thu a sawi tawh zawk ang. Sap, kawl vai-a piang kan nih loh avangin kan hnam tana Pathian min pek Zonunmawi hi kan ram leh mizote tan lungrualna tlanga min dintirtu leh hnam anga kan dinchhuahna tura min phuarkhawmtu pawh a ni.

Khawvel ram changkang zawk leh mifing tak takte bulah kan inzar pharhin kan khawsakna ram pawh a darhsarh tial tial a, changkang zawk leh fing zawka kan ngaihte nunphung leh tih dan chuan awlsam takin min influence thei a, amahni kan ngaihsan miau si chuan. Kan ram, kan khuaa zonunmawi tak thin pawh kha chung ho bulah chuan a lo mawi zo ta meuh lova hriatna mitdel tak mai chuan min bawh buai thei bawk. Tlawmngaihna te chu atthlak riauva hriatna leh “thu khuh” mawi taka kan hman thin te chu insitnaah min chantirtu mai a lo nih chuan, ka mizo pui dangte ka lungrualpui thei lo tan a, kan zonunmawi pawh chu ka ngaihlu lo tan a, ka chipuite nena lungrualna ka hlauh tan a lo ni ang. Ka zo identity pakhat chu kawngsirah ka khuihlet mai mai tihna a ni a. Mi tuin emaw chu ka identity kawngsira mi chu an rawn hmuh tikah choak arawn inbel tum kha tu nge ni tih zawhna chu thinlung chhungrilah a ri nawn ut ut tawh ang.

Zonunmawi tlawmngaihna hi a te ber atang a lian ber thlengin kan ngaihsan tlan dial dial theih nan, “Chhawnghnawh” te hi a takin hmang ho dial dial thin ila, kut tihlimawmtu a lo ni bawk anga. Kan hman a piangin kan zonunmawi tak kha rilruah a thar reng thin dawn a ni.

Tum khat chu heta ka zirpui Korean ho nen ministry kan nei ho va. Tichuan kan Korean thian pakhat inah chaw kan ei hova. Tah chuan, chaw kang (chaw kan chhuma a mawng ut) hi tuisik nen an chawm a, urhsun takin an ei ta a, mak ka ti ang reng hle a, an hmel ka en a, an thil ei chuan an nunah awmzia thuk tak a nei tih hai rual a ni lo. Tichuan ka zawt fiah ta a.

Hmanah, an ram harsat lai tak tak chuan an rethei em em a, eitur mumal pawh nei lovin hetiang hian chaw kang hi an lo ei thin tiin min hrilh a. Thangthar ho chuan chutiang retheihna chu experience lo mah se, an nu leh pa, an pi leh pute retheihna leh tumruhna chu a hriat chhuahtir a, an tan chuan kawng tin renga fuihtu tha tak atan an hmang hi a lo ni reng mai a.

Thal Favang Kut

Chapchar Kut kan hmang zo chiah a, he hla hian ka lunglen a tizual fo. Lalnunmawia hla hi kum 1986-7 vel bawr khan ka ngaithla nasa ve thin hle a. Mizo mipa zaithiam ka tih berte zing ami a ni a. A aw pek a ulukin a thiam ka ti thin hle a ni. He ka hla ngaihthlak chak em em ka hmuhna hi netraja.org a ni a, credit pek a phu hlein ka hria, hla tha tak tak mp3-a ngaihthlak mai theih tur a lo post nual mai hi keini ang pa lungleng thei deuh tan chuan a manhla tak zet a ni tiin ka han tarlang hluai a ni e.

Chapchar Kut Vs Khawthlang kohhran

He thu ziak hi chhinchhiah tlak tak nia ka hriat avangin ka blog-ah hian ka suan lut a, Kut hman dan chungchangah hian kan ngaihdan a in ang lo hle tih a hriat theih a. A thenin Mizo thil hlui entirna (exhibition show) ang vel leka ngai an awm laiin, tun hma mizo pipute hman dan zulzuia hmang duh pawh an tam tho. Khawthlang kohhranin kan culture pawlh dal riauva hriain, Pathian hi kan culture nen kan be ve tur a ni an ti. Kohhran lam atanga teh chuan 'Zu' hi issue lian tak a tling si a ni.

emizoram dot com a mi a ngai ngaiin ka rawn chhawp chhuak e.

Aizawl: Kum 2009 March ni 13 a ni a, Kristian sakhaw lo luh atanga kum za chuang fe a ni tawh. AR Lammual-ah chuan Mizo nuna bet Chapchar Kut chu sawrkar ruahmannain hman a ni. Chu Kutah chuan Mizo nunhlui lemchan a ni. A takin Mizo nun hlui leh culture-te chu a awm thei tawh lo niin a lang, thupuiah pawh, "Chapchar Kut Lal Isua nen," tih a ni, chu chu art&culture minister leh Kut thlengtu PC Zoram Sangliana tawngkam a ni.

Mizo pi leh pute huna kut hlimawm Chapchar Kut-ah hian khawthlang kohhran, Kristian rinna a lo luh hma chuan hun rei tak ata tawh an lo chin chhoh dan leh tha nia an hriat danin he kut hi an lawm thin. Kum 1984 hnu lama Mizorama Kristian sakhua a lo luh hnuah erawh Mizo pi leh pute lo chin ve thin, Mizo nuna bet tlatte chuan hmun an chang lo chho ta chho tial tial a, Mizo culture tia sawi theih, kum za tam Mizo nun nena inhne riala lo kalchho chu khawthlang(western) nunin a thlak chho ta zel a, Kut leh Mizo thil hluite chu khawthlang sakhaw nunin a phuar chho a, mi thenkhat chuan "culture pawlhdaltu" ti hiala khawthlang sakhaw rawn lut chu an sawi hial thin.

“Mipui kan thu thuapa a tawpah rei lo te kan chai a, nileng khan show kan thlir a ni ber mai. Kut kan chhim chu a ni meuh emawn chu le, mipui tan kha chuan…” tiin Chapchar Kut AR Lammuala entu pakhat chuan a sawi a, hetih lai hian, “A hmuhnawm a, Chapchar Kut pawh ti kher lo ila, Mizo thil hlui entirna Kut ti mai ila,” tiin a tel ve dang pakhat chuan a sawi thung.

Aizawl atanga hla lo te, Sialsuk khuaah chuan Chapchar Kut hi hman a ni a, AR Lammuala hman dan nen erawh a inang lo thung. Anni chuan zu chu ‘hnam thingpui’ tiin an sawi mai a, a duhin an in a, a duh lo chuan an in lo mai niin Aizawl atanga he hun va chhimtu journalist pakhat chuan a sawi.

Heti chung hian tunhmaa Mizo Chapchar Kut hman dan nghilh theilo rawn fehchhuakhi Lammual-ah hian an awm tho a, nu pakhat chuan iptepui rawn ak chhuakin a ipte chhungah zufang a rawn ak a, kum upaho thutna lamah kalin upaho thenkhat a tulh a, hei hian lawm a hlawh hle, a in duh lo awmte pawh an kawrah a theh hram. He nu hian hei hi tun hmaa Chapchar Kuta chin thin a nih thu a sawi nghe nghe.

"An sakhaw rin danah chuan Pathian hi kan culture nen kan ve tur a ni, sap tih dana biak kher a tul lo, chu chu hnam fing tih dan a ni," tih hi a ni tiin journalist chuan a sawi a.

Nimin nileng khan Thiangzau kohhran chuan in lian tawk tak pakhatah Chapchar Kut hi an hmang a, nilengin an lam a, "chheihlam leh Mizo lam chi hrang hrang nen an nileng a ni ber mai," tiin thudawnna chuan a sawi a, Kut thlengtu inah hian tlai lamah ruai an theh nghal a, Aizawl lam atangin journalist thahnem tawk tak leh Aizawl pa rawn tak takin he Kut hi an va chhim ve nghe nghe.

"Lal Isua khan sacrament kha kan zingah rawn sem se la chuan khawthlang wine kher a sem lo ang, rakzu a sem mai ang," tih hi an ngaihdan a ni. Samlukhai atangte leh a chhehvel khua atangtein he Kut hi an chhim a, an kohhran member zat chiah hi an inchhiar thei lo a, an ngaihdan pawmtute an member an ni vek lo pawh a ni mai thei.

Kum hmasa lamah khan Aizawl sa zuarten an sa zawrhna hmunah Chapchar Kut hi ruai nen an lo hmang tawh a, hetiang chiah hian kuminah pawh hian Mizoram hmun hrang hrangah kut hman a ni. |awngkam tualleng tak pakhat chu "Kut sa" tih leh "Kut Zu" tih hi a ni.

"A bila hmang an tam a, thianzaho leh eizawnna inangin intelkhawmte chuan hmun hrang hrangah he Kut hi an hmang a, chheihlam leh sawrkar khap in chite nen an hmang ber, chu chu Mizo nuna bet tlat nia ngaih a ni si a," tiin journalist pakhat a hming tarlan rem lo chuan Evening Post a hrilh bawk.

Mizoram Chapchar Kut 2009

Vawiin march ni 13 hian Mizo ten kut kan neih zinga Ropui ber Chapchar Kut 2009 lawmna hun chu Aizawl sipai lammualah a pui a pangin ropui taka lawm a ni a, Pu PC Zoramsangliana Art & Culture Minister chu Kut thlengtu a ni a, Chief Minister Pu Lalthanhawla chu Kut Pa a ni.

Mizoram larsap MM Lakher chuan, Kumina Chapchar Kut kan hman hian mitinte hnenah remna, hmangaihna leh in unauna thlen se ka duh a. Hnam lam leh rimawi kan phochhuahte hian kan nihna ze ril mahni inphatna te, ram tana inpekna leh tlawmngaihna thangthar nunah tuh thar se, a ti.

Chapchar Kut lawmna hun hi chawhma dar 11 atanga tan a ni a, Pu PC Zoramsangliana Art & Culture Minister chuan Chapchar Kut lawm tura kalkhawm te chu hun hlimawm tak hmang turin duhsakna a hlan a, a bik takin ram pawn lam atanga he hun rawn hmangtute chu an lo lawm tak zet tih a sawi bawk. Kan culture vawnnuna a awm hi a lawmawm hle a ni, a ti. Chapchar Kut Souvenir a tlangzarh bawk.

Rev.H.Lianngaia Vice chairman, MKHC chuan Pathian hnena inhlanna hunserh a hmang a, TNT zaipawl ten Haleluia Chorus thiam takin an rem a ni.

Central YMA president Pu JH zoremthanga chuan lungrual a pawimawh zia te, Chapchar Kut hi Mizo mipuite nasa zawka min phuar khawm tu ni se, a ti a. Mizoram pawn lam leh ram pawn lam atanga rawn chhimtute tih tak zetin an lo lawm tih a sawi bawk ani.

Kut Pa Pu Lalthanhawla Chief minister chuan mipuite chu Kut chibai bukin mahni culture zahpui lova a vawn nun kawnga hmalak hi Hnam changkang te tihdan a ni a, Mizo te tan pawh culture hi Malmak chi a ni lo a ni a ti. Kan Kristianna leh khawvel changkang chho zel mila kan Culture te her rem hi a tul hle a, hemi rual hian kan humhim erawh a tul hle a ni a ti. Thenawm ram leh State pawnlam atanga he hun Hlut tu zo hnahthlak te chungah lawmthu sawiin Kut hi mizo te ni ropui a nih avangin hman zuizel chi a ni a ti a, kut lawm tura kalkhawmte chu mahni awmna hmun theuh ah Full time in Kristian kan ni vek thei a ni tih hrilh in Item hrang hrang nei turte chu duhsakna a hlan a, inremtlang tak leh hlim taka hun hmang turin kalkhawmte chu a sawm nghal a ni.

Pu S.Hiato, tourism Minister chuan Chapchar Kut ah hian chhungkaw inrem lo te, Nupa kara buaina thlengin inrem taka awm tur tiin kan pi leh pu te chuan he hun hi an lo hmang thin a, Kut sa zawn ni hial an siam thin a, Kut kan lawmna ah hian kan nungchang leh awmdan te chu Khualzin te hip thei tur ang bera mawi taka kan hman a tul a ni a ti.

Chapchar Kut lawmna hun ah hian Item chi hrang hrang 35 lai neih niin YMA Bracnh 72 in a ruala cheraw an kan te, TNT Zaipawl ten haleluia Chorus an rem te, YMA Branch 33 in Chawnglaizawn an entir te, Kut lawma kal zawng zawng te a huhova chheihlam leh chhawnghnawh te chuan Kut lawma kal te a ti hlim leh zual a, group zai, malzai leh lemchan bak ah zaipawl thahnem tak an zai bawk a ni.

Thulakna: Buannel a mi leh emizoram a mi ka rawn edit nil nela, pic khi chu lawrkhawm a mi a ni.

* Ka rilrua ka ngaihpawimawh leh tel ve min tichaktu Chhawnghnawh an hmang tel thei tih ka hriatin lawmawm ka ti hle a ni.

EVER SEEN A WATER BRIDGE?

This is a channel-bridge over the River Elbe and joins the former East and West Germany, as part of the unification project. It is located in the city of Magdeburg, near Berlin. The photo was taken on the day of inauguration.
Plans for joining the two canals had been conceived as far back as 1919, and construction on such a project began during the 1930s, but first world war II and then the post division of Germany put the project on hold until after German reunification was achieved in the 1990s.

7 reasons the world will end in 2012

A dik emaw dik lo emaw hriat ve mai maiah kan post ve reng reng ang e.

Scientific experts from around the world are genuinely predicting
that three years from now, all life on Earth could well
finish.Some are saying it'll be humans that set it off. Others
believe that a natural phenomenon will be the cause. And the
religious folks are saying it'll be God himself who presses the
stop button...

1. Mayan Calendar

The first mob to predict 2012 as the end of the world were the
Mayans, a bloodthirsty race that were good at two things:
Building highly accurate astrological equipment out of stone and
Sacrificing Virgins.

Thousands of years ago they managed to calculate the length of
the lunar moon as 329.53020 days, only 34 seconds out. The Mayan
calendar predicts that the Earth will end on December 21, 2012.
Given that they were pretty close to the mark with the lunar
cycle, it's likely they've got the end of the world right as
well.

2. Sun Storms

Solar experts from around the world monitoring the sun have made
a startling discovery: our sun is in a bit of strife. The energy
output of the sun is, like most things in nature, cyclic, and
it's supposed to be in the middle of a period of relative
stability. However, recent solar storms have been bombarding the
Earth with so much radiation energy, it's been knocking out power
grids and destroying satellites. This activity is predicted to
get worse, and calculations suggest it'll reach its deadly peak
sometime in 2012


3. The Atom Smasher
Scientists in Europe have been building the world's largest
particle accelerator. Basically its a 27km tunnel designed to
smash atoms together to find out what makes the Universe tick.
However, the mega-gadget has caused serious concern, with some
scientists suggesting that it's properly even a bad idea to turn
it on in the first place. They're predicting all manner of
deadly results, including mini black holes. So when this machine
is fired up for its first serious experiment in 2012, the world
could be crushed into a super-dense blob the size of a
basketball.


4. The Bible says...

If having scientists warning us about the end of the world isn't
bad enough,religious folks are getting in on the act aswell.
Interpretations of the Christian Bible reveal that the date for
Armageddon, the final battle between Good an Evil, has been set
down for 2012. The I Ching, also known as the Chinese book of
Changes, says the same thing, as do various sections of the Hindu
teachings..


5. Super Volcano

Yellowstone National Park in the United States is famous for its
thermal springs and Old Faithful geyser. The reason for this is
simple - it's sitting on top of the world's biggest volcano, and
geological experts are beginning to get nervous sweats. The
Yellowstone volcano has a pattern of erupting every 650,000 years
or so, and we're many years overdue for an explosion that will
fill the atmosphere with ash, blocking the sun and plunging the
Earth into a frozen winter that could last up to 15,000 years.
The pressure under the Yellowstone is building steadily, and
geologists have set 2012 as a likely date for the big bang.


6. The Physicists


This one's case of bog-simple maths mathematics. Physicists at
Berekely Uni have been crunching the numbers. and they've
determined that the Earth is well overdue for a major
catastrophic event. Even worse, they're claiming their
calculations prove, that we're all going to die, very soon -
while also saying their prediction comes with a certainty of 99
percent- and 2012 just happens to be the best guess as to when it
occurs.


7. Slip-Slop-Slap- BANG!

We all know the Earth is surrounded by a magnetic field that
sheilds us from most of the sun's radiation. What you might not
know is that the magnetic poles we call north and south have a
nasty habit of swapping places every 750,000 years or so - and
right now we're about 30,000 years overdue. Scientists have noted
that the poles are drifting apart roughly 20-30kms each year,
much faster than ever before, which points to a pole-shift being
right around the corner. While the pole shift is underway, the
magnetic field is disrupted and will eventually disappear,
sometimes for up to 100 years. The result is enough UV outdoors
to crisp your skin in seconds, killing everything it touches

Chapchar Kut: Ngaihven Hlawh

Zofate Kut ropui:
Zofate chenna hmun tinah Chapchar Kut hman dan tur hian ngaihven a hlawh hle. Zofate kut pui "Chapchar Kut" hmang turin T.Melody pawh Aizawlah an liam thla. Aizawl Chapchar kutah hian "Chhawnghnawt" te pawh a awm dawn niin an sawi. Ka la experience loh thil a ni a, tel ve theih a chakawm hle mai. Artui chhum hmin sa keng teuh ila, duhberte kha han barh ila, chuan kan celebrities ho te leh bul hnai a mite kha han barh kual leh i la, hlimawm dawn riau vin ka hria. Mizote chu a thlum a al ei za, anhnah kan inthar tema, chingal saum, bai kan insuahtawn thin a, chhuanchham kan intanpui tawn thin a, sem sem dam dam, ei bil thi thi kan lo nunpui thin a ni tih lantir nan hmang ila, thangthar ten chu chu he Chapchar Kutah hian atakin experience ve sela, hun rei lo te mah nise, zonunmawi ngaihhlutna kha thangthar lo awm leh zelte nunah chhawm nunin a awm reng ang. He program hi an tipuitling a nih chuan nula tlangval ho chuan nuam an ti ngawt ang le. Kan minister ho leh patling ho hlei hleiin a ruk takin nuam an tih ka ring bawk.

Tahan-ah March ni 25-27 hian Kut an hmang dawn a. Tahan veng hrang hrang leh a chhehvel khua atang Hnam lam chi hrang hrang entir a ni ang. Inchai chak zawnna palian, palaihawl, pate neih a ni dawn. Zaithiam tak tak sawm an ni bawk.
Tahan-ah hian Chapchar kut hi ni 3 chhung kan hmang thin a. Tahan phai zawlah hian lo lam eizawnna chu lei let hi a ni mai a, chap hal tur pawh kan nei ve ngai lo. Mahse chapchar kut hi uar takin ni 3 chhung ngawt kan hmang thin a. Kan culture, hnam lam, leh nunphung vawn himna leh thang thar zelte hnenah pholanna hun pawimawh tak mai a ni. Kan naupan velai chuan Tahan 'B' group field-ah ropui taka hman thin a ni a. Kalay Kabaw phaia zo hnahthlak zawng zawngte tan ni ropui eltiang a tling a ni.
Chhunah infiamna chi hrang hranga hun hman thin a ni a. Inchai, inbuan, thirtiang khawh, lung den, in zuan siak te. Zan lamah chuan zai thiam tak tak zai leh hnam lam entir thin a ni a. Ka hriat ve phak chinah chuan Zodi ho khan music lam mawhphurhna hi chu an la deuh ber.

Chapchar kut hi en man awm a ni thin a, organizer ten dapin an hung phui vek a, naupang leh puitling ticket man pawh an tihrang thlap a, enman erawh a to vak ngai lo. Chapchar kut lo thleng tur hi kan ur lawk nasa ve thei hle, hemi nia hman atan pawisa pawh kan lo khawl ve sa thin a. intihsiakna tel tur ten a hma atangin an lo inbuatsaih bawk a, hnam lam zir thawm veng tinah hriat tur a awm, inchai te pawh an zir nasa thin hle. Tlangsiama te, Chalchungnunga te, Kawlthangvuta te rawn lar chhohna pawh chapchar kut hi a ni. Talent nei tha te tan inhmanna hun tha tak a ni.

Vawiin ni thlenga kan la hman chhunzawm kan mizo Kut ropui chu he Chapchar Kut chiah hi a ni a. A pui a pang, a tar a zurin kan hlimpui em em thin a. Tahan-ah chuan hetiang reng renga kut (fest) ropui hi eng hnam mahin an huaihawt ngai lo, a ropui ber a ni thin. Naupanga thu chang; field sir tluan chhuak khan eiin dawr chi hrang hrang a awm a, thil han ei vel kha nuam ka ti ve thei khawp mai. Carnival-a an tih thin angin Ball vawm te, hupthuk te leh a dang dang pawisa nena infiamna pawh a awm thin. Mipui hi kan zi mup mup reng mai a ni.

Hun a lo kal zel a, vanduai thlak takin eng eng emaw avangin late 1980's (a kum chiah hi ka hre ta lo) vel atang khan sorkar-in kan kut pui ber Chapchar kut chu hman min phal sak ta lo va. Aizawl-ah ka awm tawh a vangin thil kal zel hi ka hre ta lo.
1970's chho vel hi chuan Tahan-ah hian pawi pawh nise, dawn pawh nise tedim pawh nise Mizotawng vek kan hmang a. Tahan bazarah leh inkawmna velah te mizotawng hi an hre vek tih theih a ni. Tlawmngaihna nunah pawh nasa takin kan Chin unau dangte hian min entawn a, kan lak atangin an inzir nasa hle a ni.

Mahse hun a lo kal zel a, Tahan pawh a lo thang lian deuh deuha khawte lam a tang mi thar an lo pem lut zel a. Kawlphaia Mizote khawpui Tahan atang chuan mizo te min um chhuah duhtu an lo lian ta hial a. Chung mite chuan thu fahrah te te kan pipu te tawngkauchheh an rilru tinatu then khat la chhuakin an mi leh sa te an fuihpawrh a. Ro hran rel an duh a, lalna chan an duh a, an tawng vawrh lar an duh a, hmana mahni in chhungah pawh mizo tawng hlir hmang thin khan an thiam ta tlat lo mai a. Tute pawh hian mahni tawng vawn nun leh tihhmasawn hi kan duh theuh va hei hi thil tha tak pawh a ni. Mahse midang sawisel lo leh er kher lo hian tihhmasawn dan hi thiam sela tha tur a ni a.

Tichuan Tahan-a kan thalai pawl lian ber mai, kawl vai laka zofa tute pawh humhim thintu leh thalaite thlavang hauh thintu, tlawmngaihna chhawm nunga, thalai te chawkphur thintu, mi tlawmngai mi hming tha te hnenah chawimawina hlan thintu, hnam dang mi damdawiina thi buaipui ngai leh ruang zawn ngai te, thlan laih sak ngai te, thisen pek ngai leh tanpui ngaite a tul anga hma laksaktu, kawl vai tlangval laka kan nula te humhim thintu. Hnam lam, Lenkhawm zai, leh thu leh hla (debate) hmanga kan thalai nunah Zonunmawi tuh thin tu, Veng hrang hrang leh khaw hrang hrangte min huikhawm tu Tahan Central Thalai Pawl chu, thiat tumin sorkar lamah hma an rawn la ta ngei kha a ni a, hlawhtling thawkhatah chuan an inngai awm e. Mahse hnamtin hian mizia leh thisena bet nunphung leh thlir dan thuhmun hi kan nei thin a, mipui hian thil hi an hai vek bik lo va. Heng ho hian an duh dan tak phei chuan kawl phaia mizotawng hmangte hi Mizoram lama min hnawh thlak vek mai hi an duh a (MNF sulhnuah khan burma sorkar a lungawi lo bawk nen), Chin an ni ve lo, Mizoram mi (Indian) an ni an ti a. Tichuan heng neuh neuh avang hian kan hotute lam pawh Court kal fo a lo ngai ta kha a ni a. Kalay leh Kabaw valley hi kan luah ram ngei a ni tiin hum him hna thawkin kan hotute an tul em em a ni. Enge maw zawng taka ngaihtuah chuan Tahan vela zofate hi nekchepin kan awm bik emni chu aw.. Chin unau ten heti hian min ti a, Zoram lamah boruak enge maw a awmin hmer tel vek kan ni leh bawk a. Mahse keini mizo intite hian kan unau rilru te tak tak te hi hriat thiamna zau tak nen kuangkhuah thei turin kan kut kan phar renga, pa chan chang taka kan awm chhunzawm zel hi a pawimawh zel ang. Mawlna hi a reh tial tial anga, chibing in lak tetna hi hnawlin a awm chho zel ang. Kan sumdawnna leh kan hming thanna tur tihlen zel kan duh anga, u leh nau leh thian siam kan la thiam ve tulh tulh mai ang.

A sei ta hle mai, a tawi zawngin sawi mai ila.
Kan puipate thahnem ngaihnain kum 2006 khan Tahan-ah Chapchar Kut chu hmang leh turin hma an la a, mahse kan Falam unauten min thik tlat mai si a, sorkar hruaitu lawk te chu an lo va tlawn kual vel a, Chapchar Kut hman theih lohna turin. Kan hotute chuan chapchar kut an hman tum dan leh a chhan te, thiam takin sorkar miliante chu an va hrilhfiah ta a. Vannei thlak takin sorkar hotu lian khan a lo hre thiam khawp mai a, mahni culture vawn nun chu thil pawimawh tak a ni, kawlram hnam te nau zawng zawng hian ti thei sela kawl ram tan pawh thil hlu tak a ni, a lo ti ta hlauh mai a ni awm e. Tichuan tluang takin kan hmang chho ve leh thei ta a, kuminah pawh Tahan Mission Veng Centenary Hall-ah March 25-27 hian hman tur a ni a. Tin inchai chakna zawnna hi chu ni 23-26 zan hian EFC Hall-ah neih thin a ni ang. Kut tiak niah lawmman te sem a ni dawn a ni.

He ka thu ziak hi hnam inpumkhatna tichhe tur zawnga ziak ka ni lova, kan hun kal tawha kan ke pen dan a tleunate inenfiah nan hmang ila, zo hnahthlak kher lo pawh tute pawh hi unau vah leh thianah siam i zir zawk ang u.
I Kut ve dawn em?

NU KHAWNGAIHTHLAK

(Hei hi ka thuziak tawh zawng zawngah tha ka tih ber a ni ve a)
Hmanlai Judate sakhua serh leh sang danah chuanin thi chhuak chuan mi (bleeder) atithianghlim lova, thil thinghlim lo (unclean) chu khawih thianglo a ni nghal bawk (untouchable). Hei vang hi emawni dawn Samari mi tha tehkhin thu-a puithiam khan hliamtuarpa kha a bawisawm loh aw. Chutiang zelin phar te, ruangte hi unclean-a ngaih an ni. Lal Isua hun laia Juda nu ho zawng zawng kha hunbi nei a (thi neih or ' v ' ) thianghlim lo vek an ni (Num. 5:2, Lev. 12).

Juda te hi an sakhua hian an culture, leh social life te hi a tuam vek tih theih a ni a. An inzirtirna khauh tak avanga nun beidawng em em Juda nu khawngaihthlak tak chanchin a tang hian, an inzirtirnain an hmeichhiate dinhmun a nghawng zia leh chu an ngaihdan then khat chu keini mizo ten kan ngaih pawimawh lem si loh zia te, hnam hrang hrangin hmeichhe din hmun chung changah ngaihdan hrang kan neihte min ngaihtuah tir thei ang.

Tin mizo te hian hmeichhe dinhmun kan sawifiah dan leh endan te, kan hmeichhiate kan hnam dan a vanga an dinhmun kan tihnatna te a awm ve em? A awm ve a nih chuan chawisan an ngaihna lai tak tur pawh a ni thei ang. Kan Kristianna atangin Kristan engtin nge min zirtir? Juda ngaihdan kulmuk tak leh Thuthlung hlui zirtirna te kha a tha zawngin Isuan engtin nge a thlak danglam? Mizo ten hmeichhe chung changah Bible-in min zirtirna kan lo hriat dan hi siam rem ngai a awm ve em? Pian tirh ata mit del, piangsualte kha an chawh ngawih ngawih bik mai dawn ami? Hmeichhia nih vangin an Pathian tana rawngbawlna chu bithliah sak mai kan tum dawn em ni? Thil pek chi hrang hrang zingah thuhril theihna hi hmeichhiate tan pek ni ve lo turah kan ngai mai em ni le? Vanah chawimawina leh lawm mante chu dawng ve tlak lova ngaiin an rawngbawlna kan khap sak mai dawn em ni? Mi bawlhhlawhten chhandamna an beisei ve thei em? Chhandamna i chang tawh em? Heng a chunga zawhna te hre rengin han chhiar teh le.

He khawvelah hian hlimna leh lawmna te hi a tan beisei tur reng a awm tawh lo. A naupan laia a hlimna leh lawmna ten mual an liam sana, a tual chaipui a thian tha tak takte kha khawiah nge an awm tak? A thiante nen inkaihkuah dial diala an zai ho laite, an Juda dan an chham rual dial dial laite kha, a mittui titla tamtu, koh let theih tawh si loh an chang zo ta. Kutni vangthlaa thiante leh chhungte nen an inchibaia an inpawm vawng vawng laite kha a mitthlaah a cham reng thin. Aw-- a thian kawm ngaih thin em em a hmuh changte hian han kuaha, a harsatna, rilru hahna zawng zawng han hrilhte hi a chak thin a sin, mahse anni lahin a deh palh hlau niawm takin an en hrek hreka an kal bo san zel mai si. Mi a hluana mi awm nem leh dawrawm, hmeichhe nun nem te kha a nih vei nen, tawngtaite kha a ngainain an sakhaw hmun thlinghlim inkhawmnaa kal te kha nuam a tih ve thin teh reng nen maw. Khang hmun thianghlimte kha vawikhat tal chu a dam chhung hian kal leh theih a va han chak thin tak em!, mahse atan chutiang beisei chu beidawnna mai chauh a ni zawk si. A chhungte tan tak ngial pawh mi hnawksak mai niin a inhre tawh a. A hmeichhe puite chu hlimin an leng a sin... Engati bik nge??...Eng vang nge???....Engati nge Juda chhungkuaah a lo pian le???...

He hmeichhe khawngaihthlak tak Testimony hi i lo ngaithla teh ang u.

Mi ropui leh thil tithei te tan an nihna sawi chu thil chak awm tak a nih laiin, kei mibawlhhlawh leh hmeichhe khawngaihthlak hi i hnena han inpuan hi ka tan chuan thil zahthlak leh harsa tawpkhawk a ni. Kum 12 chhung zawng zahnaa min tuamtu, ka nun tibeidawnga khawhar taka min awmtirtu han puan chhuah chu a va harsa tak em!! Ka mite ngaiha khawih thiang lo mi tenawm min nihtirtu chu hei hi a ni, "Hmeichhe thi put reh thei lo ka nihna hi a ni" he thu sawi chhuah hi ka tan chuan a hlauhawm lutuk a sin, he khawvela ka hlimna leh lawmna ka nun zawng zawng channa tluk hial a ni. Khua ka hawi ngamlo, ka nun hi zahna kawnah a liam tak meuh meuh a ni. Ka duh vang reng pawh nilo va ka chunga thil thleng, he ka taksa natna hi ka nihna sawifiahna a lo ni ta; hri tha lo pai, khawtlang ensan, pawm theih loh leh hmangaih tlak loh, mi bawlhhlawh leh hnawl hnu ka lo ni ta. Ka tan hian beisei tur reng a awm lo. He natna khirh tak hi sual vanga ka chunga lo thleng angah min ngaihsak tlat bawk si. Ka tan chhandamna hi beisei ngam pawh a ni ve dawn em ni? Kan Juda sakhaw dana ser leh sang zo zai te hi kei mibawlhhlawh, nu rethei tan hian engtin nge ka tlin ve ang, hmun thianghlimah pawh ding tlak lo ka ni si. He khawvel zau takah hian ka mal ngawih ngawih a, mi te chuan min tiltip zo tawh si. Min deh chuan anni pawh an lo bawlhhlawh (unclean) dawn si a.

A tantirah chuan keipawh beiseina sang tak nen theihtawp chhuahin dam leh beiseiin Doctor pakhat pakhatin ka pana, kan venga nu thenkhat ten chu mi kha mi chu a ngeih an tih a piang ihhe lovin ka zawma. Thil tihharsa tak leh hlauhawm tak pawh nise dam leh beiseina zawng zawng nen theih tawp ka chhuah a ni. Ka natna avanga ka tuar dan hi i ngaihtuah ngai em? Ka sum leh bungrua neih zawng zawng ka khawhral tawh a. Ka thlarau nun tan beisei bo tak te, ka nun thlaler ang maia ro leh khawhar takte hi min ngaihtuah pui ngai em? He ka thi put reng a vanga thisen ka hloh nasat luat vanga ka taksa dawldang leh chau takte hi. Eng emaw i tih danglam theih tawh siloh mite hmusit phahna leh tenna i tawng tawh em? He khawvela i chipui neih chhun i hnampui ten, diriamna leh hmusitna nen enta che sela i hlim thei dawn em ni?

Hun a lo inhera, min hre chiangtute a piangin min hlat deuh deuha, ka thiante zawng zawng pawh chuan ka lam an hawi tawh ngai lo. Ral khat atang mittui tla zawih zawihin hlim taka an tualchai lai hi ka thlir thina. Kei chuan ka thiante hi ka thlahlel ngawih ngawih si a maw!! An bialpate nen hlim taka inkuaha an kal lai ka hmuh te hian.. kei hi tuin nge min kuah ve anga, tunge ka bialpa chu ni ve thei ang. Ka nausen laia min pawmtute khan engmah min tenna awm miah lovin min han pawm leh sela aw. Ka va han tuihal tak em. Nang chuan rilrua inthiam lohna leh suala inngaihna awm miah lo vin zalen takin i thiante banah kaiin an bulah hlim takin i hun i hmang thei a. Ka harsatna zawng zawng hriaa duat tak leh lainat taka min pawm vawng vawng theitu hi awm ve sela aw. Mite hnawl leh tenawm mai ka ni si. Engtiang khawpin nge mite kut ka khawih chaka, thiante kuah ka thlakhlelh, chutiang rilru rethei leh khawngaih thlak hi min hriat thiam pui lo vang ti raw? Kum 12 pumhlum beisei tur reng awm lo, rilru na, leh mite hmusita awm chu tuar chhung a va han rei duh tak em, ni khat pawh hi ka tan chuan a va han rei tak em!! Hmangaihna dawng lo leh suala ngaih ka ni si a.

Tuk khat chu bazaar lam panin nun beidawng tak leh chau taka lei lam biha ka kal laiin thian dun pahnih thusawi chuan ka beng a verh zawk mai a. Nu pakhat chuan "rinna thar nena thil mak titu chu Isua a ni," tih a sawia, pian tirh ata mitdel te, tin kebaite, beng ngawngte pawh a tih dam thu a han sawi chuan ka thin chu a phu dawt dawt mai a. Thil dang reng reng ka ngaihtuah thei tawh lo. Chu Isua chu tunge? keimah ngeiin hmuh ve ka tum ta a. A hnen ata thil titheihna mak tak chu dawn ve ngei ka tum ta tlat mai a ni. A puan hmawr chauh pawh dek ila ka dampui ka ring ta hial mai a ni. Mahse enge lo thleng dawn ka hre lo risk lak a ngai tak zet ta a ni. Tumah ka deh a thiang si lo. Mahse beiseina thar ka lo nei leh ta. Isua ka hmuh ni kha engtikah mah ka theihnghilh leh tawh lo vang. Kha mi nia ka chunga thil thleng kha a makin a va han ropui tak em!!! Ka nun zawng zawng chu sawi danglamin a lo awm ta.

Isua an sawi chu zirtirtu (rabbi) tiin an ko si a. Kei hmeichhe bawlhhlawh hian ka dai vaih chuan ani pawh chu thianghlim lo (unclean) ah ka siam dawn tihna a ni si a, engtin nge ka tih tak ang???. Kum 12 ka lo tuar tawha, dam reng pawh ka tan awm zia a awm tawh lo. Eng pawh nise a puan hmawr leia inhnuk chu a ruktein ka dek zeuh anga engmah a hre kher lo vang. Tichuan a hnen ata a thil tihtheihna chu ka dawn mial mahna.

Kei mibawlhhlawhin Rabbi ka khawi tih an hriat vaih chuan ... tumahin thiam min chantir lovanga, min deng hlum mai dawn em ni? Chu mai ni lo vin, chu mi tha tak pawh chu bawlhhlawhah ka siam tihna a ni dawn si a. Chu thil bawlhhlawh tak leh hawihhawm lo tak chu ka tih a ngai ta si, duhthlan tur ka nei lo a ni. Chutia ka han ngaihtuah chuan ka thil ruahmanna ringawt pawh chuan kei hmeichhe dawizep tak lung hi a tiphu dawt dawt mai si a.

Kha tiang reng rengin ka la hlau thawng ngai lo. A hun a lo thleng ta, a puan hmawr chu ka dek ta le…., a thiltihtheihna mak tak chu ka dawng ta, tihdam ka ni ta. A mak lutuk!! Ka thi a lo hul a, chakna thar mak taka thuam ka ni tih ka inhre nghal, mahse, mahse maw, Pathian hnenah lawm thu pawh ka sawi hmain Isua chu a rawn inher a, “Tunge ka puan dek?”tiin mipui zingah a rawn au chhuak ta!!! Awiii...ka rei, ka chhe zo ta, mu leh mal ka nei ta lo. Zam a vangin ka bing chuk chuka, ka hit mupin ka hria, ka hawi chhuak ngam lo, ka thil tih hawihhawm lo leh tenawm tak chu a hre ta si, engtin nge ka tih takang??? Ka chantur hi min dawn pui ve teh u. Tirilah ka khura, a hmel zahawm tak leh a bula mipui ho, thiam loh min chantirtu turte chu kei nu rethei hian ka hmachhawn ngam hlawl lo a ni. He natna a vang hian ka nun a chau va ka beidawn tawh teh reng nen tunah a ai zahna nasa zawkin min belh chhah leh ta si. Duhthlan tur ka nei ta lo, Isua hmaah chuan leiah ka bawk khup hnawka, Lal Isua mit leh mipui ho mit hmusitna leh diriamna mit meng chu ka en ngam hlawl lo a ni. Mittui tla zawih zawihin ka chanchin leh nun beidawn zia zawng zawng chu ka inpuanga, a mi ngaihdamna chu ka dil mawlh mawlh ta mai a ni. Tichuan a thin rim awka leh anchhia min lawh tur chu nghakin leia chuan ka bawkkhup ta reng a……

Mahse, mahse a mak lutuk!! Ka va han lawm tak em!! ka sawi chhuak thiam lo. Diriamna leh anchhia reng a ka atang ka dawng lo. Khawngaihna mitin min en a, “Ka fanu i rinna hi i dam pui a ni e, thlamuang takin kal tawh” min ti a, ka thu hriat chu ka ringhlel rum rum a, ka mumang mai emni tiin ka han insika, mahse a tak tak ani si. Chu mai a ni lo ka mittui pawh min hruk hul sak a sin. Isu, ka va han lawm tak em!! Ka natna avanga ka thih mek laiin i mi chhandamna chu kei nu khawngaihthlak tak hian ka lo dawng ve ta. Ka dam chhungin ka hre reng ang chea, i hming hi ka fak ning thei lo vang. Lal Isua hi kan Juda puithiam dangte nen an va inang lo tak em! Khawiah nge kan Juda sakhua serh leh sang dante kha? A bulah chuan tute pawh hi kan zalen a nih hi. Hmanah pawh khan Juda dana uirenu denhlum tur pawh kha a chhan chhuak tak a sin. Hmeichhia te hi min va lo hmangaih tak em. Pitar zangkul te pawh kha a khawiha a tidam tak a sin. Nawhchi zuarnu tan pawh Kristaah chuan hmun a awm zel, a thian tha tak a nih tira. Kan Juda sakhaw dan avang khan Puithiamte leh Pharisaite khan an haw reng a nih kha. Samari hmeichhia, nun khawhar tak mite tui chawirual pawha chawi ngam ve lo, Juda te tana biak thiang lo kha tui chhunchhuahah a biaa tunge a nih a hrilh a sin. Miten engahmaha an ngaih loh hmeithaite kha a chawimawi a, inkhawmna hmaah thawhlawm thawh tam berah a puang tak kha a nia. Nakinah chuan he lei kohhran hi van kohhran nen atakin kan la inzawm dawna, van kohhranah chuan inthliar hranna reng a awm silo. Van kohhran anna kawngah chuan thang lian deuh deuh turin inzirtir kan ngai a ni.

Chu a malsawmna thu ka hriat veleh chuan lawm a vangin ka zuanga, kawt thlerah chuan ka tlan kuala, tihdam ka nih thu chu ka tlang au puia, tumah sut tluk leh deh pawh ka tim tawh lo. Ka tan lawmna ni kawl a eng ve ta. Tunah chuan ka za len ta, thian thar ka kuah tur, vawn tur, hmangaihna ka sawi pui tur ka siam ve thei ta. Tunah chuan Temple-ah kalin Pathian biak honaah te pawh hlim takin ka tel thei ta. Tunah chuan naupang pawh ka pawm thei a, ka mi hmuh a piang mai chu chibai ka tuma. Hetianga ka nun inthlak thleng danglam takhi min hriat thiam pui thei angem le, ka lawm zia te hi. Kan Juda dan chhunga khawih thianglo, endawng kha engtin nge thlak thleng a lo nih tak? Aw kha mi ni kha ka mitthlaah hian a cham reng thin. A hmangaihna mit menga zaidamna leh ka zalenna min puan saktu awka nem zai dam tak kha ka bengah hian a cham reng thin.

Nun khawhar beidawng leh tenawm, tuma ngaihsak loh kha, hlimna leh lawmna beiseina thar leh zalenna nen thlak thleng a lo ni ta. Thil tihtheihna leh hmangaihnaa khat Isua ka tawh chin a tang khan, a ti a.

(He thu hi kum 2007 kumtir tea ka ziak a ni a. A chunga paragraph 3-naa zawhna ka siam te saw he thu i chhiar atang hian lo chhang ve ta che. Puibawiha)

Mizoram leh HRW report thu nawi

Tunlai zofaten internet vela kan ti ti ber pakhat chu hmanni lawka Human Right Watch-in mizorama awm chin mite harsatna uar taka khawvel hriata a report-na kha a ni a. Hemi chungchangah hian dawn sawn dan chi hrang hrang awmin ka hmu a. Thenkhatin YMA hmalak dan tur chu thaw dep depin an thlir a, thenkhat an thinrim a. A thenin Dan leh dun fel tak nen zoram sorkarin hma la thin se an ti a. Thenkhatin dawta inpuhna an tih laiin thenkhat chuan dawt a ni vek bik lo an ti ve bawk a. Thenkhatin thawn let vek mai se, antih laiin thenkhatin misual te chuah hi hrem nise. Unau tiin kan ena awm dan tawk an thiam lo an tih laiin, ruihtheih thil leh pawngsual nena min chawkbuaitu unau tih tih pawh hi a har ti an awm bawk a. Kawl ram sorkar chhiat vangin unaute hnen kan pana nghapih min lo ti an tihlaiin Mizo pawh in inti ve hlei nem ti an awm bawk a. Chin mi thenkhat suahsual vang hian kawl phai mizo ten kan lo tawrh phah ve zel hi a na ka ti, ti an awm bawk a. Nangni chu chin in ni ve lo mizoramah haw ru min ti, ti an awm laiin mizo pawh chin vek tho an ni ti an awm bawk a. Lu zawng a hai a ni e. Mahse a laiah nunna tui a luanga inpumkhat leh zai rel turin mitam zawk chu min len mek a, mi ram khawpui pakhat mihring pawh zat lo kan ni si a.

Zo hnahthlak tute pawh hian mizoram riangte kan lung min lentu a ni vek mai hi sawi tam a ngai awm lo ve. A thu leh hla (literature)-in min awi tlei a, Zoram la thleng miah lo pawhin, Kan zo tlangram nuam; Aw zoram ka ngai em a che, zoram ngaih hla pawh lungleng vankaiin kan sa thei vek te hi thil mak ve tak chu a ni. Zofate Jerusalem a ni ti hial ila a fiah ve viau tho mai awm e. Mahse a thil thar chhuahte han en chuan India rama state pachhe ber te zing ami a ni si. Chawmhlawm state, silchar kawng a pin chuan buhfai man a sang nghal a, artui chenin kan la intodelh si lo. Burma lam atang vawk leh bawng tawlh luh a ni chung pawhin Inrin ni tukah vawksa duh lai lai lei tur kan inchan lo. Heti chung hian kil tin kil tang atangin kan pan khawm lawi bawk si.

Hmanah kum 1984 khan ka pa hian Zoram lamah let leha Aizawla awm hi a duh a, ka u te chu a va zinpui ta ngei a, mahse ka u mipa 2 te chuan pem chu an duh ta tlat lo mai a. Tahan phaizawl nawmna an pawh tawha, step lawn ringawt pawh hreawm ti tan chuan khitiang tlangramah ei zawn a har awm em mai tih mai awm pawh a ni reng a. Tun thleng hian Tahana pa awm thei ve deuh pangngai tan chuan tlangram Aizawla han awm chu an chak lem lo a ni, mizo nihna leh a ram zalenna tih mai loh phei hi chu han chakna chhan vak tur an van a ni. Ka u te hi phaizawla seilian an ni bawk a, tlangram Aizawl insak dan an hmuh khan a tawlh mai emaw, lirnghing vanga a chim mai te kha an hlau hle ni tur a ni. Silchar kawng a pin lahin nunphung a khailaka, eizawnna a secure lo em mai tiin Tahan phaizawl nuam tak leh khawsak awlsam tak a la ni bawk a, chhuahsan an duh ta lo va. Burma sorkar that leh hunte a la awm ve ngai a nih chuan, chuta tan chuan Tahan leh Khampat (kalay, kabaw valley) phai hi chheltaka lo luahlum hi nakin atan thil tha tak pawh a la ni ve zel ang chu.

Zoram thlifim thiang tak mai leh sik leh sa nuam tak mai te kha zoram ka chen chhunga nuam ka tih ber mai a ni a. Kum 1985 te kha chuan chanchin buah pawh pawngsual leh tual that thu hi chhiar tur tun ang hian a awm ve ngai lo va, nun a ral muang em em mai te leh tlawmngaihna par mawi tak te kha Zoram tinuamtu a ni. Mipuite zalenna leh Kristianna te kha a nuam a ni. Thil pakhat, keini kawl phai a mite tan chuan tawng sual palh kha kan hlau em em mai, keipawh hi ka inveng nasa ve thin hle, min nuih zat tur kha ka tuar duh bik si lo va. Chutichung chuan mahni tawng ngei mai hman theih chu a nuam a ni, mi zawng zawng hian nuam an tiin ka ring. Thlaihnah tharlam tak tak ei leh nunphung in ang diat diata inpumkhat tak maia nun ho te kha nuam tak chu a ni. Tunlai sualna chi hrang hrangte hi a awm ve lo tih tluk a ni a, a awm chang zeuh pawhin mi zawng zawng min barakhaiha, rilru leh thinlung a deh dan kha dang tak a ni. Tunah chuan tual thah, pawngsual, rukruk kan hre chamchi ta mai a, makah pawh a kal tawh lo va, kan rilru pawh a khawih pha tak tak tawh lo deuh chu a nih hi.

Kum 2000 hnu lamah hian Tahan leh a chhevelah hian ruang char leh pawngsual sawi tur a vang hle a ni. Inthat ngat phei hi chu ka ngaihtuah let leh pawh hian sawi tur ka hre lo. Zu zalenna hmun a ni a, rui insual buai hmuh tur an awm tawh mang bawk si lo. Heti em em maia zoram lama pawngsual leh ruang chhar a hluar ta mai hi chu a mak ka ti thin. Mahse Mizoram hi ka pianna ram ni lo mahse rilru chhung rilah hian tatu riauva inhriatna hi ka nei a, hei hi chu thil mak ve tak a ni. Manipur te hi chu ka va inti ta tu leh miah si lo. Kawl ramah hian kan sorkar in awp dan avang hian engmah hi ta tak tak pawh hi kan nei si lova. Internetah chanchin mak leh ngaihnawm tak tak tam mahse ka rilru la bertu leh ka ngaihven ber chu Zoram chanchin hi a ni tho mai te hi ngaihtuah mai aia ril zawk sawifiah sen loh (thisenah hian) a awm a ni. A tawi zawnga sawi dawn chuan in ro awmna a piangah in rilru pawh a awm ang tih nen hian inzul tak a ni. Politics inlumlet vel te hi tha se, ramin hmasawn sela Zofate khawvela kan inpholanna hmun pawimawh tak mai a ni si a. Kawl ho zingah leh mi dang dang hnena han fak leh chawimawi te hi nuam ve thei deuh mai a sin. Zoram leh kei tihte pawh ziah ve a chakawm rum rum a, mahse kan Mizoram tan hian tangkaina sawi tur ka neih si loh zia te ngaihtuah chuan a zahthlak rum rum zawk a ni. Ka ram tia ka lo chhal thin tan hian enge ka pek ve theih ang aw tiin ka ngaihtuah chhunzawm ta rauh rauh mai a nih hi.

Human Right Watch thu chhuah chungchang huiva group mail-a Salai Thangtea'n a ma mimal ngaihdan a ziak hi ka han post chhawng ang e.

Chhiartu zavai hnenah,

Chin leh Mizo-ah kan buai lo hlawmin ka hria. Khawsakna lam leh kan awmhmun a zirin remcang anga awm kan ni hlawm.

Human Rights Watch (HRW) Report avang hian Mizorama awm Chin State atanga lo kal zawng zawng te hian mawh an phur kher lo a ni tih hi sawi ka va duh em!! HRW Report kha tha takin han chhiar ila, Report tu te kha Chin Human Rights (CHRO) leh Women's League of Chinland (WLC) inti te an ni. An ni hian an NGO hnathawhna nen hian Human Rights Org tawh phawt hi an dawr a, Mizorama awm Chin te hi eng ang background chiah nge an nih tih hre reng si hian, mualpho thei ang bera Report tu te an ni a, Zo leh Chin lungrual taka awm a, nakin leh zela in mamawh tawn kan nihna hi an ngai pawimawh lo. CHRO leh WLC hian Aizawl ah Office an nei a, Chin hming hmangin NGO sumdawng an ni. HRW chauh ni lovin NGO reng reng hi hetiang hian an lo dawr thin zawk a ni.

CHRO leh WLC hi Chin zawng zawng hian an pom a ni lo tih hi hriat a pawimawh a, CHRO hi CNF/A (Chin National Front/Army) tho an ni a, WLC pawh hi CHRO le CNF ho nena hlawkna tur leh inti larna tur a nih phawt chuan lungrual taka thawk ho reng an ni.

Chuvang chuan thil a nih loh dan tura awm thin hian mi tamtak a ti buai thin hi a pawi hle a, CHRO le WLC ho hi Mizoram ah duhduha awm vel leh vak vel hi YMA in 2003 a Mob Rule hmangin mi sang tam tak a hnawtchhuak ang khan heng anmahni hlawkna tur chauh leh larna chauh ngaihtuah a, NGO inti si mi tam tak ti hminghliautu te hi Hnawtchhuak se a tha ber.